ကွာလာလမ်ပူ၊ ဂျာန်နဝါရဳ ၂
ကၠောန်လဝ်ပေါဲရုဲမာဲသ္ကုတ်ပထမတုဲအာတုဲ တၠုၚ်လအာအကာဲအရာဍုၚ်ဗမာ ဗီုလဵုဆက်ဒှ်အာမာန် အာသဳယာန်မၚ်ရံၚ်အာရောၚ် သ္ကိုပ်ဝန်ဇၞော်မလေဝ်ယှာ အာန်ဝါ အေဗရာဟေၚ် ဟီုရ။
ကၠာဟွံစိုပ်အခိၚ်ဏီ ပရေၚ်ကမၠောန်စိုပ်အာ ညံၚ်ရဴဗီုပြၚ်သ္ပစၟတ်သမ္တီမွဲမွဲဗီုဂှ် ဂကောံအာသဳယာန် ဒးပါဲလဝ်ရောၚ် ညးဟီုရ။
ပေါဲရုဲမာဲက္ဍိုပ်သ္ကိုပ်ပၞာန်တံ ကၠောန်ဂှ် ညံၚ်ကဵုထပဵုတိုန်ကဵုအာယုက် ဒပ်ပၞာန် ဂွံထိၚ်လဝ်ပၠန်ရောၚ် ညံၚ်မၚ်ရံၚ် ဒဳမဝ်ကရေသဳတံ ကဵုလဝ်သတိကီုရ။
ပေါဲရုဲမာဲအလန်အကုတ်ပထမဏံ စၞးဒပ်ပၞာန် ဗော်ပျဳချိုၚ်ဖျိုဝ်သၟး ဂွံဇၞးလဝ်မာဲ ပရိုၚ်တိတ်မံၚ်ဂှ် သ္ကိုပ်ဝန်ဇၞော် အာန်ဝါ ဟီုလဝ်ရ။
ကလေၚ်ပအပ်အဝဵုကု ညးဍုၚ်ကွာန်ရောၚ် က္ဍိုပ်သ္ကိုပ်ပၞာန်ဟီုလဝ်တုဲ ပ္ဍဲဒဳဇြမ်ပါ ၂၈ ဂှ် ကၠောန်ကဵုလဝ် ပေါဲရုဲမာဲအလန်အကုတ်ပထမ မဒှ်ရ။
ဒၞာဲစှ်ေအလန်ဥက္ကဌ အာသဳယာန် သ္ကိုပ်ဝန်ဇၞော်မလေဝ်ယှာ အာန်ဝါ ဒဵုကဵုသၞာံဏံအိုတ် ကေတ်မံၚ်တာလျိုၚ်ဂှ်တှ်ေ တၠုၚ်လအာအကာဲအရာဍုၚ်ဗမာ ဗီုလဵုဆက်ဒှ်အာမာန် စွံသတိမၚ်ရံၚ်အာရောၚ် သ္ဂးလဝ်ရ။
အကာဲအရာဆက်စပ်မံၚ်ကဵု လၟေၚ်ပရေၚ်ဍုၚ်ကွာန်တံဂှ် စွံသတိမၚ်ရံၚ်အာ ညးဆက်ဟီုရ။
ညးချဳဒရာၚ်က္တိုင်ကၟိုဟ်တံ ညးတာလျိုၚ်အခေါၚ်အရာမၞိဟ်ကုလသမဂ္ဂ ကေုာံ အမာတ်ကလုတ်ဍုၚ်ပလိုတ်တံ ပျုတ်ဗဒေက်လဝ် ပေါဲရုဲမာဲကဝ်မယှေန်ပၞာန်တံကၠောန်ရ။
ပေါဲရုဲမာဲသ္ကုတ်အလန်ပထမဏံ ညးကၠုၚ်ကဵုမာဲ ၅၂% နွံမံၚ် ညးအခေါၚ်ဟီုဂးနွံ ကဝ်မယှေန်ပၞာန် သ္ကိုပ်ပၞာန် ဇြဝ်မေန်ထောန် ဟီုရ။
ပ္ဍဲစၠတ်ထဝ်သၟဝ် ဒၞာဲခုၚ်အမာတ် ၁၀၂ ဒၞာဲဂှ် ဂွံလဝ်ဒၞာဲ ၈၂ ဒၞာဲတုဲယျ အဃောဗော်ပျဳခိုၚ်ဖျိုဝ်ဟီုမံၚ်ဂှ် ဥက္ကဌအာသဳယာန် ဟီုတိတ်ကၠုၚ်အတိုၚ်ဏံရ။
Ref:TheStraitstimes