ၜဳကလေၚ်၊ မေ ၆
အပ္ဍဲကဵုတွဵုရးမန် ပွိုၚ်ဍုၚ်ၜဳကလေၚ် ပေါဲဗတိုက်သီဗဒိုပ် ဝေၚ်တာပါန်ကဵု လေဝ်ကေ ဂှ် ရပ်ဂွံလဝ်ကောန်ပၞာန် ဒပ်ကဝ်မယှေန်ပၞာန် ၂၄ တၠ ဂျိုၚ်ၚ်ရဂှ် နူကဵုဌာန်ရးပၞာန်တၟေၚ် ဒပ်စဵုဒၞာညးဍုၚ်ကွာန် PDF လလောၚ်တြးလဝ်ပရိုၚ် ပ္ဍဲဂိတုမေ ၅ တေံရ။
ဗဒိုပ်ပၞာန်ဗမာလေဝ်ကေ ဖျေံသ္ဇိုၚ်ၜဳကလေၚ်တံ ပ္ဍဲဂိတုအေဗရာ ၁၂ တုဲကၠုၚ်ဏံဂှ် နူကဵုဒပ်ပံၚ်ကောံမဟာမိတ်ပၠန်ဂတးတံ ဗတိုက်သီကေတ်ဂွံလဝ် သီုဖအိုတ်ရ။
အပ္ဍဲပေါဲဗတိုက်သီဗဒိုပ်ဏံ ကောန်ပၞာန်ဒပ်ကဝ်မယှေန်ပၞာန် ၁၈ တၠ မဒှ် ဒု-သ္ကိုပ်တမ်ဒပ် အံၚ်ဇဝ်မဵု မပါလုပ်ဂှ် ရပ်ဂွံလဝ်ဂျိုၚ်ၚ်တုဲ သီဂွံလဝ်သီုကဵုလွဟ်မကမ်တံရ။
စနူဂိတုအေဗရာ ၁၄ တေံတုဲ ဂကောံဒပ်ပံၚ်ကောံမဟာမိတ်ပၠန်ဂတးတံ စကၠောန်ပေါဲဗတိုက်သီဗဒိုပ် ဝေၚ်တာပါန်ဂှ် ဒပ်ကဝ်မယှေန်ပၞာန် ဖျေံသ္ဇိုၚ်ၜဳကလေၚ်တံ ညံၚ်ဗဒိုပ်ဟွံဂွံစှ်ေအာဂှ် ဒုၚ်တဝ်စၞေဟ်မံၚ် ဇၞော်ကဵုဇြဟတ်ရောၚ်။
ညံၚ်ဗဒိုပ်ဝေၚ်တာပါန် ဟွံဂွံစှ်ေအာဂှ် ကရောၚ်ပၞာန်ရီုဗၚ် ဇြဟတ် ၜိုတ် ၂၀၀ တၠတံ တိုန်ကၠုၚ်ကီုလေဝ် ဒးဒုၚ်တတ်ဗတိုက် အကြာဂၠံၚ်ဂှ်တှ်ေ ကောန်ပၞာန်ဒပ်ကဝ်မယှေန်ပၞာန် ၂၅ တၠ ချိုတ်အာတုဲ ၃၀ တၠ ပြၚ် ဒးဝပ်ဟွံက ရပ်ဂွံဂျိုၚ်ၚ် ၆ တၠဂှ်လေဝ် လလောၚ်တြးလဝ်ရ။
အပ္ဍဲကဵုရပ်ဂွံဂျိုၚ်ၚ် ဒု-သ္ကိုပ်တမ်ဒပ် အံၚ်ဇဝ်မဵုကီု သီုကဵုကောန်ပၞာန် ဒပ်ကဝ်မယှေန်ပၞာန် ၂၄ တၠတံဂှ် ထိၚ်ဒဝ်မၚ်မွဲလဝ် အတိုၚ်ဥပဒေဂၠုဲပၞာန် ဗွဲမခိုဟ်မိုဟ်ရောၚ် အပ္ဍဲကဵုလိက်လလောၚ်တြး ဗၟံက်ထ္ၜးလဝ်ရ။
ပြဟ်ဟ်ဏံလေဝ် ညံၚ်ဗဒိုပ်ဝေၚ်တာပါန် ဟွံဂွံစှ်ေအာဂှ် ဒပ်ကဝ်မယှေန်ပၞာန် ဗတိုက်မံၚ်ကဵုၜၚ်ကျာ၊ လွဟ်ဇၞော်၊ ဒရုၚ်၊ စက်က္ဍိုၚ်ကျာ ကြဳမံၚ်ဗုမ် ပ္ဍဲကွာန်ဝေၚ်တာပါန်ကဵု ကွာန်ကျံက်ဖျာတံဂှ် ဆက်ကၠောန်မံၚ် ဇၟာပ်ပ်တ္ၚဲ မဒှ်ရ။
ပရိုၚ် – သြၚ်လောန်တိုၚ်မ်
Photo – အထူးတိုင်းစစ်ဌာန