ပေကျေန် – ဒဳဇြေန်ဗာ(၁၆)
ဟိုတ်နူသၞောတ်ဗ္ၜတ်ကိုဝ်ဗေတ်တုဲ အလဵုအသဳကြုက် ဒးဆဵုဂဗကၠုၚ် ပရေၚ်ပၠံၚ်ရာန်ဖျာတုဲ ညးပိုၚ်ပြဳအာဏာဂမၠိုၚ် ပ္ဍဲကဵုဂိတုဒဳဇြေန်ဗာ သတ္တာဟပထမဂှ်ဟေၚ် ယှအ်ဖျေံကၠုၚ် မူဝါဒဂိုဝ်ဗေတ်ရဂှ် ဓမံက်ထ္ၜးလဝ် ပ္ဍဲကဵုပရိုၚ်ဒေသဂမၠိုၚ်ရ။
ဟိုတ်နူ ပရိုၚ်ပရေၚ်လလောၚ်တြးဂိုဝ်ဗေတ် အလဵုအသဳတုဲ မၞိဟ်ဗွဲမဂၠိုၚ်ဂှ် ibuprofen ကီု သီုကဵုဂဥုဲဇဗဆေၚ်စပ်ကဵု ဇွဟ်ဒးချာံ ကပေါတ်စၟဳစၟတ်ဂိုဝ်ဗေတ်တအ်ဂှ် ဃရေက်ရာန်ပကောံဒၟံၚ်အိုတ်ရ။
ဟိုတ်နူဂိုဝ်ဗေတ်တုဲ ရာန်ပကောံစွံဒၟံၚ် ကပေါတ်ဂှ် ဒှ်ကၠုၚ်ပြသၞာ ဆေၚ်ကဵုဂၠးကဝ်မွဲဂကူတုဲ ပ္ဍဲဍုၚ်ကြုက်မ္ဂး ဒှ်ဒၟံၚ်ဗီုပြၚ်ဏံ နူကဵုအခိၚ် ယှအ်ဖျေံကာလလံက်ဒေါၚ်တုဲ ဒှ်အလန်ပထမရဂှ် ဂွံတီကေတ်ရ။
ပ္ဍဲအလုမ်မွဲကၟိန်ဍုၚ်ကြုက် ကၠာနူဟွံဂွံဖျေံအမိၚ် stay home တေၚ်ၚ်ဂြတ်ဂြတ်ဏီ ပ္ဍဲဍုၚ်ဇၞော်ဗွဲမဂၠိုၚ် ဖျာဗၞိက်စုၚ် ကၠောန်ကၠုၚ် ပရေၚ်သၠုၚ်ပတိုန်အသိၚ် သွက်ဂွံရာန်ကေတ် နူကဵုအောန်လာၚ် ကပေါတ်ပါၚ်ဖဴ ကေုာံကပေါတ်သုၚ်စောဲသ္ၚိတအ်အိုတ်ရ။
အခိၚ်လၟုဟ်ဏံမ္ဂး သၞောတ်ဗ္ၜတ်စဵုဒၞာဂိုဝ်ဗေတ် ပ္ဍဲဍုၚ်ကြုက် ဗွဲမဂၠိုၚ်ဂှ် ဖအောန်ယှအ်ဖျေံကဵုတုဲ မၞိဟ်ယဲတအ်လေဝ် ကဵုအခေါၚ်မံၚ် ပ္ဍဲသ္ၚိတၞဟ်ခြာတုဲ စပ်ကဵုပရေၚ်ယဲဂိုဝ်ဗေတ်ကၠောံထၞာန်တုဲ ကဵုကၠုၚ်အခေါၚ် သွက်ဂွံလွဳလွတ်ကေတ် အလဵုလဵုဇကုဂှ်ရ ညးဍုၚ်ကွာန်ဂမၠိုၚ် သွက်ဂွံစဵုဒၞာယဲဘဲ ပ္ဍဲအခိၚ်ပြံၚ်ရာသဳမုဟ်ကျာတုဲ ပရဟ်ဒုၚ်ရာန်ကၠုၚ်ဂဥုဲဇဗအိုတ်ရဂှ် ပရေၚ်ချိၚ်ခယျ နွံကၠုၚ်ဒၟံၚ်ရ။
သၞောတ်ပရေၚ်ထတ်ယိုတ် အုပ်ဓလီုမာန်ကၠုၚ်ဒၟံၚ် ဗွဲမပြဟ်ယျရောၚ်ဂှ် ၜိုန်ရအလဵုအသဳ လလောၚ်တြးကၠုၚ်လဝ်ကီုလေဝ် မၞိဟ်ယဲပေၚ်ဒၟံၚ် ပ္ဍဲဗ္ဒမ်ဂဥုဲဝဳယဲကီု ပ္ဍဲလတူကွဳစက်လေဝ် ရုပ်ဒမျိုၚ် ပရောဒဒှ် မၞိဟ်ယဲကွက်လဝ် IV drips ပြးတိတ်ကၠုဒၟံၚ်ကီုဂှ်လေဝ် ဒှ်ဟိုတ်တၞံ ပရေၚ်ပၠံၚ်ရာန်ဖျာ ဂၠိုၚ်တိုန်မွဲဂကူကီုရဂှ် ဂွံတီကေတ်လဝ်ရ။
ညးမပိုၚ်ပြဳအာဏာဂမၠိုၚ် သၠုၚ်ပတိုန်သၞောတ်ပရေၚ်ထတ်ယိုတ် ဌာနအလဵုအသဳ ပ္ဍဲဒေသဂှ်တုဲ သွက်ပရေၚ်စဵုဒၞာ ဂိုဝ်ဗေတ်ကၠောံထၞာန်ဂှ် သွက်ဂွံကၠောန်ရေၚ်တၠုၚ်အာ ညံၚ်ဂွံပံၚ်ဗ္ဒမ်ဂဥုဲလွဳလွတ် ယဲဘဲမာန်ဂှ်လေဝ် ဗတိုက်ဖ္အောဝ်လဝ်ရ။
ညးဍုၚ်ကွာန်ဂမၠိုၚ်ဂှ် သွက်ဂွံလွဳလွတ်ပ္ဍဲသ္ၚိဌာန် ဆေၚ်ကဵုဇကုကတဴဒးချာံတုဲ ဂဥုဲဗဳတာမေန်ဇြဳကေုာံ သတ်ပၞဴကဠာ၊ သတ်တၠုဲထၞာတ်ကဠာ မပေၚ်ဒၟံၚ်ကဵုဗဳတာမေန်ဇြဳကေုာံ ဍာ်ဍေၚ်ဗပေၚ်ဓာတ်လလဳ ကော်ဂး electrolysed တအ်၊ ဂဥုဲဂိဇကုသကောတ်တအ်၊ ဗဳတာမေန်တအ်၊ ဂဥုဲဒးချာဲ/F ဒှ်ဇွဟ်တအ် ကပေါတ်ဗွဲမဂၠိုၚ်ဂှ် ဗ္ကန်ကေတ်ပ္ဍဲအောန်လာၚ် ဒဵုဟွံဂွံဂှ် ပိုတ်ကၠုၚ်ဒၟံၚ်ရဂှ် ဂွံတီကေတ်ရ။
သ္အာၚ်နူဂှ်ပၠန် ပ္ဍဲကဵုသတ္တာဟတုဲ ကၠုၚ် ပ္ဍဲကဵုလိက်ပရိုၚ် Global Timesဂှ် ပရေၚ်ရာန်ကေတ် ကပေါတ်ကိရိယာဗာစၟဳစၟတ်ဂိုဝ်ဗေတ်ကြုက်ဂှ် ဂၠိုၚ်တိုန်ကၠုၚ် စဵုကဵု(၃၀၀)တၟံကၠံရဂှ် သ္ဂးလဝ်တုဲ ပ္ဍဲကဵုစၚ်လပှ်ကျာ ရာန်ဖျာအောန်လာၚ် ဆေၚ်ကဵုပရေၚ်ထတ်ယိုတ် ဗီုကဵု JD Healthဂှ် ကပေါတ်ဂဥုဲတအ် စဵုကဵုဒးပိုတ်အာ ပရေၚ်ရာန်ဂမၠိုၚ် ဂၠိုၚ်သၠုၚ် တိုန်ကၠုၚ်ဒၟံၚ်ရဂှ် ဓမံက်ထ္ၜးလဝ်ရ။
Ref:BBC