နေဗျဳဒဝ်၊ ဂျောန် (၂)
ပ္ဍဲတွဵုရးဍုၚ်မန် သွက်သၞာံဗ္တောန်ပညာ သၞာံဏံ ပ္ဍဲဘာတန်သ္ဇိုၚ်တံဂှ် ကွးဘာပအပ်လဝ်ဘာ ပိကိုဋ်မွဲဠက်ပြၚ် နွံဂှ် ညးမၞုံအခေါၚ်ဟီုဂး ကံၚ်ဇြဳပၞာန် သ္ကိုပ်ပၞာန် ဇြဝ်မေန်ထောန် ဟီုရ။
ပ္ဍဲပေါဲသောၚ်ကလးပရိုၚ် မရနုက်ကဵု (၁၅) ဝါ ကံၚ်ဇြဳပၞာန် မကၠောန်ဗဒှ်လဝ် ပ္ဍဲဍုၚ်နေဗျဳဒဝ် ဂိတုဂျောန် (၁) ဂှ် စပ်ကဵုအကာဲအရာပရေၚ်ပအပ်ဘာတုဲ သ္ကိုပ်ပၞာန်ဇြဝ်မေန်ထောန် ဟီုဂးလဝ်ရ။
အကာဲအရာပအပ်ဘာ တွဵုရးဍုၚ်မန်ဂှ် နူဂိတုမေ စၟတ်တ္ၚဲ (၂၆) စဵုကဵု စၟတ်တ္ၚဲ (၃၁) ကွးဘာ ပိကိုဋ်မွဲဠက်ပြၚ် ကၠုၚ်စိုပ်ပအပ်လဝ်တုဲ လ္တူနူသၞာံဗ္တောန်ပညာတုဲကၠုၚ်တေံဂှ် ဂၠိုၚ်ကၠုၚ် (၇) ဠက်ပြၚ်ရဂှ် သ္ဂးရ။
အတိုၚ်ဗၞတ်ဗ္ၜတ်ကၟိန်ဍုၚ်မ္ဂး ညးပအပ်လဝ်ဘာ (၅၂) ကိုဋ် နွံတုဲ ရးဨရာဝတဳ ဒ္စိတ်ကိုဋ်မွဲဠက်ပြၚ် ကၠုၚ်စိုပ်ပအပ်လဝ် ဂၠိုၚ်အိုတ်ရ။
ဆ္ဂး ပ္ဍဲတွဵုရးချေၚ် ကဵု ရးသက်ကိုၚ် ပေါဲဗ္တိုက်တံ သ္ကာတ်မြဟ်ဒၟံၚ်ဂှ် အကာဲအရာပအပ်ဘာ ယအ်စှ်ေအာ ဗွဲမတီကၠးရဂှ် သ္ဂးရ။
ကံၚ်ဇြဳပၞာန်ဂှ် ကုကောန်ၚာ်အဝဲမံၚ်ဘာတံဂှ် နူကဵုတန် KG စဵုကဵု တန်ဒေါဝ်သ္ဇိုၚ် ညံၚ်ဂွံကတ်ဗ္တောန်ပညာဒတုဲမာန် ရန်တၟံတုဲ ဂ္စါန်ရေၚ်တၠုၚ်ဒၟံၚ်ရဂှ် သ္ဂးရ။
တုဲပၠန် ကဆံၚ်တန်ဒေါဝ်တုဲမှဟေၚ် ပ္ဍဲဘာကွတ်ပညာဂယျိုၚ်လမျီု မဆေၚ်စပ်တံဂှ် ဒဒှ်ရ ဆက်ကတ်ဗ္တောန်အာမာန်ဂှ်ကီု ဍာ်ဒ္ကေဝ်မစၟတ်လဝ်တံ ပေၚ်မ္ဂး ဆက်ဗ္တောန်အာပညာကဆံၚ်သၠုၚ်တံမာန်ရောၚ်ဂှ် ကံၚ်ဇြဳပၞာန် သ္ဂးလဝ်ရ။
ပရိုၚ်−သြၚ်လောန်တိုၚ်(မ်)