ပံၚ်၊ အံက်တဝ်ပါ ၈
တွဵုရးမန် ပွိုၚ်ဍုၚ်ပံၚ် ပ္ဍဲကွာန်မုကျိ လ္တူဂၠံၚ်ကွဳပၟတ် လ္ဂုၚ်-မတ်မလီု ကွဳပၟတ်လိုန်ဒးအာတုဲ ညးတြုံမွဲတၠ ချိုတ်အာဂှ် ညးဒေသတံ ဟီုကဵုဌာန်ပရိုၚ်သြၚ်လောန်တိုၚ်မ်ရ။
ပ္ဍဲအံက်တဝ်ပါ ၆ ၜိုတ်အခိၚ် ၁၀ နာဍဳကဝက်ပြၚ်ၚ်ဂှ် ကွဳစက်လၟေၚ် ၈၃ တိတ်ကၠုၚ်နူသၞေဟ်ကွဳပၟတ်ပံၚ် ကၠုၚ်လပါ်မတ်မလီုဂှ် ဒှ်အာပရူပရာ ကွဳပၟတ်တေက်လိုန်ဒးအာရ။
ဟိုတ်နူဒှ်အာပရူပရာ ကွဳပၟတ်တေက်လိုန်ဒးအာဂှ်ရ ကိုဇေယျာလေန် အာယုက် ၄၀ သၞာံ ကောန်ကွာန်မုကျိ တိက်မံၚ်လ္တူဂၠံၚ်ကွဳပၟတ်ဏံဂှ် တဲပိုတ် က္ဍိုပ်သၠေက်အာတုဲ ချိုတ်အာလဝ် အပ္ဍဲဒၞာဲဂှ်ရ။
ဇွရုပ် ကိုဇေယျာလေန် ကွဳပၟတ်လိုန်လဝ်ဂှ် ရဲဂကောံရီုဗၚ်တံ ကပှ်တုဲ ပလံၚ်ဏာလဝ် ပ္ဍဲကဵုရုၚ်ဂဥုဲညးဍုၚ်ကွာန် ပွိုၚ်ဍုၚ်ပံၚ် ဂွံတီရ။
ပ္ဍဲပွိုၚ်ဍုၚ်ပံၚ် ပရူကွဳပၟတ်လိုန်မၞိဟ် ဒှ်မံၚ်မွဲဏှမွဲဏှတုဲ အကြာပွိုၚ်မွဲမွဲသၞာံမ္ဂး အောန်အိုတ် မၞိဟ် ၃ တၠ ဒးဝပ်ချိုတ်အာလဝ်နွံ ညးဒေသတံဟီုတုဲ ဂွံတီရ။
ပရိုၚ်-သြၚ်လောန်တိုၚ်မ်
Photo – CJ