ဗြဝတဳ၊ သိပ်တေမ်ပါ ၂၁
အပ္ဍဲတွဵုရးကရေၚ် ကွဳစက်သၠးသၠး ကပေါတ်ဟွံပါမွဲသာ်တံဂှ် ကၟာတ်ထောံအခေါင် သွက်ဂွံတိုန်အာ ဍုၚ်ဗြဝတဳယျဂှ် ဂွံတီနူကဵု ညးဒဳကွဳစက်တံရ။
စနူကဵုဂိတုသိပ်တေမ်ပါမံက်ဏံ ကွဳစက်ကပေါတ်ပါအာတံဂှ်ဟေၚ် ကဵုအခေါင်လုပ်ဍုၚ်ဗြဝတဳတုဲ ကွဳစက်သၠးသၠးကပေါတ်ဟွံပါမ္ဂး ဟွံကဵုအခေါၚ်လုပ်ဍုၚ်ပုဟ် သ္ဂးရ။
ကွဳစက်ကပေါတ်ပါဂှ်ဟေၚ် ကဵုအခေါင်တိုန်အာတုဲ ကပေါတ်ဟွံပါအာမ္ဂး ဒးကလေၚ်စဴကၠုၚ်ဖအိုတ်ကီု ဟိုတ်နူကၠောန်မံၚ်ပရေၚ်ဗီုတံဏံဂှ်ရ သၟာဗၞိက်တံကဵုရဲကွဳစက်တံ ဟွံပြေပြံၚ်ဒှ်အာတုဲ ဂိက်တံရဟေၚ် ဂွံသြန်လုပ်ခိုဟ်မံၚ်ကွေံကွေံရောၚ် ညးဒဳကွဳစက်မွဲတၠ ဟီုကဵုဌာန်ပရိုၚ်သြၚ်လောန်တိုၚ်မ်ရ။
ကွဳစက်ကပေါတ်ဟွံပါ သွက်ဂွံအာဗြဝတဳဂှ် ကွဳစက်သက်က်တိုန်ကၠုၚ်နူကဵုကအ်ကြိက်မ္ဂး စိုပ်ဂိက်သၞေဟ်ကၚ် ဒဒန်ပိုတ်ဂှ်တှ်ေ ကဵုကလေၚ်ဂေတ်စဴတုဲ ညိလေဝ်ဟွံကဵုအခေါၚ်တိုန်အာပုဟ် သ္ဂးရ။
ပရေၚ်ထၜးဟိုတ် သွက်ဂွံစဵုဒၞာကပေါတ်ဟွံလုပ်သၞောဝ်ဂးတုဲ ကွဳစက်ကပေါတ်ဟွံပါတံဂှ် ညိလေဝ်လ္ပကဵုဒုၚ်လုပ် ဍုၚ်ဗြဝတဳဂှ် ဒုသမ္မတ ဥူညိုသဝ် အလဵုအသဳပၞာန် ပတိတ်လဝ်အမိၚ်ရောၚ် ဂွံတီရ။
ဟိုတ်နူအမိၚ်ဗီုတံနွံတုဲ ကွဳစက်တိုန်ကၠုၚ်သၠးသၠးတံ စိုပ်ကအ်ကြိက်မ္ဂး လ္တူကွဳစက်ဖဍိုက်ပတိုန် မအ်ဗတဳတံ ကာလတတ်စိုပ်ဂိက် သၞေဟ်ကၚ်ဒဒန်ပိုတ်မ္ဂး ကဵုသြန်တုဲ တတ်အာဂွံမံၚ်ရောၚ် သ္ဂးရ။
အလဵုအသဳပၞာန်ဂှ်တှ်ေ ကပေါတ်ဟွံဒုၚ်အကံက် လုပ်ကၠုၚ်နူသေံတံဂှ် သွက်ဂွံကၟာတ်ဒၞာအာ စကာနဲစုၚ်ၚ်ကီုလေဝ် ညးတာလျိုၚ်ဂိက်သၞေဟ်ကၚ်တံ ဂွံမံၚ်သြန်ထပက်လာဘ်တုဲ ဗလးကဵုမံၚ်ကွဳစက်ကပေါတ်သေံတံရောၚ် ဂွံတီရ။
ပရိုၚ်-သြၚ်လောန်တိုၚ်မ်
Photo – CJ