နေပျဳဒဝ်၊ အေဗရာ ၁၈
ဂကောံရပ်လွဟ်သီုဖအိုတ် ညံၚ်ဂွံထောံကၠေံ ဂၠံၚ်တရဴရပ်လွဟ်တုဲ ပြသၞာပရေၚ်ဍုၚ်ကွာန်ဂှ် သောၚ်ကလးအာ နကဵုနဲကဲပရေၚ်ဍုၚ်ကွာန် ညိဂှ် သမ္မတသီအဝဵု ဥူမေန်အံၚ်လှိုၚ် ကော်ဘိက်လဝ်ရ။
အပ္ဍဲဂိတုအေဗရာ ၁၇ အခိၚ်ဟီုဂလာန် ဒုၚ်တၠုၚ်သၞာံတၟိ တ္ၚဲအတးသင်္ကြာန် သၞာံတၟိမွဲမံက်ဂှ် သမ္မတသီအဝဵု ဥူမေန်အံၚ်လှိုၚ် ဗ္တိုက်ဖ္အောဝ်ဘိက်ပၟိၚ်လဝ်ရ။
ပ္ဍဲအရာ ပရေၚ်ဒက်ပ္တန် ဍုၚ်ဒဳမဝ်ကရေဇြဳအနာဂတ် ကေုာံ အရာရေၚ်တၠုၚ်ကၠောန်အာ ပရေၚ်ဇၞော်မောဝ်ဍုၚ် ဂတာပ်ခေတ်တံမ္ဂး သွက်ဍုၚ်ဂွံတန်ကြန်ညိၚ်ဝပ်၊ ပဋိပက္ခရပ်လွဟ် အပ္ဍဲဍုၚ်ညံၚ်ဂွံအိုတ်ကၠက်အာကေုာံ သွက်ဂွံကလိဂွံ ပရေၚ်ၜိုဟ်လလမ် ထာဝရမာန်ဂှ် ဒှ်အရာကိစ္စဇၞော် ဗွဲမလောန်ရောၚ် သမ္မတသီအဝဵု သ္ဂးရ။
ဆေၚ်စပ်ကဵုလၟေၚ်ကမၠောန်ပရေၚ်ၜိုဟ်လလမ်တုဲ အတိုၚ်တၚ်တုပ်လဝ်စိုတ် မနွံပ္ဍဲသၞောဝ်ဥပဒေသ္ဇိုၚ် ၂၀၀၈ ကေုာံ လိက်ကသုက်ဒေါအ်ပန်ပှော်အလုံဍုၚ် NCA ဂှ် စွံအဓိကတုဲ ကၠောန်ဗဒှ်ကၠုၚ်လဝ်လၟိုန်ရောၚ် သ္ဂးလဝ်ရ။
ၜိုန်ဂှ်လေဝ် တိုၚ်ပ္ကဴပရေၚ်ၜိုဟ်လလမ်ဂှ် ဟိုတ်နူပဋိပက္ခ ဒှ်ဟွံထေက်တံဂှ်ရ သ္ၚောဲမံၚ်ဖိုဟ်ဏီတုဲ ဟိုတ်နူပဋိပက္ခရပ်လွဟ်တံဂှ် ထံက်ရံၚ်အာ အရာဆောံလေၚ်ယုတ်ဒေက်တံဒှ်ကၠုၚ်လဝ် အပ္ဍဲကၟိန်ဍုၚ်ညိကီုဂှ် သမ္မတသီအဝဵု ဗ္တိုက်ဖ္အောဝ်လဝ်ရ။
နကဵုဂကောံအလဵုအသဳမ္ဂး ပံက်လဝ်ပါၚ်တရၚ် ပရေၚ်ၜိုဟ်လလမ်ထာဝရတုဲ သွက်ပဋိပက္ခရပ်လွဟ်တံ ဂွံအိုတ်ကၠက်အာ၊ သွက်ဂွံဂွံ ပရေၚ်ၜိုဟ်လလမ်ထာဝရဂှ် ဆက်တုဲဂစာန်ကၠောန်အာရောၚ် ကေုာံ တာလျိုၚ်ပိုဲ ပိတၚ်ပိုဲဂှ် နဒဒှ်တာလျိုၚ်ကောန်ဂကူမွဲဆက်တုဲစဵုဒၞာ မၚ်မွဲအာရောၚ် သမ္မတသီအဝဵု ဟီုရ။
ဟွံဒးလုပ်ပြိုၚ်ပေါဲရုဲမာဲ က္ဍိုပ်သ္ကိုပ်ပၞာန် ဒှ်ကၠုၚ်သမ္မတဝွံ အပ္ဍဲအကြာပွိုၚ် ၅ သၞာံ သီလဝ်အဝဵုဏံဂှ် ဂကောံရပ်လွဟ် ကောန်ဍုၚ်အရၚ်တံကီု ဂကောံပၠန်ဂတးတံကီု ညံၚ်ဂွံထောံဗလးလွဟ်တုဲ ကၠောန်ပရေၚ်ၜိုဟ်လလမ်ညိဂှ် ဘိက်ပၟိၚ်လဝ်ဟွံအောန်နူ ၁၀ ဝါကီုလေဝ် ပရေၚ်ဆဵုဂဗသဳကၠဳဂှ်တှ်ေ ဟွံဒှ်ကၠုၚ်လဝ်ဏီပုဟ်။
ပရိုၚ် – သြၚ်လောန်တိုင်မ်
ရုပ်- MOI