တနၚ်သဳ၊ မာတ် ၂၀
ပ္ဍဲရးတနၚ်သဳ ပွိုၚ်ဍုၚ်တနၚ်သဳ ဂအုံကွာန်ပဝဂှ် ဟိုတ်နူ ဒပ်ကဝ်မယှေန်ပၞာန် ဗတိုက်နကဵုဒရုၚ်ဂစိုတ်ဇကု ကာမဳကာဇေလ်တုဲ ကောန်ၚာ်ပိတၠ ဒးလဝ်ဝပ်ဘဲဒဏ်နွံ သာ်ဝွံ ညးဒေသတံ ဟီုကဵုဌာန်ပရိုၚ်သြၚ်လောန်တိုၚ်မ်ရ။
ပ္ဍဲကဵုဂိတုမာတ် ၁၈ အခိၚ်နူဂယးၜိုတ် ၁၀ နာရဳဂှ် နူတမ်ဒပ်ခမရ ၅၅၆ ဖျေံလဝ်သ္ဇိုၚ်ကွာန်ဇဝဲဂှ် စကာဒရုၚ်ဂစိုတ်ဇကုကာမဳကာဇေလ် အဇာဍောတ်တ်တုဲ ဗတိုက်လဝ်ကွာန်ပုၚ်တဝ် ပ္ဍဲဂအုံကွာန်ပဝရောၚ်။
ဒရုၚ်ဂစိုတ်ဇကု ကာမဳကာဇေလ် ဒပ်ကဝ်မယှေန်ပၞာန်မွဲမဂှ် ဒတုံဒးတၞံသတ် ပ္ဍဲသ္ၚိမွဲမ ကွာန်ပုၚ်တဝ်တုဲ ခတိုဟ်ဗကးအာဂှ်ရ ကောန်ၚာ်အဝဲသၟူလေၚ် ပိတၠ ဝေၚ်မံၚ်သၟဝ်တိဂှ် ဒးအာလဝ်ဝပ်ရောၚ် ညးတြုံဒေသမွဲတၠ ဟီုကဵု ဌာန်ပရိုၚ်သြၚ်လောန်တိုၚ်မ်ရ။
ဗီုဂှ်ကီု ပ္ဍဲအခိၚ်ဒေါဝ်တ္ၚဲဂှ်လေဝ် လပါ်အဒေါဝ်ကွာန်တကူကေုာံ ကွာန်ယွာမတံဂှ် ဒပ်ကဝ်မယှေန်ပၞာန် စကာဒရုၚ်ဂစိုတ်ဇကု ကာမဳကာဇေလ် ၜါမတုဲ ဗတိုက်လဝ်ကီုလေဝ် ဒးလဝ်မၞိဟ်ဟၟဲပုဟ် သ္ဂးရ။
ပ္ဍဲတ္ၚဲအကြာတံဏအ် နူတမ်ဒပ်ခမရ ၅၅၆ ဖျေံသ္ဇိုၚ်ကွာန်ဇဝဲဂှ် ဒရုၚ်ဂစိုတ်ဇကုကာမဳကာဇေလ် အဇာဍောတ်တ်တံဂှ် ကဵုပဝ်တိုန်မံၚ် ဇၟာပ်ပ်တ္ၚဲ ဗက်ဗတိုက်မံၚ်ညးဍုၚ်ကွာန်တံ ဆက်ဆက်တုဲ ပ္ဍဲအကြာညးဒေသတံ ပရေၚ်စိုတ်ဒးဒှ်ဒွိၚ် သၠုၚ်တိုန်မံၚ်ရောၚ်။
တမ်ဒပ်ခမရ ၅၅၆ ဂှ် သွက်ဂွံကဵုတန်ဗတောန်ခန်လ္ၚတ် ကုကွးဘာဒရုၚ်တံတုဲ စကာမံၚ်ယာန်အောန်န်တုဲ စမ်ၜတ်မံၚ်ဒရုၚ်ဂစိုတ်ဇကု ကာမဳကာဇေလ် အဇာဍောတ်တ်တံရောၚ် ဂကောံဇြဟတ်ပၠန်ဂတး တံ တော်ခယျလဝ်ရ။
ပ္ဍဲကဵုမာတ် ၁၆ လောန်ကၠုၚ်ဏအ်လေဝ် ပ္ဍဲဘာလကျာ်ကွာန်တကူ ပွိုၚ်ဍုၚ်တနၚ်သဳ ကၠောန်မံၚ်ကာကုသဵု ပရေၚ်ချိုတ်ဂှ် ဒပ်ကဝ်မယှေန်ပၞာန်တံ စကာဒရုၚ်ဂစိုတ်ဇကု ကာမဳကာဇေလ် ၜါမတုဲ ဗတိုက်လဝ်ရောၚ် ဂွံတီကေတ်ရ။
ပရိုၚ် – သြၚ်လောန်တိုၚ်မ်
Photo – CJ