ကွာလာလမ်ပူ ၊ အံက်တဝ်ပါ ၂၃
ရဲဒးကလေၚ်ပလံၚ်ဖျဴလဝ် နူကဵုမလေဝ်ယှာတံ စိုပ်ဍုၚ်ဗမာတုဲ ယဝ်ရ ဒးဒုၚ်ဍဵုဍိုက်ပျဲပျာံ ဒးဒုၚ်ဘပဠ အန္တရာဲလမျီုတံမွဲမွဲ သက်သဳနွံမ္ဂး ယြဴပူဂဵုမွဲမှ ကလေၚ်ပလံၚ်ဖျဴအာဟွံသေၚ်ပုဟ် ဝန်ဇၞော်ကေၚ်ကာ အပ္ဍဲဍုၚ် သိုၚ်ဖူဒေန် နာသူတဳယောန် အေတ်သမေလဝ် ဟီုရ။
နူကဵုအလဵုအသဳ ကဵုလဝ်ဖျုန်ကဵု ပရေၚ်ဂီုကၠီုဗၠးဘဲတုဲ စပ်ကဵုကမၠောန်ကလေၚ်ပလံၚ်ဖျဴမံၚ်တံဏံ စွံလဝ်ပရေၚ်ဇြိုဟ်နက်ကဵု အခေါၚ်အရာမၞိဟ်၊ ပရေၚ်မၞိဟ်ရုံဂပ်တံတုဲ ကၠောန်မံၚ်ရောၚ် ညးဟီုရ။
စပ်ကဵုကလေၚ်ပလံၚ်ဖျဴလဝ်မၞိဟ်တုဲ သွက်ညးမွဲမွဲ ဘဲအန္တရာဲဂွံဗၠးအာဂှ် နူကဵုအလဵုအသဳဗမာ ဒုၚ်လဝ်လျိုၚ်ရောၚ် အလဵုအသဳမလေဝ်ယှာ ဟီုရ။
တၚ်တုပ်စိုတ် ပရေၚ်တၠဒဒိုက် ၁၉၅၁ ဂှ် မလေဝ်ယှာ ဟွံထပက်လဝ် စၟတ်တဲကီုလေဝ် ပရေၚ်အုပ်လဒမ်သၞောဝ်ဓဝ်ကဵု သၞောတ်ဗ္ၜတ်ဍာ်ဒကေဝ် အခေါၚ်အရာမၞိဟ်တံဂှ် နူကဵုအလဵုအသဳ မလေဝ်ယှာ သွက်ဂွံထိၚ်ဒဝ်အာ ချိုတ်တ်ပၠိုတ်တ်ဂှ် ကဵုလဝ်ဂတိရ။
ရပ်ခြိုၚ်ထိၚ်စွံလဝ် ညးတၠဒဒိုက်ဍုၚ်ဗမာ ၅၀၀၀ ပ္ဍဲကဵုသေန်တာ ထိၚ်ဒဝ် လဝက တံဂှ် နူကဵုဌာန်ဝန်ဇၞော်ကေၚ်ကာ အပ္ဍဲဍုၚ် သွက်ဂွံပလံၚ်ဖျဴ အလန်ညးကဵုညးတံဂှ် ပံၚ်တောဲကဵု လဝက၊ ဌာနအေဂျေၚ်သဳတၞဟ်ဟ်တံရောၚ် ဂွံတီရ။
ပြဟ်ဟ်ဏံ နကဵုစရိတ်ဍုၚ်ဗမာ ကလေၚ်ပလံၚ်ဖျဴလဝ် နကဵုၜၚ်ပၞာန် ၃ ဖ္ဍိုက်တံဂှ် ဂကူရိုဟေၚ်ဂျာတံ ဟွံပါဏီပုဟ် ဂွံတီရ။
အလဵုအသဳနေဗျဳဒဝ်တံ ကလေၚ်ကော်ဖျဴမံၚ် ညးတၠဒဒိုက် ကောန်ဍုၚ်ဗမာကီုလေဝ် ဟွံကော်ဖျဴ ဂကူရိုဟေၚ်ဂျာဏီပုဟ် ဂွံတီရ။
မလေဝ်ယှာတံမွဲလပါ်ဓဝ် ကၠောန်မံၚ်ပရေၚ်ပလံၚ်ဖျဴ ညးတၠဒဒိုက်တံဟွံသေၚ်၊ ပ္ညဳပ္ညပ်လဝ်ကဵု အလဵုအသဳဗမာတံ အဆံၚ်ၚ်တုဲမှ ကလေၚ်ပလံၚ်ဖျဴမံၚ်ရောၚ် ဝန်ဇၞော်ကေၚ်ကာအပ္ဍဲဍုၚ် မလေဝ်ယှာ ဟီုဂးလဝ်နွံရ။
Ref:TheStraitsTimes