သဵု၊ ဒဳဇြေမ်ဗာ (၁၀)
ဍုၚ်ကိုဝ်ရဳယျာသၠုၚ်ကျာဝွံ ပလီုကၠေံ နဲတော်အာယုက်အခိုက်ကၞာ မဒ္ဂေတ်ဗက်ဒၟံၚ်တံဂှ်တုဲ ဗွဲမဗဗွဲကဵုဗ္ၜတ်အစာံဍုၚ်သ္အာၚ်တံဂှ် သ္ပဒတန်လဝ် သၞောဝ်အပိုၚ်အခြာအာယုက်တံဂှ်ရ ကောန်ဍုၚ်သီုဖအိုတ် နူကဵုအာယုက်မၞုံဂှ် ဍောတ်စှ်ေအာ ဗၞတ်မွဲသၞာံ ဟွံသေၚ်မ္ဂး ၜါသၞာံဂှ် ဂွံတီကေတ်ရ။
ကောန်ဍုၚ်ကိုဝ်ရဳယျာသၠုၚ်ကျာဝွံ အခိၚ်သၠးဂဝ်ဂှ် စရိုဟ်စ အာယုက်မွဲသၞာံတုဲ ဇၟာပ်ပ်စိုပ် ဂိတုဂျာန္နဝါရဳ (၁) မ္ဂး ထပ်ပံၚ်စုတ် မွဲသၞာံရ၊ ပံၚ်စုတ်ဗီုဏံဂှ်ဝွံ ပ္ဍဲဘဝမၞိဟ်လၟေၚ်တ္ၚဲတံဂှ် ဒှ်အပိုၚ်အခြာအာယုက် ဂွံဆဵုဂၠိုၚ်အိုတ်ရ။
သ္အာၚ်နူဂှ်ပၠန် အဝဲသုၚ်ၜံက် သုၚ်အရက်မာန်၊ အဝဲယိုက်ဂၠေၚ်တာလျိုၚ်ပၞာန်မာန်တံဒှ်တမ် သၞောဝ်မစၟတ်လဝ် တၞဟ်ခြာတံလေဝ် နွံဒၟံၚ်ဏီရ။
နူစသၞာံ ၁၉၆၀ ပြဟ်ဟ်တေံဂှ် ပ္ဍဲကိုဝ်ရဳယျာသၠုၚ်ကျာဂှ် ပ္ဍဲလိက်စၟတ်သမ္တီ မဆေၚ်စပ်ကဵုဂဥုဲ ကေုာံ လိက်စၟတ်သမ္တီ မလုပ်သၞောဝ်တံဂှ် တော်ကေတ် နူသုည စသၠးဂဝ်တုဲ ဇၟာပ်ပ်တ္ၚဲက္တဵုဒှ်မၞိဟ်ဂှ် ထပ်ပံၚ်စုတ် ဗ္ၜတ်အစာံဍုၚ်သ္အာၚ်တံ မွဲသၞာံရ။
သၞောဝ်တၟိ နဲတော်အာယုက် ဗွဲမဗဗွဲကဵု ဗ္ၜတ်အစာံဍုၚ်သ္အာၚ်ဂှ်ဝွံ ပ္ဍဲသၞာံ ၂၀၂၃ ဂိတုဂျောန်ဏံ လမျီုစလုပ်အာတုဲ အခါသၞောဝ်တၟိတံ ပြာကတ်ကၠုၚ်တှ်ေ သၞောတ်မထုဲထံၚ်ဒၟံၚ်တံ ကၠေံဗ္ဒန်အာရောၚ် မဒှ်ရ။
“ပွဂယျာန်ဓဝါတ် စပ်ကဵုပရေၚ်မၞိဟ်တံ ကေုာံ စပ်ကဵုပရေၚ်သၞောဝ်ဥပဒေ တံသၟးဟွံက ဒၟါနူနဲတော်အာယုက် နာနာပကာရတံတုဲ အရာမထုဲထံၚ်ဒၟံၚ်တံ ဆက်နွံဒၟံၚ်ဂှ်ရ သွက်ဂွံဖအောန်ဖျေံ ခရိတ်အိုတ်ပရေၚ်ပိုန်ဒြပ်ဘဝမၞိဟ် မဟွံမွဲပၟိက်တံဂှ် ရန်တၟံလဝ်ရ” သာ်ဝွံ ယူသာန်ဗာန် နူကဵုဗော် ဂွံအဝဵု People Power ဟီုလဝ် ပ္ဍဲကၠတ်ထဝ်ရ။
သၞာဲဒဴဒုၚ်ကာရုၚ် အာယုက် (၂၉) မွဲတၠဂှ် စပ်ကဵုအာယုက်ညးတုဲ ဒးဒုၚ်သၟာန် ပ္ဍဲဍုၚ်သ္အာၚ်မ္ဂး ဒးချပ်ၜါဝါလၟိုန်ဂှ် သ္ဂးရ။
“အခိၚ်ညးတၞဟ်သ္အာၚ် သၟာန်ကၠုၚ် ဂွံအာယုက်မူစိရောဟီုတှ်ေ ဂွံကလေၚ်သှ်ဂှ် ဒးကေတ်အခိၚ် တၟာလအ်ဂှ်ရ ကောန်ဍုၚ်သ္အာၚ်တံ ရံၚ်ကၠုၚ်အဲ နကဵုမတ်တၟေၚ်ၚ်ဂှ် သမ္တီဒးဒၟံၚ်ဏီရ၊ ဍောတ်စှ်ေအာ ၜိုတ်မွဲသၞာံ ၜါသၞာံဂှ် မၞိဟ်ဟွံဒုၚ်တၠုၚ်ဂှ် ဟွံမွဲပုဟ် ညာတ်ရ” သာ်ဝွံ ဟီုဂးလဝ်ရ။
Ref; The National News