ကျာ်မြဟ် ၊ သိပ်တေမ်ပါ ၁၈
အပ္ဍဲတွဵုရးမန် ပွိုၚ်ဍုၚ်ကျာ်မြဟ် ရပ်ဂွံလဝ် ကွဳစက်ဖ္ဍိုက်ပတိုန်နၚ် ကပေါတ်သေံ ၂၅ မ ဒၞာဲသ္ကုတ်ဂၠံၚ် ကျာ်မြဟ်-မတ်မလီုဂှ် စရၚ်ကၠေံအာသောၚ်ၚ်ရဂှ် ညးကြပ်ကဵုအလဵုအသဳပၞာန်တံ ဟီုကဵု ဌာန်ပရိုၚ်သြၚ်လောန်တိုၚ်မ်ရ။
ပ္ဍဲသိပ်တမ်ပါ ၅ အကြာကွာန်ကျက်တောန်ကုၚ်ကဵု နာတ်သာန် လ္တူဂၠံၚ်ကျာ်မြဟ်-မတ်မလီု ကွဳစက်ဖ္ဍိုက်ပတိုန်နၚ် ကပေါတ်သေံ ၆၅ မ တံဂှ် နူကဵုဂကောံဌာနစုၚ် အလဵုအသဳပၞာန်တံ မာအ်ဆိုအ်တုဲ ရပ်သီထောံရ။
ၜိုန်ရရပ်ဂွံဏာ ကွဳစက်ကပေါတ်သေံ ၆၅ မကီုလေဝ် ထၜးလဝ်စရၚ်ကဵုဂကောံအလဵုအသဳ တွဵုရးမန်ဂှ်တှ်ေ ရပ်ဂွံလဝ် ကွဳစက် ၜိုတ် ၄၀ မ သ္ဂးရ။
အတိုၚ်ရဲကြပ်ကဵုအလဵုအသဳတံဟီုမ္ဂး အပ္ဍဲကဵုရပ်ဏာလဝ် ကွဳစက်ကပေါတ်သေံတံဂှ် အာတ်ဂွံလဝ်သြန် လၟိဟ်ကိုတ်ကဵုလ္ၚီတုဲ ကလေၚ်ဗလးကဵုဏာ ကွဳစက် ၂၅ မ သီုကဵုညးဒဳကွဳစက်တံကီု ဟီုရ။
အပ္ဍဲကဵု ကွဳစက်ပတိုန်ထၜးကဵုလဝ်စရၚ်ကု အလဵုအသဳ ၄၀ မ ၚုဟ်မးကပေါတ်သေံ နွံမံၚ်ကိုတ်ကဵုဠက်တံဂှ် သွက်ဂွံပတိုန်လေလာန် ပလေဝ်ပလေတ်မံၚ်ကီုလေဝ် ကပေါတ်နွံမံၚ်လ္တူကွဳစက် ဗွဲမဂၠိုၚ်တံဂှ် ကၠေံမံၚ်ရ။
ကပေါတ်သေံရပ်ဂွံလဝ်တံဂှ်တှ်ေ သၠာကွဳစက်ကာ၊ စၞစဝဳတိရိစ္ဆာန်၊ ယာတ်ပလောအ်၊ သတ်ဆုသတ်ဒုန်ကဵု စၞစသုၚ်သ္ဇိုၚ်တံ ဗွဲမဂၠိုၚ်ပါလုပ်ရ။
နူကဵုအလဵုအသဳပၞာန် သွက်ဂွံကေတ်အာအရေဝ် ညးဒဳကွဳစက်ကဵု ညးဗက်လက်ရဴကွဳစက် ပတိုန်နၚ်ကပေါတ်သေံ ၄၀ ဖဍိုက်တံနွံတုဲ ကဵုသြန်ကိုတ်ကဵုကၠံတံတုဲ နုက်ကေတ်မာန်တှ်ေ ကလေၚ်ဗလးကဵုမံၚ် နွံ သ္ဂးရ။
ကွဳစက် ဖဍိုက်ကေတ်နၚ်ကပေါတ်သေံ နူကဵုဍုၚ်ကျာ်ပိတိုက်ရိုက်ဂှ် ဒးဒုၚ်ရပ်လဝ်ဟွံသေၚ်၊ ကွဳစက်တရဴဇမၠိ အာဒုၚ် ဖဍိုက်နၚ်ကပေါတ်ကဝက်ဂၠံၚ် နူကဵုပွိုၚ်ဍုၚ်ကျာ်မြဟ် ကွာန်ဂဒုၚ်သှ်ေ ကရပ်ရုၚ်စက် တိဗဳလာတ်တံဟေၚ် ဒးဒုၚ်ရပ်ဏာလဝ်ရောၚ် ညးဒေသတံ ဟီုရ။
ကွဳစက်ဖဍိုက်ပတိုန်နၚ် ကပေါတ်ဍုၚ်သေံ ၜိုတ် ၆၀ မတံ တတ်ကၠောံကၠုၚ် ဒၞာဲဂိက်သၞေဟ်ကၚ် ဒဒန်ထီုမၠဵုကဵု ဂိက်သၞေဟ်ကၚ် ဂကောံဌာနစုၚ် ဝန်ဇၞော်ဂီုကၠီုဒေသပယျဵု သ္ကိုပ်ဗိုလ်ဇၞော် ကျဝ်ဇွာမျေအ် ကဵုလဝ်အခေါၚ် ပံက်လဝ်ဗဗွဲသၞောဝ်တုဲမှ ရပ်သီကေတ်ဏာကပေါတ်တံဂှ်ရ ညးဒေသတံ ပတိတ်လဝ်တင်သၟာန်တံ နွံရ။
ထၜးဟိုတ် ပရေၚ်ဟွံလုပ်သၞောဝ်ဂးတုဲ ပ္ဍဲကဵုတွဵုရးမန် အလဵုအသဳပၞာန် မာတ်ဆိုအ်ရပ်သီကေတ်ထောံ ကပေါတ်နူဍုၚ်သေံ တံဂှ်ရ အပ္ဍဲဒေသ ကပေါတ်နူကဵုသေံတံ ၚုဟ်မးဍၚ်တိုန်အာ ဟွံတန်ကဵုဆကီု ကပေါတ်ဗွဲမဂၠိုၚ်တံ ပိုတ်အာအိုတ်ရ။
ပရိုၚ်-သြၚ်လောန်တိုၚ်မ်
ဓာတ်ပုံ-CJ