မတ်မလီု၊ မေ ၂၆
အပ္ဍဲကဵုတွဵုရးမန် သွက်ဂွံတိုန်ဘာယိုက်ဝန်ပၞာန်ညးဍုၚ်ကွာန် လၟေၚ် ၂၅ နူဒပ်ပၞာန်သီအဝဵုပံက်လဝ်ဂှ် သၟတ် ၂၀၀ ပြၚ်တံ ဒးဒုၚ်ထပ်ကော်ပကောံဏာ နဒဒှ်ကောန်ပၞာန်တၟိရဂှ် ဂွံတီလဝ် နူကဵုညးကြပ်ကဵု ဒပ်ပၞာန်တံရ။
အပ္ဍဲဂိတုမေ ၂၃ တေံ ဂကောံအလဵုအသဳတွဵုရးမန် ဆဵုဂဗကု သၟတ် ဒးဒုၚ်ပကောံလဝ် သွက်ဂွံယိုက်ဝန်ပၞာန်တံတုဲ ကဵုလဝ်သြန် အထံက်ပၚ်တံရောၚ်။
သၟတ်ဗွဲမဂၠိုၚ်ဂှ်တှ်ေ ဟိုတ်နူ ဒးဒုၚ်တံၚ်ပဝ်တာ အကြာဂၠံၚ်၊ ဒးဒုၚ်လုပ်ရပ်ဏာအပ္ဍဲသ္ၚိ ကေုာံ စောဲစပ် ပရေၚ်ဖံက်ပကဝ်အမိၚ် ဒေသန္တရတံဂှ် ကြဴနူဒးဒုၚ်ရပ်တုဲမှ ဒးဒုၚ်ပကောံဏာ သွက်ဂွံယိုက်ဝန်ပၞာန်တံရ။
တုဲပၠန် လ္တူရပ်ဂွံလဝ် နကဵုပရေၚ်ထ္ၜးဟိုတ်နာနာသာ်တံဂှ် လ္တူသၟတ် မွဲတၠမ္ဂး ခုတ်င္ၚုဟ်မးသြန် နူကဵု ၅၀ ကိုတ် စဵုကဵု ၈၀ ကိုတ်တုဲ ရဲဒပ်ပၞာန်ကဵုဗၠာဲသၟိၚ်တံဂှ် ကလေၚ်သွံစအာကဵု သ္ကိုပ်ပရေၚ်အုပ်ဓုပ်အရာပ်/ကွာန်တံပၠန် ကၠောန်လဝ် ပွဗီုဗီုတံဏံ နွံရ။ အတိုၚ်တင်နၚ် ဌာန်ပရိုၚ်သြင်လောန်တိုၚ်မ် ပကောံလဝ်မ္ဂး အပ္ဍဲကဵုတွဵုရးမန် စနူဘာပၞာန်လၟေၚ် ၁ စဵုကဵုစိုပ် လၟေၚ် ၂၅ မၞိဟ်ဒးဒုၚ်ပကောံဏာ သွက်ဂွံယိုက်ဝန်ပၞာန် ဟွံအောန်နူ ၅၂၀၀ တၠနွံရ။
မွဲလပါ်ပၠန်လေဝ် လ္တူသၟတ်အဝဲလုပ်အဝေါၚ် ယိုက်ဝန်ပၞာန်တံဂှ် နကဵုသၞောတ်အလန်ညးကဵုညး သွက်ဂွံကော်ကေတ်မာန် ဒးပကောံစရၚ်တုဲ သ္ပလဝ်စၟတ်သမ္တီကီုရောၚ် ပ္ဍဲကောံဓရီု ဂိတုမေ ၁၄ တေံဂှ် အလဵုအသဳပၞာန် ကဵုလဝ်စၞောန်ပ္ညုၚ်နွံရ။
ပရိုၚ် – သြင်လောန်တိုၚ်မ်
Photo – MOI