ဝါယှေန်တန်၊ သိပ်တေမ်ပါ ၂၁
အပ္ဍဲသိပ်တေမ်ပါ ၂၄ ဏံ အခိၚ်သမ္မတကြုက် ယှဳကျေအ်ဖျေၚ် စိုပ်ကၠုၚ် သၞေဟ်ၜၚ်ကျာပၞာန် အေန်ဒရူမ္ဂး သွက်ဂွံအာဒုၚ်တၠုၚ်ဆက်မိတ်ဂှ် ထရ စဳဇန်လဝ်ရောၚ် ဂွံတီရ။
အကြာသတ္တဟဂတဏံမ္ဂး သွက်တရဴအာဝေၚ် သ္ၚိစၠတ်ဗတာၚ် ယှဳကျေအ်ဖျေၚ် စဳဇန်လဝ် သွက်ဂွံကၠုၚ်စိုပ် အမေရိကာန်ရ။
သမ္မတ အမေရိကာန် ပရေၚ်အာဒုၚ်တၠုၚ် ကၟုဲက္ဍိုပ်သ္ကိုပ်ဍုၚ်သအာၚ် ဒဵုကဵုသၞေဟ်ၜၚ်ကျာဂှ် အခိုက်အလိုက် ဟွံမွဲကၠုၚ်တုဲ ပရေၚ်ဒဒှ်ဗီုဏံဂွံဆဵုညာတ်ဂှ် ဟွံလောဲသွာကွေံကွေံရ။
အခန်ကၞာစိုပ်ကၠုၚ် သ္ၚိစၠတ်ဗတာၚ်မွဲ၊ ပ္ဍဲကဵုဥဒျာန်ကၠေၚ်လ္တိုပ်ဂှ် ကၠောန်ပရေၚ်စၟဳစၟတ် ပၠဒပ်ပတိုန်ဂုဏ်စရာဲတုဲ ပေါဲစစၞသဝ်တ္ၚဲ အဆံၚ်ရးနိဂီုဍုၚ်ပါလုပ်ရောၚ် စပ်ကဵုတရဴဏံတုဲ ညးတာလျုၚ်အဆံၚ်သၠုၚ်အမေရိကာန်တံ သောၚ်ကလးလဝ်ကဵု အစာပရိုၚ်တံရ။
ပ္ဍဲကဵုကၟုဲညးတိုန်စိုပ် ပေါဲစစၞသဝ်တ္ၚဲတံမ္ဂး ဂျက်ဗဳဖိုအ် နူကာန်ပနဳ Amazon၊ သန်ဒါပဳချိုၚ် နူကာန်ပနဳ Alphabet၊ နူကာန်ပနဳ OpenAI သာမ်အအ်မာန်၊ နူကာန်ပနဳ Apple တေန်ကောပ်ခ်၊ နူကာန်ပနဳ Tesla အဳလောန်မက်သ်၊ နူကာန်ပနဳ Nvidia ဂျာန်သာန်ဟန်၊ နူကာန်ပနဳ Dell Technologies မိုက်ခေလ်ဒေလ် ကေုာံ သ္ကိုပ်ကေၚ်ကာနဲကဲပရေၚ်နဲကဲပညာဗွဲမဂၠိုၚ်တံ ပါလုပ်ရောၚ်။
ပ္ဍဲကဵုရုၚ်ထရ ဗီုကၟာဲအဒါ ကၠောန်လဝ်ပေါဲသောၚ်ကလးပရိုၚ် သိပ်တေမ်ပါ ၁၈ ဂှ် ညးမိက်ဂွံတိုန်စိုပ် ပေါဲစစၞသဝ်တ္ၚဲဏံ နွံကဵုလ္ၚီရောၚ် ထရ ဟီုလဝ်ကဵု အစာပရိုၚ်ဂမၠိုၚ်တံရ။
စနူကဵု ပရေၚ်ကူသာန်၊ ပရေၚ်ပိုန်ဒြပ်ဂၠးကဝ်တံတုဲ ပရေၚ်သတ္တုတိသ္အးလုပ်စိုပ်ကၠုၚ် ကေုာံ နဲကဲပရေၚ်ပညာနာနာတံကီု ကိစ္စပရူပရာတၞဟ်ဟ်တံကီု အကြာကြုက်ကဵု အမေရိကာန်တံ သဳကၠဳအာရောၚ် ညးတာလျိုၚ်တံ ဟီုရ။
သမ္ဘာသမ္မတ မဳလဳနဳယာ ထရ ကေုာံ ပါန် လဳယောန်တံလေဝ် တက်ကျာသဳကၠဳအာရေၚ်သ္ကံ ဗွဲတၞဟ်ခြာကီုရောၚ်။
ပ္ဍဲသိပ်တေမ်ပါ ၂၄ မ္ဂး ထရ ဒုၚ်တၠုၚ်ကၟုဲ ပတိုန်ဂုဏ်စရာဲ ဗစစၞသဝ်တ္ၚဲကု သမ္မတယှဳ ကေုာံသမ္ဘာပါန်တံ မဒှ်ရ။
Ref:Reuters