သိုလ်၊ သိပ်တေမ်ပါ ၁၂
ပ္ဍဲကဵုသိပ်တေမ်ပါ ၁၁ ဂှ် ဝန်ဇၞော်ဍုၚ်သအာၚ် ကိုဝ်ရဳယာသၠုၚ်ကျာ ချိုဟယန်ကဵု ဝန်ဇၞော်ဍုၚ်သအာၚ်အဳရာန် အာဗာတ်သ်အာရက်ချဳတံ နကဵုဖုၚ် တက်ကျာသဳကၠဳတုဲ စပ်ကဵုပရေၚ်အကာဲအရာ ဒေသဗၟံက်လဒေါဝ်တံ နူကဵု ပ္ၚံက်ၜဳဟဝ်မုဇ်ဂှ် ပရေၚ်ကိစ္စၜၚ်တံ သွက်ဂွံအာကၠုၚ်ဗွဲမသၠးၜးမာန်ရ။
အတိုၚ်လလောၚ်တြး ဌာဝန်ဇၞော်ဍုၚ်သအာၚ် ကိုဝ်ရဳယာသၠုၚ်ကျာမ္ဂး ဒှ်မံၚ်ဒဝိၚ်လတူအကာဲအရာ ဒေသဗၟံက်လဒေါဝ်ကွေံကွေံရောၚ် ဝန်ဇၞော် ချိုဟယန် ဟီုလဝ်တုဲ အကာဲအရာ ပရေၚ်ၜိုဟ်လလမ်ညိၚ်ဝပ် အပ္ဍဲကဵုဒေသဏံ သွက်ကလေၚ်ဂွံအာဂှ် စၟဳစလဝ်ရောၚ် သ္ဂးရ။
တုဲပၠန် ၜၚ်သီုဖအိုတ်တံ ပရေၚ်စကာအာကၠုၚ်ဗၠးဗၠးၜးၜး ပ္ဍဲဂၠံၚ်ဍာ်ဏံ ဘဲအန္တရာဲဟွံမွဲဂှ် နူကိုဝ်ရဳယာသၠုၚ်ကျာ ထံက်ဂလာန်ကၠုၚ်လၟိုန်တုဲ ပ္ဍဲအရာသၠုၚ်ပတိုန် ပရေၚ်ဂီုကၠီုဂၠံၚ်ဍာန်ၜဳဂှ်လေဝ် ပါလုပ်လဝ်ကီု ဝန်ဇၞော် ချိုဟယန် ဟီုရ။
စပ်ကဵုပရေၚ်အကာဲအရာ ဒေသဗၟံက်လဒေါဝ် တၚ်ဒတူလာၚ်ညးတံဂှ် ဝန်ဇၞော်ဍုၚ်သအာၚ်အဳရာန် အာဗာတ်သ်အာရက်ချဳ သောၚ်ကလး ဟီုကဵုလဝ်တုဲ ပရေၚ်ဂၠံၚ်ဍာန်ဆက်စၠောံ အကြာၜါဍုၚ် သွက်ဂွံဆက်စွံအာ သောၚ်ၚ်ကၠးကၠး တုပ်လဝ်စိုတ်ညးသ္ကံရ။
နူကဵုအဳရာန် အာတ်မိက်ကော်နၚ်ဖုၚ်တုဲ စဳဇန်လဝ်ပရေၚ်တက်ကျာဏံရောၚ် နူကဵုဌာဝန်ဇၞော် ပရေၚ်ဍုၚ်သအာၚ် ကိုဝ်ရဳယာသၠုၚ်ကျာ ဟီုရ။
ဂကောံပရေၚ်စၟဳစၟတ်မွဲဂကောံ သွက်ဂွံဗလးဏာဒပ်ပၞာန် ဒေသဗၟံက်လဒေါဝ်တေံ ထေက်၊ ဟွံထေက် အခိၚ်ကိုဝ်ရဳယာတံ လ္ၚတ်မံၚ်ဂှ် ဒှ်ကၠုၚ်ပရေၚ်ဏံကိတ်တ်ရ။
နူအကြာပ္ၚံက်ၜဳဟဝ်မုဇ်ဏံ ပရေၚ်ၜၚ်တံ တတ်အာကၠုၚ်မာန်ဗၠးဗၠးၜးၜးဂှ် ညံၚ်ဂွံဒှ်အာပရေၚ်အထံက်ပၚ် ပရေၚ်သွက်ဂွံဒးရုဲစှ်မ္ဂး နဲကဲပရေၚ်ပၞာန်လေဝ် ပါမံၚ်ကီု ပ္ဍဲသတ္တဟတုဲဏံ နူကဵုရုၚ်သမ္မတကိုဝ်ရဳယာ ဟီုလဝ်ရ။
အကြာပ္ၚံက်ၜဳအဳရာန်ကဵု ပ္ၚံက်ၜဳဟဝ်မုဇ် နကဵုပရေၚ်ပၞာန် ဒပ်ပၞာန်ကိုဝ်ရဳယာသၠုၚ်ကျာ ပါလုပ်ကၠုၚ်မ္ဂး ရဲထံက်ဂလာန် ပရေၚ်အမေရိကာန်တံ ၜက်ၜေတ်ရောၚ် စွံလဝ်စိုတ်ဂှ် ကဵုလဝ်သတိနွံတုဲ ဖဵုဂုဏ်ပရေံပရေံတံ ဒှ်ကၠုၚ်မာန်ဂှ် အဳရာန်ကဵုလဝ်သတိ ဟီုဂးလဝ်နွံရ။
ဆဂး အလဵုအသဳကိုဝ်ရဳယာသၠုၚ်ကျာတံ သွက်ဂွံဗလးဏာဒပ်ပၞာန်ဂှ် အခိၚ်လက်ကရဴအိုတ် ဟွံဂွံဖျေံသ္ဂုတ်သွာတ်ဏီပုဟ် ဟီုလဝ်ရ။
Ref:Reuters