ကိဗ်၊ အံက်တဝ်ပါ ၁၀
အပ္ဍဲအံက်တဝ်ပါ ၈ ဟိုတ်နူရတ်ယှာ ကြဳဗုမ်ဗတိုက်လဝ် ပ္ဍဲဒေသဗၟံက်ဍုၚ် မၞိဟ်ဟွံအောန်နူ ၃၅ တၠချိုတ်အာတုဲ ပရေၚ်ရတ်ယှာတံ ဗတိုက်မံၚ်အကြာပွိုၚ်ၜါတ္ၚဲ မၞိဟ်ချိုတ်အာ ၇၀ ပြၚ်အာတုဲ နူကဵုအမေရိကာန် စိုတ်ဆန္ဒသွက်ဂွံကဵုအရီုဗၚ် ယူခရုၚ်ဟွံမွဲပုဟ် ဇဳလန်သကဳစောဲစပ်ရ။
အခိၚ်သဝ်တ္ၚဲပၠန် ဟိုတ်နူထပ်ဗတိုက်လဝ်ကဵုဒရုၚ်တုဲ မၞိဟ် ၂ တၠချိုတ်အာ ညးတာလျိုၚ် ကိဗ်တံ ဟီုရ။
ဟိုတ်ဂှ်ရ ပ္ဍဲဍုၚ်ကိဗ် မၞိဟ်ချိုတ်အာ ၃၅ တၠ ဒှ်အာယျ။
ပ္ဍဲကဵုဒေသဗၟံက်ဍုၚ် ကွာန်နွံမံၚ် ဍုၚ်ဒနဳပဳထရိုမွဲဂှ် ဟိုတ်နူရတ်ယှာ ဗတိုက်လဝ်ကဵု ဗုမ်ထိၚ်သၞေဝ်တုဲ မၞိဟ်ၜါတၠ ချိုတ်အာနွံ သ္ဂးရ။
ပ္ဍဲသကုတ်သၟဝ်ကျာ ဍုၚ်အဳဗာန်နို-ဖကဳဗာတ်ဂှ် ရတ်ယှာ ဗတိုက်တုဲ မၞိဟ်ချိုတ်အာမွဲတၠရ။
သွက်ပေါဲပၞာန် ညံၚ်ဂွံဒေါအ်အာ အမေရိကာန်၊ ယူခရုၚ်တံ ဂစာန်မံၚ်တုဲ အခိၚ်ရတ်ယှာဟီုမံၚ် သွက်ဂွံဒေါအ်အာ ပေါဲပၞာန် အကာဲအရာဏံ ပရေၚ်ပေါဲဗတိုက်အကြာၜါလပါ် ပဵုတုဲသ္ကာတ်တိုန်ကၠုၚ်ရ။
ဒၞာဲကၠေၚ်ဍေၚ်ရတ်ယှာတံဂှ် ယူခရုၚ် ဗတိုက်မံၚ်တုဲ ရုၚ်တောမ်ကၠေၚ်ဍေၚ်ရတ်ယှာတံဂှ် ဗတိုက်မံၚ်ကဵုဒရုၚ်တံ ဇၞော်ကဵုဇြဟတ်ရောၚ်။
ဟိုတ်နူရတ်ယှာ ဗတိုက်လဝ်ဇၞော်ကဵုဇြဟတ် ကောန်ဍုၚ်ယူခရုၚ် ချိုတ်အာလၟိဟ်ကဵုဒါဇြေန်တံတုဲ ဗွဲကြဴခြာပွိုၚ်မွဲတ္ၚဲဂှ် ရတ်ယှာ ထပ်ဗတိုက်လဝ် မဒှ်ရ။
အပ္ဍဲကဵုပရေၚ်ဗတိုက်လဝ်တံ ၂၂ ဒၞာဲဂှ် ပတဝ်က္ဍိုပ်ကဵု စမြိုၚ်ဒၞာဲမွဲ နွံပ္ဍဲဍုၚ်ပရဳလူကဳ သ္ၚောဲခြာနူကဵုဗၟံက်ဍုၚ်ကိဗ် ၈၀ မိုၚ်ရ။
အလုံမွဲဍုၚ်ယူခရုၚ် ဟိုတ်နူရတ်ယှာဗတိုက်လဝ် ပွိုၚ်ၜါတ္ၚဲဏံ မၞိဟ်ချိုတ် ၇၈ တၠ၊ ဒးလဝ်ဝပ် ၂၁၅ တၠနွံ သမ္မတ ဇဳလန်သကဳ ဟီုရ။
လံၚ်ချာထိၚ်သၞေဝ် ရတ်ယှာတံဗတိုက်မံၚ်ဂှ် သွက်ဂွံကလေၚ်ပလန်အာ သွက်ဂွံကဵုအခေါၚ် သုၚ်စောဲ Statlink အာတ်မိက်လဝ်ဂှ် အမေရိကာန် ညံၚ်ဂွံဖန်ကဵု သမ္မတ ဇဳလန်သကဳ ဗတိုက်ဖအောဝ်လဝ် အမေရိကာန်ရ။
ညံၚ်ဂွံကဵုအာပရေၚ်စဵုဒၞာ ဗလးကျာဇကုတံတုဲ သွက်ဂွံအုပ်ဓလီုရတ်ယှာ ကဵုအရီုဗၚ်မာန်မ္ဂး ပူတေၚ် စိုပ်ကၠုၚ်ဂတမုက်ခုၚ်ဝိုၚ်တက်ကျာရောၚ် ဇဳလန်သကဳ ဟီုဂးလဝ်ရ။
Ref:Reuters