တဳဟဳရာန်၊ မာတ် ၆။
ယဝ်ရအေဿရေ ဗတိုက်ရုၚ်ကလုတ်အဳရာန် မၞုံပ္ဍဲဍုၚ်ဗေရောတ် နိဂီုဍုၚ်လက်ဗနန်မ္ဂး ရုၚ်ကလုတ်အေဿရေ မၞုံအလုံဂၠးကဝ်တံဂှ် ဒှ်အာပွန် ဒၞာဲဗွဲသၞောဝ်ရောၚ် ညးအခေါၚ်ဟီုဂး ဒပ်မၚ်ပၠန်ဂတးအဳရာန် ဒုသ္ကိုပ်ပၞာန် အဗဝ်ဖအ် ချဳခါချဳ ကဵုလဝ်သတိရောၚ်။
နူဌာန်ပရိုၚ် Tasnim News အလဵုအသဳအဳရာန်ပိုၚ်လဝ် လ္ၚဵုတံ ပ္ဍဲဂိတုမာတ် ၄ ဂှ် ထမံက်ထ္ၜးလဝ် ပရေၚ်ကဵုသတိ သာ်ဏအ်ရောၚ်။
လပါ်အေဿရေ ဘပဠလဝ် သွက်ဂွံဗတိုက် ရုၚ်ကလုတ်အဳရာန် ပ္ဍဲလက်ဗနန်တုဲ ယဝ်ရဗတိုက်ကၠုၚ်မ္ဂး ရုၚ်ကလုတ်အေဿရေ မၞုံအလုံဂၠးကဝ်တံ ဒးစွံပွန်တုဲ ဗတိုက်အာရောၚ် ချဳခါချဳ ဟီုလဝ်ရ။
လတူဥပဒေသၞောဝ်ဂၠးကဝ်တံဂှ် နကဵုအဳရာန် ရှ်ေသှ်ေမံၚ်ကီုလေဝ် ပရေၚ်ချဳဒရာၚ်ပၞာန်အေဿရေတံဂှ် စၟတ်အပိုၚ်အခြာဟၟဲမံၚ်ရောၚ် ဒုသ္ကိုပ်ပၞာန်အဳရာန် ကလေၚ်ဟီုလဝ်ရ။
ပါဲနူအမေရိကာန် ကဵု အေဿရေတုဲ နကဵုအဳရာန်ဂှ် ကုနိဂီုဍုၚ်လဵုမွဲလေဝ် ပဋိပက္ခ ကေုာံ ပရေၚ်ဒှ်သၞ ဟၟဲပုဟ် ညးဟီုလဝ်ရ။
ဟိုတ်နူအဳရာန် ကဵု အေဿရေတံ ဆက်ဗတိုက်မံၚ်ညးသ္ကံတုဲ အစဳအဇန်အဂႅလိက် သွက်ဂွံဟံၚ်ပြာ်ကောန်ဍုၚ်ညးတံ နူဒေသဗၟံက်လဒေါဝ်ဂှ် လၟေၚ်တရဴဂၠံၚ်ၜၚ်ကျာကၠာအိုတ် လဇုဲလဇအာ မဒှ်ရ။
ဟိုတ်နူအမေရိကာန် ဗၠိုက်ဖျေံထောံ ၜၚ်ညးတံမွဲမတုဲ ဗွဲမသကာတ်မြဟ် ဒးကလိဂွံအာ ဓဝ်သတိဗ္စာဍာံဍာံရောၚ် အဳရာန် ဘပဠလဝ်ရ။
အဃောအဳရာန် ကလေၚ်ဗတိုက်မံၚ် ဗ္ဒိုပ်ပၞာန်အမေရိကာန် မၞုံပ္ဍဲနိဂီုဍုၚ်မဟာမိတ်တံဂှ် လပါ်အေဿရေလေဝ် ဗတိုက်မံၚ် ရုၚ်သ္ကိုပ်ဂီုကၠီုအဳရာန်တံ မၞုံပ္ဍဲတဳဟဳရာန်ကီုရ။
သွက်ဂွံဒေါအ်ဒတုဲအာပေါဲပၞာန်ဂှ် နကဵုအဳရာန် ဆက်စၠောံကၠုၚ်ကဵု သဳအိုၚ်အေ (CIA) အမေရိကာန်ကီုလေဝ် သွက်ဂွံသဳကၠဳဂှ် အခိၚ်လဇုဲလောန်အာယျ ထရ ဟီုလဝ်ရ။
ပေါဲပၞာန်ဒှ်မံၚ် စိုပ်ကၠုၚ် ၆ တ္ၚဲဏအ်ဂှ် လပါ်အေဿရေ ဆက်ဗတိုက်မံၚ် လက်ဗနန် ကဵု အဳရာန်တုဲ လပါ်အဳရာန်လေဝ် ကလေၚ်ဆက်ဗတိုက်မံၚ် အေဿရေဖိုအ်ရောၚ်။
ပ္ဍဲအခိၚ်ဏအ် နူကဵုအဂႅလိက် သွက်ဂွံဗလးဏာ ၜၚ်ပၞာန် HMS Dragon ဇရေၚ်ဒေသဗၟက်လဒေါဝ်ဂှ် အဃောဖ္ဍိုက်မံၚ်လွဟ်မကမ်တံ မဒှ်ရ။
Ref:Jerusalem post