ပ္ဍဲတွဵုရးဍုၚ်မန် ပ္ဍဲကဵုဂကောံ ရပ်ကေတ်လွဟ် ၜိုတ်ဒှ်ကဵုဒှ်တုဲ တဝ်စၞေဟ်ဒၟံၚ်ကဵု ဂကောံပၞာန်သီအဝဵု ဂမၠိုၚ်တအ်ဂှ် ဒပ်ဒမၠုက် ချဳဒရာၚ်ဒၟံၚ် ပ္ဍဲဒေသရေဝ်သၠုၚ်ကျာ (YGF) လေဝ် ပါလုပ်ဒၟံၚ်မွဲဂကောံကီုရ။ ဟိုတ်ဂှ်ရ နကဵုဂကောံဒပ်ဒမၠုက် ရေဝ်သၠုၚ်ကျာဂှ် ပြဟ်ဟ်ဏံ ကၠောန်ရေၚ်တၠုၚ်ဒၟံၚ် ပရေၚ်ချဳဒရာၚ်ပၞာန် ဗီုပြၚ်လဵုရော။ သွက်ဂကောံဂွံတန်တဴအာမာန် တၚ်ကော်ချဴသာ်လဵု က္တဵုဒှ်ဒၟံၚ်ရော။ စပ်ကဵုပရေၚ်ပၠန်ဂတးတုဲ မုမိက်ဂွံဟီုဗ္ကန်ကဵု ညးဍုၚ်ကွာန်တအ် ဂလာန်သာ်လဵုရော။ စပ်ကဵုအကာဲအရာဏံတုဲ သၟာန်သွဟ်လဝ်ကေုာံ ညးဒုၚ်လျိုၚ် ဒပ်ဒမၠုက်ရေဝ် ဗိုလ်ကျာန်ယျေတ်ရ။
-ကိုပ်ကၠာအိုတ်ဏံ အကာဲအရာပရေၚ်ပၞာန် က္တဵုဒှ်ဒၟံၚ်ပ္ဍဲကဵုတွဵုရးဍုၚ်မန် ပြဟ်ဟ်ဏံ ဗီုပြၚ်လဵုနွံဒၟံၚ်ရော။
ချဳဒရာၚ်ဒၟံၚ်အဓိကဂှ်တှ်ေ ရေဝ်ကီု၊ သဓီုကီု၊ ကျာ်ထဝ်ကီုရ။ ဍုၚ်ချဳဒၟံၚ် ပ္ဍဲတွဵုရးဍုၚ်မန်အဓိကဂှ်တှ်ေ လပါ်ရေဝ်တှ်ေ ကရောၚ်ပၞာန်တအ် တိတ်ကၠုၚ်ဒၟံၚ်ယျ။ ကရောၚ်ပၞာန် ဒဵုလမ္စံက်ရ။ ကရောၚ်ပၞာန်တအ်လေဝ် ပလေဝ်ပလေတ်ဒၟံၚ် သွက်ဂွံထပ်ဗပေၚ်ရ။ ၝတအ်ဏံ ထ္ပက်ကၠုၚ်ဒၟံၚ် ကရောၚ်ပၞာန်လ္ပာ်ဏံယျ။ ပ္ဍဲအခိၚ်ထ္ပက်ကၠုၚ်ကရောၚ်ပၞာန်ဂှ် မုဒှ်ရောတှ်ေ နကဵုညးဍုၚ်ကွာန်တအ်ဂှ် ကဵုသၟာပရေၚ်ပၠန်ဂတးတအ် ပါဲဓလေတ်ထောံရ။ မုဒှ်ရောတှ်ေ ၝတေံတအ်ဂှ် ညှာဒညဟွံသေၚ်ပုဟ်လေဝ်။ စံၚ်ကွာန်ဏောၚ်။ ဟိုတ်ဂှ်ရ ဒးပါဲဓလေတ်ထောံရ ပိုဲဂှ်။ ဒှ်ဒၟံၚ်အကာဲအရာဏံရ။
-မွဲပၠန်ဂှ် အခိၚ်ဒပ်ကံၚ်ဇြဳပၞာန် ထ္ပက်ကၠုၚ်ကရောၚ်ပၞာန်ဂှ် ဗီုပြၚ်လဵုကၠောန်သ္ပဒၟံၚ် ပရေၚ်ဖံက်ပ္ကဝ်ဒၟံၚ်အခေါၚ်အရာမၞိဟ် ပ္ဍဲလတူညးဍုၚ်ကွာန်တအ်ရော
ဟွံထ္ပက်ကရောၚ်ပၞာန်လေဝ် တံၚ်ဓဇက်ဒၟံၚ်မၞိဟ်၊ တံၚ်ပဝ်တာ။ မၞိဟ်ပ္ဍဲကွာန်ဂှ် မၞိဟ်တြုံကဵုဒှ် မၞိဟ်ဗြဴကဵုဒှ် ဍေံတအ်တံၚ်ဓဇက်ဏာရ။ ဟွံဒးကဵုအခိုက်တှ်ေ ပန်ကၠုၚ်ကီု၊ ချိုတ်အာကီုဂှ် နွံရ ညးဍုၚ်ကွာန်တအ်ဂှ်။ ၝတအ်ဏံ သ္ပဒၟံၚ်ညးဍုၚ်ကွာန်တအ် ဒေၚ်ဒုၚ်ဒၞာအဓိကရ။ သ္ပဒေၚ်ဒုၚ်ဒၞာမၞိဟ်ရ။ ဒှ်ကၠုၚ်ဗီုပြၚ်ဏံတှ်ေ နကဵုသၟာပရေၚ်ပၠန်ဂတးဂမၠိုၚ်တအ်ဂှ် ဒးရံၚ် လ္ပာ်ညးဍုၚ်ကွာန်တအ်ဂှ်ရ အကာဲအရာလ္ၚဵုဂှ် ဒးဂိသ္ကေဝ်ဒၟံၚ်ရ။ ပ္ဍဲကဵုလ္ပာ်ဏံဂှ် ညံၚ်ကဵုမွဲလ္ပာ်တေံ ဇၞော်ဇၞော်ဂှ် ဍေံဟၟဲဏီရ။ ပရေၚ်စံၚ်ပလီုကွာန်တအ် မုတအ်ဂှ် ဟၟဲဏီရ။
-ပ္ဍဲပရေၚ်ရေၚ်တၠုၚ် ကမၠောန်ပၠန်ဂတးရပ်လွဟ်ဂှ် ဒးဆေၚ်ဒၟံၚ်မုက်ကဵု အခက်ခုဲ ဗီုပြၚ်လဵုရော။
ယဝ်ရရံၚ်ကဵု အတိုၚ်အလုံမွဲကၟိန်ဍုၚ်တှ်ေ တွဵုရးဍုၚ်မန်ဂှ် ဒှ်အကာဲအရာပရေံအိုတ်။ မၞိဟ်ကဵုပရိုၚ်(ဒလန်)တအ် ဂၠိုၚ်လောန်ရ။ တုဲပၠန် မၞိဟ်မံၚ်အကြာလေဝ် ဂၠိုၚ်ရ။ ယဝ်ဒးဟီုတှ်ေ မၞိဟ်ကဵုပရိုၚ်လေဝ် ဒှ်လ္ပာ်စကစတေံရ။ မံၚ်အကြာဂှ်လေဝ် နွံဒၟံၚ်ဏီ။ ဟွံဒးညးတအ်တှ်ေ တုဲရ။ ညးတၞဟ် မုဒှ်ဒှ်၊ ညးဍုၚ်ကွာန် မုဒှ်ဒှ်။ လၟုဟ်ဏံ UG ရပ်ဂွံလဝ်ပ္ဍဲ မတ်မလီုဂှ် အဓိကဂှ် မုရောတှ် ဒလာန်ရ။ ဟိုတ်နူမၞိဟ်ကဵုပရိုၚ် တေၚ်လဝ်ရလေဝ်။ အဓိကဂှ် ဇြဟတ်လွဟ် ဟွံကိတ်ညဳပုဟ်။ UG တအ်ဂှ် ဝါတ်ဂါတ်လောန်ရ သွက်ညးတအ်ဂှ်။ ညးတအ်ဂှ် မၞိဟ်တီလေဝ် ဟွံဂွံပုဟ်။ ဒးမံၚ်စံၚ်ချိုတ်တ်ပၠိုတ်တ် ဇိပ်ပ်ဂၠိပ်ပ်ရ။ UG တအ်ဂှ် လုပ်ဒၟံၚ်အသုၚ်ဏောၚ်။ ညးတအ်သာတုဲ ဒးပံၚ်လဝ်လမျီုဏောၚ်။ လတူနူကဵု ကရောၚ်ပၞာန်သာမညဂှ် UG တအ် သာတုဲ ဒးပံၚ်လဝ်လမျီုဏောၚ်။ အခက်ခုဲတအ်ဏံဂှ် နွံဒၟံၚ်။ ညးဍုၚ်ကွာန်တအ်လေဝ် ညံၚ်ဂွံပါလုပ်ဂှ် ပၟိက်နွံဒၟံၚ်ရ။ မုဒှ်ရောတှ်ေ ပ္ဍဲကဵုမွဲအရာပ်ဂှ် သ္ၚိနွံ ၜါလ္ၚီ မၞိဟ်ကဵုပရိုၚ်နွံမွဲတၠဓဝ် စွံထောံရ။ ပ္ဍဲဒၞာဲဂှ် သ္ၚိမၞိဟ်ကဵုပရိုၚ် ပါဒၟံၚ်မွဲသ္ၚိတှ်ေ အာဟဂှ်ရ။
-အခိၚ်လၟုဟ်ဏံရော ပ္ဍဲဒပ်ဒမၠုက်ရေဝ် (YGF) ဂှ် အခက်ခုဲဗီုလဵု နွံဒၟံၚ်ရော။
တၚ်နွံပၟိက်ဂှ်တှ်ေ နွံမံၚ်ရ။ စရိတ်လွဟ်မကမ် ပ္ဍဲပိုဲဂှ် ဇၞော်လောန်ဒၟံၚ်ရ။ သွက်ဂွံစဂွံသုၚ်ဂှ် ဒဵုကဆံၚ်ဂှ်လေဝ် ဟွံဒးဂွိၚ်ပုဟ်။ စသုၚ်ဂှ်တှ်ေ ၜိုတ်နွံဂှ်စဂွံမံၚ်ရ။ မုဒှ်ရောတှ်ေ ပ္ဍဲနွံဒၟံၚ်လ္ပာ်ဏံ သ္ဂံၚ်သီုဖအိုတ်ဂှ် ခိုဟ်မွဲဂကူဂှ် တၚ်ဒုၚ်ဂိုၚ်ကေတ် နွံဒၟံၚ်၊ တၚ်ရန်တၟံ နွံဒၟံၚ်ရ။ ညးတအ်ဒုၚ်ဍောၚ်ၜိုတ်မာန်။ ဒဒိုက်လေဝ်ဒုၚ်မာန်ရ။ အဓိကဂှ် လွဟ်မကမ်ရ။ ယဝ်ဂွံလွဟ်မကမ်တှ်ေ ပြေပြံၚ်အာသီုဖအိုတ်ရ။
-နကဵုညးဒုၚ်တာလျိုၚ် ဒပ်ဒမၠုက်ရေဝ် (YGF) မွဲတၠတှ်ေ စပ်ကဵုတၚ်စၟဳစ ပရေၚ်ပၠန်ဂတး အာဂတနူဏံတုဲ ဟီုထ္ၜးကဵုညိ။
လညာတ်အဲတှ်ေ။ လၟုဟ် NUG လလောၚ်တြးလဝ်မွဲသၞာံ ၂၀၂၃ ရ။ ယဝ်ရ EAO တအ်လေဝ် ပါလုပ်ကဵုဏောၚ်။ ဂကောံရပ်လွဟ်ကောန်ဍုၚ်အရၚ်တအ်လေဝ် ပါဏောၚ်ဟီုတှ်ေ သွဟ်မွဲဂှ် တိတ်ကၠုၚ်ရ။ ဗီုလဵုရောတှ်ေ ရးကဵုပွိုၚ်ဍုၚ် နွံ(၁၄)တုဲ။ ပ္ဍဲကဵုတွဵုရးဍုၚ်ဗၟာတှ်ေ ပ္ဍဲကဵု(၁၄)ဂှ် ယဝ်ရဇၞးကေတ်ၜိုတ် ၈ တှ်ေ သှ်ေ၆ဂှ် ဗီုလဵုပလေဝ် ဒတူလာၚ်အာ ဟွံဂွံရ။ အေဗီုပြၚ်ဂှ်ရ။ တီမံၚ်ရ သေၚ်ဟာ။ အဲ ချိၚ်ခယျကေတ်တှ်ေ။ ၜိုတ်သၞာံဏံတှ်ေ သွဟ်တိတ်ရ။
-နကဵုဒပ်ဒမၠုက်ရေဝ် (YGF) ပရေၚ်ကော် ကောန်တန်ဗ္တောန် အကာဲအရာဗီုပြၚ်လဵု နွံရော။
ဂကောံတၞဟ်ကော်ဒၟံၚ်ဂှ် နွံမံၚ်ရ။ ဂကောံပိုဲ ကော်လဝ်ဂှ် ဟၟဲဏီ။ လၟုဟ်ဏံ လွဟ်ကဵုမၞိဟ်ဂှ် ပိုတ်ဒၟံၚ်ကဝက်ရ။ ပိုဲ ဟွံထပ်ကော်ရပုဟ်။ တုဲပၠန် လဆောဝ်တှ်ေ ဒတူလာၚ် ဟွံမာန်ပုဟ်။ သွက်ဇွောံမစၞစပိုဲကီု၊ သွက်ပရေၚ်ပၞာန်ကီု အခက်ခုဲနွံဒၟံၚ်ရ။ ဒၟာနူဂှ်ရ ဟွံကော် ကောန်တန်ဗ္တောန်ဏီရ။ ပြဟ်ဟ်ဏံ မၞိဟ်ၜိုတ်နွံကဵုနွံဂှ် ကၠောန်သ္ပဒၟံၚ်ရ။ ယဝ်ရလွဟ်ပေၚ်ဏောၚ်တှ်ေ ယဝ်NUG ဖျေံကဵုနၚ်ဏောၚ်တှ်ေ ပိုဲကော်အာ ကောန်ဗ္တောန်တအ်ဏောၚ်။ အခိၚ်လၟုဟ် ပြဟ်ဟ်ဏံတှ်ေ ဟွံကော်ဏီပုဟ်။ ဒှ်ဒၟံၚ်ဗီုဏံရ။
-နကဵုဒပ်ဒမၠုက်ရေဝ် (YGF) ပရေၚ်ဆက်ဆောံကဵု ဂကောံကောဒေံ PDF နွံပ္ဍဲတွဵုရးဍုၚ်မန်တအ် နွံဗီုပြၚ်လဵုရော။
နွံမံၚ်ရ။ ပိုဲပံၚ်တောဲဒၟံၚ် သီုဖအိုတ်ရ။ ယဝ်ဒးဟီုကၠးကၠးတှ်ေ သၞပိုဲဂှ် စကစဏံမွဲဓဝ်ရ နွံမံၚ်။ သၞစကစသီုဖအိုတ်ဂှ် ဒှ်မိတ်ပိုဲ သီုဖအိုတ်ရ။ အခိၚ်ဏံတှ်ေ သၞစကစတှ်ေ ပိုဲပံၚ်သီုဖအိုတ်ရ။ ညးဂှ်ဒှ်ဒှ်ရ ကော်တှ်ေ ကော်ညိ။ ရီုကဵုဏောၚ်။ ရီုဟီုဂှ်လေဝ် အာကဵုဇြဟတ်မၞိဟ်ရ။ အာကဵုဇြဟ်လွဟ် ဇြဟတ်မၞိဟ်ရ။ ဗီုပြၚ်ဂှ်နွံဒၟံၚ်ရ။
-အလန်လကြဴအိုတ်ဏံ စပ်ကဵုပရေၚ်ပၠန်ဂတးတုဲ မုမိက်ဂွံဟီုကဵု ညးဍုၚ်ကွာန်တအ်မုနွံရော။
မုမိက်ဂွံဟီုရောတှ်ေ တိုန်ဘာကီု၊ ဟွံတိုန်ဘာကီု မုဟွံမိက်ဟီုပုဟ်ဏး။ လ္ၚဵုဂှ်တှ်ေ ဟိုတ်ပရေၚ်ပညာ၊ ဟိုတ်နူ မုရ တၚ်ထ္ၜးဟိုတ်ဗီုဏံ နွံဒၟံၚ်ရ။ တအ်ဏအ်ဂှ် အဲလေပ်မံၚ်ဏောၚ်လေဝ် ဟွံမိက်ဟီုပုဟ်။ လ္ပတိုန်လေဝ် ဟွံမိက်ဟီုပုဟ်။ တိုန်ဘာတှ်ေ မုဒှ်ရောတှ်ေ သွက်ၝတအ်ဏံ ဒှ်အထံက်အရီုဇၞော်ဇၞော်ရ။ ၝတအ်ဏံဂှ် ကၠောန်ပရေၚ်ချဳဒရာၚ်ပၞာန်မွဲမွဲတှ်ေ သ္ပဒေၚ်ဒၞာကဵု ကောန်ကွးဘာတအ်တုဲ ယဝ်ရပဒေၚ်ဒၞာတှ်ေ ကမၠောန်ပိုဲဒးကၠောန်လ္ၚဵုတအ်ဂှ် ကၠောန်ဟွံဂွံရ။ လဇုဲလဇကၠုၚ်ဂှ်ရ ယဝ်ပိုဲဒးဟီုကၠးကၠးတှ်ေ သၞဂှ်သာအာဒၟံၚ်တုဲတုဲရ အေဒၞာဲဂှ်။ မုဒှ်ရောတှ်ေ အခိၚ်ဒးကၠောန် ပရေၚ်ချဳဒရာၚ်ပၞာန်မွဲမွဲတှ်ေ ကသပ်မွဲမွဲဒးလုပ်ဒၟံၚ်ရ။ ဟီုဂှ်တှ်ေ သွဟ်ဍေံ ပြံၚ်အာဇၞော်ဇၞော်မာန်ရ။ နကဵုမိမတအ်လေဝ် ထေက်ကဵုတိုန်ဟာ၊ ဟွံထေက်တိုန်ဟာဂှ် ဘာသာဇကုကဵုဇကု ချပ်ကေတ်ရ။ မုဒှ်ရောတှ်ေ တုဲဒှ်ဒၟံၚ်ရဏောၚ်တှ်ေ အေၚ်ထောံမွဲလစုတ်ဍောတ်ရ။ တုဲဒှ်အိုတ်တှ်ေ ကလေၚ်စဴတုပ်ပ်ဖအိုတ်ရ။ ယဝ်ဒးဟီုသောၚ်ၚ်သောၚ်တှ်ေ အဲလေဝ် ကွးဘာရ။