ၜၚ်ကံက်၊ ဂျောန် (၂)
ဟိုတ်ဒၟါနူ ဟက်ကာတံ စွံကၠုၚ်အရီု သွက်ဂွံကေတ်တၚ်နၚ် နူဌာနဝန်ဇၞော်ကာစဵုဒၞါ ကေုာံ ပရေၚ်က္ဍိုက်ပ် ကၟိန်ဍုၚ်သေံဂှ်ရ အလဵုအသဳဂှ် သွက်စမြိုၚ်သ္ဇိုၚ် ဒေတ်ဂျေတ်ဒဴကၟိန်ဍုၚ် သ္ဂောံဂီုကၠီု သွက်ဂွံခါန်ကၞက်အာ ဟက်ကာ ကေုာံ အေန်ဂျေန်နဳယျာတံဂှ် စဳဇန်ဒၟံၚ်ရ။
အတိုၚ်ဂလာန် ပရိုၚ်တမ်ရိုဟ် နူဌာနဝန်ဇၞော် ပရေၚ်စဵုဒၞါ ကေုာ ဌာနဝန်ဇၞော်ပရေၚ်ပိုန်ဒြပ်ဒေတ်ဂျေတ်ဒဴ ကဵု ဗွိုၚ်ပရေၚ်မၞိဟ်တံဂှ်မ္ဂး အလဵုအသဳဝွံ တုဲကၠုၚ် အပ္ဍဲ(၆) ဂိတုတေံ ပအပ်ခါန်ကၞက်လဝ် ကုညးမကလိဂွံလဝ်တဆိပ်ကြာ ကောန်ပျူတာသိပ္ပံ ကေုာံ ညးမဂံၚ်သၠးပွးခၞံဗဒှ် စပ်ကဵုနဲကွတ်ပညာတံ တုဲဂှ် ဂွံတီကေတ်ရ။
စွံပွန်ကဵု ရုၚ်ဝန်ဇၞော်၊ ဌာနဝန်ဇၞော်ကာစဵုဒၞါ၊ ဒပ်ပၞာန်ဨကရာဇ်သေံ ကေုာံ ဌာနဝန်ဇၞော်ကာဍုၚ်သ္အာၚ်တုဲ ပွမဂိုတ်ဂ္စါန် သွက်ဂွံကေတ်တၚ်နၚ်တံဂှ်ဝွံ ဒဒှ်ရ ဂကောံဟက်ကာ မၞိဟ်တီဂၠိုၚ် Threat Activity Group ( TAG-16) ကၠောန်လဝ်ဂှ် ဂွံတီကေတ်ရ။
ဂကောံ TAG-16 ဝွံ ကဵု ဂကောံ Red Foxtort မၞိဟ်တီဂၠိုၚ် အဆက်နွံဒၟံၚ်ကဵု ဒပ်ပၞာန်ဗၠးၜးညးဍုၚ်ကွာန်ကြုက်ဂှ် ပရေၚ်ဆက်ဆောံစုက်က် မၞုံဒၟံၚ်ရောၚ်ဂှ် ညးမစိုန်သ္ကီုပရေၚ်ဂီုကၠီုသာ်ဗာမွဲတၠ ဟီုရ။
“ဍေံတံဂှ် စွံလဝ်ပွန်ကဵု ဍုၚ်သေံမွဲဍုၚ်ဓဝ်ဟွံသေၚ် သီုကဵု ဝိပ်သာ် ကေုာံ သာ်ဗာအလဵုအသဳ ကၟိန်ဍုၚ်အာယှဒိုဟ်အဂၞဲဂမၠိုၚ် မပ္တံ ဝေတ်နာမ်၊ မလေဝ်ယှာ၊ ဖဳလေတ်ဖေန် ကေုာံ အေန်ဒိုဝ်နဳယှာတံဂှ် စွံလဝ်ပွန်ရ” သာ်ဝွံ တၠပညာ ဟွံမိက်ထမံက်ယၟုမွဲတၠ ဟီုလဝ်ရ။
ပ္ဍဲသာ်ဗာအလဵုအသဳတံဂှ် ဒးဒုၚ်လုပ်စိုပ်လဝ် နကဵု TAG-16 code ကေုာံ သပ်ဝဴ မသ္ကဵုဒှ်အန္တရာယ်တံတုဲ ကမၠောန်တံဏံဝွံ ချိက်လဝ်ကဵု ဟက်ကာ မၞုံဒၟံၚ် ပ္ဍဲဍုၚ်ကြုက်တေံရောၚ်ဂှ် ဂွံတီကေတ်ရ။
“တၚ်နၚ်တံဏံဂှ် သွံအလဵုရောဟီုဂှ် ပိုယ်တံ ဟွံတီပုဟ်၊ ဣဏံဂှ် ပလံၚ်ဒၟံၚ် ဗေကျေန်လေဝ် ဒှ်မာန်ရ၊ ဟွံသေၚ်မ္ဂး အလဵုအသဳမွဲမွဲ သ္ပကမကထကဵုကသပ်တုဲ ဒှ်အရာချဳဒရာၚ်မွဲလေဝ် ဒှ်မာန်ရ၊ ဟွံသေၚ်မ္ဂး ဇရေၚ်မၞိဟ်ရာန် ဂကောံတတိယ နူကဵုကဏ္ဍ ပရေၚ်ဂီုကၠီု ကေုာံ ပရေၚ်စဵုဒၞါ တံလေဝ် ဒှ်မာန်ရ” သာ်ဝွံ တၠပညာစိုန်သ္ကီုတံ ဟီုဂးလဝ်ရ။
Ref: Thai Enquire