ဝါယှေန်တန်၊ သိပ်တေမ်ပါ ၁၁
စိုပ်ဂိတုနဝ်ဝေမ်ပါ ပေါဲရုဲမာဲအကြာဏံ နူကဵုဗော်ရဳပါတ်ဗလေတ်ကၚ် ယဝ်ရ ဆက်ထိၚ်ချုက်ဂွံအာ စၠတ်ထဝ် သၟဝ်ကဵု လ္တူ သီုၜါမာန်မ္ဂး ဇၟာပ်ပ်ကောန်ဍုၚ်အမေရိကာန် ပေၚ်အာယုက် ၁၈ တံဂှ် ကဵုအာ ဒဝ်ဠာ ၅၀၀၀ လ္ၚီရောၚ် သမ္မတအမေရိကာန် ဒဝ်နာထရ ဟီုလဝ်ရ။
အပ္ဍဲသဘၚ်သဳကၠဳ ဗော်ရဳပါတ်ဗလေတ်ကၚ် ကၠောန်လဝ် ဍုၚ်ဒါလက်သ် တွဵုရးတက္ကသက်ဂှ် အဟိန်သမ္မတ ထရ ဟီုဂလာန် ကဵုလဝ်ကတိဗီုဏံ မဒှ်ရ။
ဆဂး ဒဝ်ဠာ ၅၀၀၀ ဂှ် ကဵုအာဗီုလဵုရော၊ နူကဵုပရေၚ်ဘဏ္ဍာလဵု ပတိတ်ကဵုသြန်ဏံဂှ် သောၚ်ကဵုလဝ်ဗွဲတြး ဟွံမွဲပုဟ်။
အပ္ဍဲအမေရိကာန်ဂှ် ညးပေၚ်အာယုက် ၁၈ လ္တူ နွံမံၚ်ကြပ် ၂၇၀ ပြကောဋိကိုတ်တုဲ ဇၟာပ်မၞိဟ် ကဵုအာ ဒဝ်ဠာ ၅၀၀၀ မ္ဂး သြန်အလဵုအသဳအမေရိကာန်အိုတ် ၜိုတ် ဒဝ်ဠာ ၁.၃ ထြဳလဳယာန်မာန်ရောၚ်။
နူကဵုသြန်ထရ ကံက်ဂွံအခေါန်တုဲ အလဵုအသဳအမေရိကာန်တံ ဂွံလဝ်သြန်လုပ်တံဂှ် သောၚ်အာကဵုမာန်ရောၚ် ဒုသမ္မတ ဂျေဒဳဗာသ် သောၚ်ကလးလဝ်ရ။
အစဳဇန်ဏံ “သွက်သၟာကမၠောန်အမေရိကာန်တံ ပရေၚ်ပါ်ပရအ်ကဵု သြန်ပရဲမွဲရောၚ်” ဗာသ် ဟီုလဝ်ရ။
သြန်ထရ ကဵုလဝ်ဏံ သွက်ဂွံစကာသုၚ်စောဲအာ အကြာဍုၚ်အမေရိကာန်ဟေၚ် ဟီုလဝ်ရ။
“ သြန်တံဏံ ဟွံမိက်ကဵု အာသုၚ်စောဲထောံ ပ္ဍဲကနေဒါပုဟ်၊ ဟွံမိက်ကဵုအာသုၚ်စောဲ ကြုက်၊ ဂျာမဏဳတံပုဟ်။ ဒးသုၚ်စောဲအာ အပ္ဍဲဍုၚ်အမေရိကာန်ရဏောၚ်” ထရ ဟီုလဝ်ရ။
ဆဂး ပ္ဍဲအမေရိကာန် သုၚ်စောဲလဝ်သြန်ဏံ နွံဟွံမွဲ ဗီုလဵုကလေၚ်ရံၚ်အာဂှ် ဟွံဂွံတီဏီပုဟ်။
စပ်ကဵုအစဳဇန်ဏံတုဲ “ကတိအရေဝ် ထမံက်အာပရေၚ်ရုပ်ရဴဟွံမာန်” နူကဵု ဗော်ဒဳမဝ်ကရိတ်တံ ပါ်ပါဲလဝ်ရ။
တုဲပၠန် အတိုၚ်ဥပဒေအမေရိကာန်မ္ဂး တာဗဒေါအ်လဝ် ရန်တၟံကဵုသွက်ဂွံအုပ်ဓလီု ပရေၚ်ကဵုမာဲနွံတုဲ ပရေၚ်တံၚ်ဂြဲမာဲ ဂတိပါၚ်ထရဏံ နကဵုဥပဒေပြသနာ နွံဟွံမွဲဂှ် တင်သၟာန်တံ မံက်တိတ်ကၠုၚ်မံၚ်ရ။
ဆဂး သွက်ဂွံရာန်မာဲဟွံသေၚ် အစဳဇန်သွက်ဂွံယှအ်ဖျေံကဵု အခေါန်တံ ဒှ်မာန်တုဲ လုပ်သၞောဝ်မာန်ရောၚ် တၠဥပဒေလ္ၚဵုတံ သ္ၚဳဂၠိပ်လဝ်ရ။
ပ္ဍဲအမေရိကာန် ပရေၚ်ကဵုအခေါၚ်သုၚ်စောဲ စရိတ်အလဵုအသဳဂှ် အဝဵုနွံမံၚ် အပ္ဍဲကန်ဂရက်တုဲ သွက်ဂွံကဵုအာသြန်တံဏံမ္ဂး နကဵုထရ အာတ်အခေါၚ်စၠတ်ထဝ်ဟာဂှ် ဟွံဟီုပတိတ်ဏီပုဟ်။
အစဳဇန်ဏံဂှ် ထရကော်ခဴစလဝ် “Trump Dividends” ရ။
ပေါဲရုဲမာဲအကြာ အမေရိကာန် ကၠောန်အာ နဝ်ဝေမ်ပါ ၃ တုဲ စၠတ်ထဝ်သၟဝ်ကီု စၠတ်ထဝ်လတူကီု သီုၜါဒၞာဲဂှ် နူကဵုဗော်ရဳပါတ်ဗလေတ်ကၚ် ဆက်ထိၚ်အာမာန်ဟာဂှ် ကဵုအာသ္ဂုတ်သွာတ် မဒှ်ရ။
Ref:BBC