နယူယံက်၊ ဂျာန်နဝါရဳ ၄
Starlink ဂြိုဟ်ပတောအ် အဳလောန်မာတ်က်တံ ဟိုတ်နူသၠဲပတိတ်လဝ် ပ္ဍဲကဵုဂၠံၚ်ပွူဂြိုဟ်ဂေတ် လပါ်သ္ကုတ်သၟဝ် ထပဵုဟလိုၚ်တိုန်ဗွဲမပြဟ်ဂှ် ဒးဒှ်ဒွိၚ်ကဵု သွက်အရာဘဲအန္တရာဲဗၠးစ္ဍးအလုံဂၠးကဝ်မွဲရောၚ် ကြုက်ကဵုသတိကု ကုလသမဂ္ဂရ။
ကၠောန်ပရေၚ်ပိုန်ဒြပ်ပ္ဍဲအာကာသတံ၊ ဂြိုဟ်ပတောအ်ပရေၚ်ပိုန်ဒြပ်တံ ဂၠိုၚ်တိုန်မံၚ်ဂှ် ဍုၚ်လဵုမွဲမှ ဟွံစၟဳစၟတ်၊ ဥပဒေလဝ်ဟၟဲတုဲ တၚ်ကော်ဆောကဵု ပရေၚ်ဂီုကၠီု သွက်အရာဘဲအန္တရာဲဗၠးစ္ဍးအလုံဂၠးကဝ်မွဲ ဒှ်ကၠုၚ် ပ္ဍဲကောံဓရီုကုသမဂ္ဂဂှ် အမာတ်ကလုတ်ကြုက် ဟီုရ။
ပ္ဍဲကဵုသၞာံ ၂၀၂၁ တေံ ဒဒှ်ရ ဗ္ဒိုပ်အာကာသကြုက်ကဵု ဂြိုဟ်ပတောအ် Starlink တံ ပရူပရာကြပ်ဇီုဒးလဝ်ကီု လၟေၚ်ဒဒှ်ဗွဲမဂၠိုၚ်တံကီု အမာတ်ကလုတ်ပ္ညုၚ်ထ္ၜးတုဲ ဟီုဂးကဵုဏာသတိ မဒှ်ရ။
မဟာသေဌဳဇၞော် အဳလောန်မာတ်က် ဟိုတ်နူပဆုဲနၚ် ဂြိုဟ်ပတောအ် Starlink ပ္ဍဲကဵုဂၠံၚ်ပွူဂေတ် လပါ်သ္ကုတ်သၟဝ်ဗွဲမဂၠိုၚ်ဂှ် အန္တရာဲဖေက်တေက်ဇီုဒး လ္တူအာသာသ ဂၠိုၚ်တိုန်မံၚ် ကြုက်ဟီုရ။
အတိုင်သုတေသနလ္ၚတ်လဝ်တံမ္ဂး ဟိုတ်နူကဵုဂြိုဟ်ပတောအ်ဂၠိုၚ်တိုန်မံၚ် ပ္ဍဲကဵုဂၠံၚ်ပွူဂေတ်ဂၠိုၚ်တိုန်မံၚ်ပြဟ်ဟ်ဏံဂှ် အန္တရာဲဘိုအ်တေက်ဇီုဒးညးသ္ကံ ဂၠိုၚ်တိုန်မံၚ် ဂွံတီရ။
ပြဟ်ဟ်ဏံ အပ္ဍဲကဵုဂြိုဟ်ပတောအ် ၁၂၉၅၅ ဂှ် ပ္ဍဲကဵုဂၠံၚ်ပွူဂြိုဟ်ဂေတ် လပါ်သ္ကုတ်သၟဝ် ပူဗိုၚ်ဂေတ်မံၚ် ၈၅၀၀ မဒှ်ရ။
နူကဵု SpaceX သွက်ဂွံထပ်ပတိုန်ဂြိုဟ်ပတောအ် ၁၂၀၀၀ ကဵုလဝ်အခေါၚ်နွံတုဲ ရန်တၟံလဝ် အပံၚ်ဖအိုတ် ဂြိုဟ်ပတောအ်ညံၚ်ဂွံဒှ်ကၠုၚ် ၄၂၀၀၀ မဒှ်ရ။
အာယုက်ဂြိုဟ်ပတောအ်မွဲမွဲမ ညံၚ်ဂွံဒုၚ် ၅ သၞာံ ကၠောန်လဝ်တုဲ အာယုက်အိုတ်အာမ္ဂး အလဵုလဵုလုပ်အာ ဗလးကျာဂၠးတိ ညံၚ်ဂွံတူလီုလာ်အာကေတ်ကေတ် ဖန်လဝ်ရ။
ပ္ဍဲအကြာဏံ ကာန်ပနဳကြုက်တံလေဝ် သွက်ဂွံဗလးပ္တိုန်ဂြိုဟ်ပတောအ်အေန်တာနိတ်ညးတံပိုၚ်ပြဳနွံတုဲ ပ္ဍဲကဵုဂၠံၚ်ပွူဂြိုဟ်ဂေတ်ဂှ် ဂြိပ်ပတောအ်တံ သွက်ဂွံဂၠိုၚ်တိုန် မဒှ်ရ။
ဗွဲကြဴသၞာံ ၂၀၁၈ ပ္ဍဲကဵုဂၠံၚ်ပွူဂြိုဟ်ဂေတ် လပါ်သ္ကုတ်သၟဝ်ဂှ် လၟိဟ်ဂြိုဟ်ပတောအ်ဂၠိုၚ်တိုန်ကၠုၚ်တုဲ ကၠောန်မံၚ်ပရေၚ်ပိုန်ဒြပ် ပ္ဍဲအာကာသဂှ် ညံၚ်ဂွံခၞံပတိုန်သၞောဝ်ဥပဒေ နွံကၠုၚ်ပၟိက်ယျ ကြုက်ဟီုတိုန်ရ။
Ref:Independent