သံဖြူဇရပ်၊ သိပ်တေမ်ပါ ၁၅
အပ္ဍဲကဵုတွဵုရးမန် ပွိုၚ်ဍုၚ်ဇြပ်ဗု သွက်ရဲယိုက်ဝန်ပၞာန် တိုန်မံၚ်ဘာပၞာန် ဒၞာဲဘာပၞာန်တန်သၠုၚ် စၟတ် ၄ ကွာန်ဝါကလဳဂှ် ဟွံပတိတ်သြန်ဂိတုကဵုပုဟ် သာ်ဝွံ ဂွံတီနူကဵုရဲကြပ်မံၚ်ဒပ်ပၞာန်တံရ။
အတိုၚ်နူကဵုဒပ်ပၞာန် ခုတ်စၟတ်ကဵုလဝ်သြန်ဂိတုဂှ် အခိၚ်တိုန်ဘာဏံ သွက်ရဲယိုက်ဝန်ပၞာန်တံ ဂွံမံၚ်သြန်ဂိတုကီုလေဝ် နူကဵုအစဳဇန် ဂအုပ်ဘာဂှ်တှ်ေ ဟွံပတိတ်ကဵုသြန်ဂိတုပုဟ် သ္ဂးရ။
ယဝ်ရဂွံသြန်ဂိတုတုဲမ္ဂး ဂြိပ်ထောံရောၚ် ထ္ၜးဟိုတ်ဟွံပတိတ်ကဵုဂှ်တုဲ အခိၚ်စှ်ေနူဘာပၞာန် ကာလစိုပ်အာဇရေၚ်တမ်ဒပ် ဆေၚ်စပ်တံမှ ပတိတ်ကဵုမံၚ်ရောၚ်ဂှ် ဂွံတီရ။
ပြဟ်ဟ်ဏံ ဂဥုဲဇဗ စၞစသွက်ကောန်တန်ဗတောန်တံ နွံပၟိက်ဂှ် ဒးကလေၚ်ဗကန်ရာန်ကေတ်မံၚ် နူကဵုသ္ၚိကၟိန်အိန်ထံၚ်တံတုဲ နူကဵုတေံပလံၚ်ကဵုနၚ်သြန်မ္ဂးလေဝ် ကောန်ပၞာန်တံဏံ ဟွံဂွံသြန် ပေၚ်ၚ်ပုဟ် သ္ဂးရ။
အစာဘာပၞာန်ကဵု ကၟိန်အိန်ထံၚ်ညးတံ သွံကဵုမံၚ် ပ္ဍဲဘာပၞာန် ကပေါတ်စကာ ပရေၚ်ပူဂဵု၊ ကွာန်ၜဲ၊ ဍာ်ဍာတ်တ်တံဂှ် အတိုၚ်လၟေၚ်ဂၞန်ကွးဘာပၞာန်တံ ဒးရာန်ကဝုတ်ကေတ်မံၚ်တုဲ ကလေၚ်နုက်ကေတ်အာ နူကဵုသ္ကိုပ်တန်ဗတောန်ဂှ်ရ။
တုဲပၠန် အခိၚ်တိုန်မံၚ်တန်ဗတောန် ယဝ်ရပရေၚ်ထတ်ယုက်ဟွံခိုဟ် ဒးအာထ္ၜးဗဒမ်ဂဥုဲအပ္ဍဲဒပ်မ္ဂး ထ္ၜးဟိုတ်ပရူပရာ ဟွံတိုန် ပရေၚ်ခန်လ္ၚတ် ဂးတုဲ ကဵုမံၚ်ဒုဟ်ဒဏ်တံလေဝ် နွံမံၚ် သ္ဂးရ။
အပ္ဍဲကဵုဘာပၞာန်ဝါကလဳမ္ဂး ပံက်ကၠုၚ်လဝ်ဘာပၞာန် ဒဵုကဵုလၟေၚ် ၂၈ နွံတုဲ ဇၟာပ်ပ်လၟေၚ်တံဂှ် ရဲဂြိပ်တတ်အာနွံတုဲ ကလေၚ်ရပ်ဂွံလေဝ်နွံ ဗၠးတိတ်အာလေဝ်နွံရောၚ် ဂွံတီရ။
ပရိုၚ်-သြၚ်လောန်တိုၚ်မ်
Photo – MOI