သၚ်ကာပူ ၊ သိပ်တေမ်ပါ ၁၅
စပ်ကဵုပရေၚ်တမ်ရိုဟ်ကၞက် ဗလးၜဳဇြဟတ်ဇၞော်ဇၞော် အကြာဍုၚ်ခမန်ကဵု သေံတံ ဒှ်မံၚ်ပရေၚ်ကယျာန်ဓဝါတ်ဂှ် သၟာဥပဒေဂၠးကဝ်တံ လုပ်အကြာတုဲ သွက်ဂွံပ္ညဳပ္ညပ်စၟဳစၟတ်အာ ပ္ဍဲရးနိဂီုဍုၚ်သင်ကာပူ မဒှ်ရ။
အကြာဍုၚ်ဇိုၚ်ဝုတ်ဒိုဟ်ၜါဍုၚ်တံ ပရေၚ်ဆက်ဆောံ ဟွံပြေပြံၚ်ဒှ်မံၚ် ပရေၚ်လက်ကရဴအိုတ် မဒှ်ရ။
စပ်ကဵုတင်တုပ်စိုတ် ပရေၚ်ပံၚ်တောဲရေၚ်တၠုၚ် သွက်ဂွံကၠောန်ပတိတ်ဓာတ်အစောံ ပ္ဍဲဒၞာဲပ္ၚံက်ၜဳသေံဂှ် သေံတံနုက်တိတ်အာတုဲ နူကဵုဖနန်ပေၚ် ကလေၚ်ကၠောန်အရာပရေၚ်ကလေၚ်ပညဳပညပ် ပ္ဍဲကဵုရုၚ်သၞောဝ်ဓဝ်ကုလသမဂ္ဂ ထံက်ဂလာန်တံရ။
အတိုၚ်လိက်ကသုက်ပရေၚ်ဓဝ်ကၠိုဟ်ခၠၚ် ၂၀၀၁ တေံ စပ်ကဵု ဍုၚ်ခမေန်ကဵု သေံတံ သီုၜါဍုၚ်ပိုၚ်ပြဳလဝ် ဒေသတမ်ရိုဟ်ကၞက်ဂၠိုၚ် ဗလးကဳလဝ်မဳတာ ၂၇၀၀၀ တုဲ ကေတ်လဝ်ပရေၚ်ဓဝ်ကၠိုဟ်ခၠၚ်တံ နွံမံၚ် မဒှ်ရ။
စပ်ကဵုပရေၚ် လိက်ကသုက်ပရေၚ်ဓဝ်ကၠိုဟ်ခၠၚ်တုဲ ပရေၚ်တောတက် မုလေဝ်ဟွံမွဲပုဟ် ပ္ဍဲဂိတုမေဂှ် သေံဟီုပတိတ်တုဲ မွဲလပါ်ဟေၚ် သေံတံနုက်တိတ်အာလဝ် မဒှ်ရ။
စပ်ကဵုပရေၚ်နုက်တိတ်တံမ္ဂး ဟိုတ်နူဒှ်ပရေၚ်ကယျာန်ဓဝါတ်ဒေသပယျဵု အကြာဍုၚ်ဇိုၚ်ဝုတ်ဒိုဟ်တံ ဟွံသေၚ်ပုဟ် သ္ကိုပ်ဝန်ဇၞော်သေံ အနုတေၚ် စးဂလာန်တုဲ တးပါဲလဝ်ရောၚ်။
အကြာပရေၚ်ပေါဲဗတိုက်အကြာပယျဵုၜါဍုၚ် ဒှ်ကၠုၚ်လဝ်ပ္ဍဲသၞာံအာတေံ လၟိဟ်မၞိဟ်ကဵုစှော်တံ ချိုတ်အာလဝ်တုဲ မၞိဟ်၅ ကိုတ်ပြၚ် ဒးပါဲလဝ်ဘဲပၞာန်တံရောၚ်။
ဗွဲကြဴဏံ ကေတ်ဂွံလဝ်ပရေၚ်တၚ်တုပ်စိုတ်ဓဝ်ၜိုဟ်လလမ်ညးသ္ကံတုဲ သွက်ဂွံကလေၚ်ကၠောန်အာ အရာပရေၚ်ညဳသၟဟ်တံ ပ္ဍဲသတ္တဟတုဲကၠုၚ်ဏံ နူကဵုခမေန် ဟီုလဝ်ရ။
အကြာဗလးၜဳ ရးနိဂီုၜါဍုၚ်ဏံတုဲ ဒှ်ကၠုၚ်လဝ်ပရေၚ်ကယျာန်ဓဝါတ်ညးသ္ကံ လံကၠုၚ်ကဵုဗွဝ်စှ်သၞာံပြၚ်ၚ် မဒှ်ရ။
ပရေၚ်ပိုဲတံ ဖန်ဖက်မံၚ်ဂှ် အရာသွက်ဂွံစဵုဒၞာအာ ပရေၚ်အဝဵုအပိုၚ်အခြာပကၚ်ရၚ် အတိုၚ်ဥပဒေ ဂၠးကဝ် သွက်ဂွံမၚ်မွဲအာ အခေါၚ်အရာ ပရေၚ်ဗလးၜဳတံရောၚ် သ္ကိုပ်ဝန်ဇၞော်ခမေန် ဟန်မာနက် ဟီုလဝ် ပ္ဍဲဂိတုဂျောန်တေံရ။
ပ္ဍဲကဵုရုၚ်သၞောဝ်ဓဝ်သောၚ်ကလးပရေၚ်ကယျာန်ဓဝါတ် နွံမံၚ်ဍုၚ်သၚ်ကာပူ ဂတမုက်သၟာဥပဒေ ၅ တၠတံဂှ် ညးစၞးရးနိဂီုဍုၚ်ၜါလပါ်တံ ပ္ဍဲကဵုသိပ်တေမ်ပါ ၁၅ ဏံ ဟီုပတိတ်အာ ပရေၚ်တံဏံရောၚ်။
ဝန်ဇၞော်ဌာနပရေၚ်ဍုၚ်သအာၚ် ခမေန် ပရက် သိုခေါန်ကဵု ဝန်ဇၞော်ဍုၚ်သအာၚ်သေံ သဳဟာဆက်တံ တိုန်စိုပ်ပေါဲပညဳပညဳဏံမာန်ရောၚ် တော်ဆလဝ်ရ။
Ref:AFP