မတ်မလီု – ဒဳဇြေန်ဗာ(၁၅)
မၚ်မွဲဒ္ဂေတ်ဝတ်ပၞာန်ဗဗွဲဓဝ်တုဲ ဒုၚ်ဒဝ် တဝ်စၞေဟ်ဒၟံၚ်ကီု မွဲလ္ပာ်ပၠန်ဂှ်လေဝ် ဒးဗတိုက်သရိုဟ် ကုတ်ဗပိုတ်ဒၟံၚ်ရိုဟ်ကၞက် ဂကောံပၞာန်ယုတ်သဝ် ညံၚ်ရဴသရာဲကလော်ကီုရဂှ် သမ္မတယာယဳ အလဵုအသဳညဳသၟဟ်ကောန်ဂကူ ဒူဝါလယှဳလ ဟီုသ္ဂးလဝ်ရ။
ပ္ဍဲကောံဓရီု ဂကောံအလဵုအသဳပရေၚ်ညဳသၟဟ်ကောန်ဂကူ မရနုက်ကဵု (၇၈) ဝါ မကၠောန်ဗဒှ်လဝ် ပ္ဍဲဂိတုဒဳဇြေန်ဗာ စၟတ်တ္ၚဲ(၁၃) တုဲကၠုၚ်ဂှ် ဟီုသ္ဂးလဝ်သာ်ဏံရ။
“အတိုၚ်ဒ္ဂေတ်ဝတ်၊ အတိုၚ်စေဝ်ပၞောန်၊ အတိုၚ်ပရေၚ်ရှ်ေသှ်ေဒ္ဂေတ်ဗက် အခေါၚ်အရာမၞိဟ် ပွမဗတိုက်ပၞာန် ဗီုပြၚ်ပၞာန် ဟွံမာန်ဂှ် နွံဒၟံၚ်ရ။ ဟိုတ်ဍေံဂှ် ပိုဲကွာ်ဍံၚ်ဗက်အာဒၟံၚ် လၟေၚ်ဂၠံၚ်တရဴပရေၚ်ပၠန်ဂတး နကဵုမူ/နကဵုသၞောတ်/နကဵုဒ္ဂေတ်ဝတ်ရ။ မွဲလပါ်ပၠန်ဂှ် မၚ်မွဲထိၚ်ဒဝ်အာ ဒ္ဂေတ်ဝတ်ပၞာန်ဗဗွဲဓဝ်တုဲ ဒးဒုၚ်ဒဝ်တဝ်စၞေဟ်ဒၟံၚ်ကီု။ မွဲလ္ပာ်ပၠန်ဂှ်လေဝ် ဒးဗတိုက်သရိုဟ် ကုတ်ဗပိုတ်ဒၟံၚ်ရိုဟ်ကၞက် ဂကောံပၞာန်ယုတ်သဝ် ညံၚ်ရဴသရာဲကလော်ကီုရ” ဂှ် သမ္မတယာယဳ NUG ဟီုသ္ဂးလဝ်ရ။
သ္အာၚ်နူဂှ်ပၠန် ပ္ဍဲပေါဲဗတိုက်ဂမၠိုၚ် ကောန်ညးအရာပ်ဒးဒုၚ်ချိုတ် ၜိုတ်အောန်မာန် ညံၚ်ဂွံအောန်ဂှ် ဒးကၠောန်အာတုဲ သရာဲသ္ဂံၚ် လပါ်ဂကောံဇြဟတ်ပရေၚ်ပၠန်ဂတးဒးပြဟ်လလုဲ ၜိုတ်အောန်မာန် ညံၚ်ဂွံအောန်ဂှ် သွက်ဂွံကၠောန်အာ အဓိကဂှ်လေဝ် သမ္မတယာယဳဟီုသ္ဂးလဝ်ရ။
သွက်ဂွံထပက်ကလိုဟ် ပၞော်ဍိုန်လျပၞာန် ကံၚ်ဇြဳပၞာန်မာန်ဂှ် ကိစ္စကၠောန်သ္ပအတိုၚ်လၟေၚ်ကမၠောန် ပရေၚ်ဍုၚ်ကွာန် ၜိုတ်ကၠောန်မာန် အလုံအိုဿီုဂှ် ဒးကၠောန်အာရောၚ်ဂှ် ဗတိုက်ဖ္အောဝ်လဝ် အလဵုအသဳညဳသၟဟ်ကောန်ဂကူရ။
ပေါဲအံၚ်ဇၞးပရေၚ်ပၠန်ဂတးက္ညၚ်ဂှ် တုဲတဴဒၟံၚ် ပ္ဍဲပရေၚ် သွက်ဂွံက္လိဂွံပရေၚ်ထံက်ဂလာန် သွက်ဂွံက္လိဂွံပေါဲအံၚ်ဇၞး ပရေၚ်ပၞာန်ကေုာံ ပရေၚ်ဍုၚ်ကွာန်ခိုၚ်ၚ်ဗိုန်န်မာန်ကီု ပ္ဍဲပၞာန်ဒုၚ်တဝ်စၞေဟ်ပၠန်ဂတးဂှ် ဒးပ္တိတ်ဇြဟတ်ကၠောန်ရေၚ်တၠုၚ် ညံၚ်ဂွံက္လိဂွံ ပရေၚ်အံၚ်ဇၞးသွာၚ်ပၞာန် ထ္ၜးပျးကဵုပြာပြာကတ်တ်မာန်ရဂှ် ဟီုသ္ဂးလဝ်ရ။
ကောံဓရီုဂကောံအလဵုအသဳပရေၚ်ညဳသၟဟ်ကောန်ဂကူဂှ် သမ္မတယာယဳ ဒူဝါလယှဳလ ကေုာံ သ္ကိုပ်ဝန်ဇၞော်ကၟိန်ဍုၚ် မာန်ဝေန်ခိုၚ်တာန်ကီု သီုကဵုဝန်ဇၞော်ကၟိန်ဍုၚ် ဒုတိယဝန်ဇၞော်ဂမၠိုၚ်တိုန်စိုပ်လဝ်ရဂှ် ဂွံတီကေတ်လဝ်ရ။
ပရိုၚ် – သြၚ်လောန်တိုၚ်(မ်)