ဗေကျေန်၊ မာတ် ၄
နူဂကောံကဵုကသပ်ပရေၚ်ဍုၚ်ကွာန် ဍုၚ်ကြုက် တးပါဲပ္တိတ်ထောံ သ္ကိုပ်ပၞာန် ၉ တၠတုဲ ဗွဲကြဴဏံ ထပ်ပါ်မာဲဖျေံသ္ဂုတ်သွာတ် တးပ္တိတ်ထောံသ္ကိုပ်ပၞာန် ၃ တၠပၠန် မဳဒဳယာအလဵုအသဳတံ ချူထမံက်လဝ်ရ။
သွက်ပေါဲသဳကၠဳပရေၚ်ဍုၚ်ကွာန်ဍုၚ်ကြုက် လၟေၚ်သၞာံ အလုံမွဲဍုၚ် အဃောညးတာလျိုၚ်ကြုက်တံ ဆဵုဂဗမံၚ်ဏံ ထပ်ပတိုန်လဝ်ဇြဟတ် အရာဗတိုက်သရိုဟ် သ္ကိုပ်ပၞာန်အဆံၚ်သၠုၚ်တံဂှ် ထပ်တးပ္တိတ်ထောံ သ္ကိုပ်ပၞာန် ၃ တၠဏအ် မဒှ်ရ။
ပေါဲသဳကၠဳဂကောံပတိတ်သၞောဝ်နိဂီုဍုၚ် အဆံၚ်သၠုၚ်အိုတ် စၠတ်ဓဝ်ညးဍုၚ်ကွာန် ကေုာံ ဂကောံကဵုကသပ်ပရေၚ်ဍုၚ်ကွာန်တံဂှ် သွက်ဂွံကၠောန်အာကောံဓရီု ပွိုၚ်မွဲသတ္တဟရောၚ်။
နူဂကောံကဵုကသပ်ပရေၚ်ဍုၚ်ကွာန်ဂှ် တးပါဲပ္တိတ်ထောံ သ္ကိုပ်ပၞာန်ညးဂွံဇၞူကမၠောန် ဟာန်ဝေကူ၊ လွဳလေ ကေုာံ ကျာအိုကျာန်တံဂှ် ပရိုၚ်သိၚ်ဟွာ ချူထမံက်လဝ်ရ။
သီုကဵုပါ်မာဲ ဖျေံသ္ဂုတ်သွာတ် တးပါဲပ္တိတ်ထောံ ကောန်ဂကောံတၞဟ်ဟ် ၂ တၠတုဲ ထပ် ၁၀ တၠပၠန်ရောၚ် သီုကဵုတးပါဲပ္တိတ်ထောံဗဗွဲသၞောဝ်ရောၚ် ဂွံတီကေတ်လဝ်ရ။
နူစၠတ်ဓဝ်ညးဍုၚ်ကွာန်ဍုၚ်ကြုက် အပ္ဍဲကဵုတးပါဲနုက်ပ္တိတ်ထောံ ညးစၞးစၠတ်ဓဝ် ၁၉ တၠ ပ္ဍဲဂိတုဖေဖဝ်ဝါရဳ ၂၆ တေံဂှ် ညးတာလျိုၚ်ပၞာန် ၉ တၠတံလေဝ် ပါလုပ်မံၚ်ရောၚ်။
ဟိုတ်ပရူပရာစတမ် မဒးတးပါဲပ္တိတ်ထောံလဝ် ညးတာလျိုၚ်တံဏံဂှ် နကဵုစၠတ်ဓဝ်ညးဍုၚ်ကွာန် နိဂီုဍုၚ်ကြုက် စွံလဝ်ပရေၚ်ကာပၞုက်လဝ်ရ။
ဝန်ဇၞော်ဌာနပရေၚ်စဳမာန်ခါန်ကၞက် ဝန်ကျေန်ယှဳလေဝ် ဒးဒုၚ်တးပါပ္တိတ်လဝ်တုဲ ကြဴနူစၟဳစၟတ်ဂွံဆဵုကေတ် အဂတိပွဒဂေတ်လီုဂှ် ဒးဒုၚ်တးပ္တိတ်ထောံသာ်ဏအ် မဒှ်ရ။
ပွအဂတိဒဂေတ်လီုလာံတံဝွံ သွက်ဗော်သၟာကမၠောန် ဂွံအဝဵုမ္ဂး ဒှ်မံၚ်ဘဲအန္တရာယ်ဇၞော်ဇၞော်ရောၚ် သမတ ယှဳကျေန်ဖျေန် ဟီုတုဲ နုက်ပ္တိတ်ထောံ ညးတာလျိုၚ်အဆံၚ်သၠုၚ်တံ အတိုၚ်ဏအ်ရ။
ပွမဗီုကၠောန်လဝ်ဏအ်ဂှ် ဒှ်ပရေၚ်ဒစးဒုၚ်ပသောင်သ္အးထောံလဝ် ရဲပြိုၚ်ပကာန်မံၚ်ပရေၚ်ဍုၚ်ကွာန်ကဵုညးတေံ ကၠာရောၚ် ဂလာန်ဟီုဂးတံ မံက်တိတ်ကၠုၚ်မံၚ်ရ။
တရုတ် စစ်တပ်က အကျင့်ပျက်ခြစားမှု တိုက်ဖျက်နေတာကို ရှီကျင့်ဖျင်က ချီးကျူးထား ပါတယ်။
အရာဒပ်ပၞာန်ကြုက် ဗတိုက်သရိုဟ်မံၚ် အဂတိပွဒဂေတ်လီုလာ်တံဂှ် ယှဳကျေန်ဖျေန် ထိုၚ်သးလဝ်ရောၚ်။
Ref:AFP