ဝါယှေန်တာန် – ဒဳဇြေန်ဗာ(၁၄)
သွက်ဂွံစွံအာ အမာတ်ကလုတ်တမာန်ဇၞော် ဥူကျဝ်မိုဝ်ထောန် နဒဒှ်ညးစၞးကၟိန်ဍုၚ်ဗၟာ ဒ္တန် ပွိုၚ်မွဲသၞာံဂှ် ဗော်ဒုၚ်ကာစၟဳစၟတ်ဍာ်ဒကေဝ် ကုလသမဂ္ဂ (Credentials Committee) ဖျေံကၠုၚ်လဝ် တၚ်သ္ဂုတ်သွာတ်ရ။
ပ္ဍဲပေါဲကောံဓရီု ကုလသမဂ္ဂ မကၠောန်ဗဒှ်လဝ် တုဲကၠုၚ်ဂိတုဒဳဇြေန်ဗာ ပ္ဍဲစၟတ်တ္ၚဲ(၁၂)ဂှ် နူကဵုကောံဓရီုဗော်ဒုၚ်ကာ စၟတ်သမ္တီပရေၚ်သ္ပစၞးကၟိန်ဍုၚ် Credential ဂှ် တုပ်ကၠုၚ်လဝ်စိုတ် အမာတ်ကလုတ်တမာန်ဇၞော် ဥူကျဝ်မိုဝ်ထောန် လၟုဟ်ဏံဂှ် သွက်ဂွံဆက်စွံပ္တန်အာ အတိုၚ်မၞုံဒၟံၚ်လၟုဟ်ဏံရ။
ပ္ဍဲကောံဓရီုဗော်ဒုၚ်ကာ Credential ဂှ် ကၟိန်ဍုၚ်လုပ်ဂကောံ ပရေၚ်ဂီုကၠီုကုလသမဂ္ဂ ဒ္တန် သီုအမေရိကာန်၊ ရုယှာ၊ ကြုက်တအ်ပါလုပ် ကၟိန်ဍုၚ် (၉) ကၟိန်ဍုၚ်တုဲ ပ္ဍဲတုဲကၠုၚ်မွဲၜါတ္ၚဲဂှ် ၜိုန်ရရုယှာ တးပါဲကၠုၚ်လဝ် အမာတ်ကလုတ်တမာန်ဇၞော် ဥူကျဝ်မိုဝ်ထောန်ကီုလေဝ် ဆက်စွံပ္တန်လဝ် နဒဒှ်ညးစၞးရ။
အမာန်ကလုတ်တမာန်ဇၞော် ဥူကျဝ်မိုဝ်ထောန်ဂှ် ကြဴနူဒပ်ပၞာန်သီအဝဵုတုဲဂှ် ဒှ်ညးဒတူလာၚ် ကရောံညးဍုၚ်ကွာန်တအ်တုဲ စပ်ကဵုပရေၚ်ကံၚ်ဇြဳပၞာန် ကၠောန်ရေၚ်တၠုၚ်ဒၟံၚ်ဂှ် ဒှ်ညးကဵုဒၟံၚ်သမ္တီ ကဵုဂၠးကဝ်ရ။
ပရိုၚ်- သြၚ်လောန်တိုၚ်(မ်)