လ္ဂုၚ်၊ ဒဳဇြေမ်ဗာ (၁၉)
ပ္ဍဲလ္တူက္ၜၚ်ချေဝ်ရဳ ဖ္ဍိုက်ညးအာတရဴ မဓဇက်ဂြိပ်ဒၟံၚ် ပါန်သဵုတာန်−ဒလ ဍုၚ်လ္ဂုၚ်ဂှ် က္တဵုဒှ် ဗ္တိုဟ်ထ္ကးအာလဝ်တုဲ (၁၅) တၠပြၚ် ဇီုကပိုက်ကလိဂွံလဝ်ဝပ်ဂှ် ညးဒေသတံ ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။
တ္ၚဲဏံ ပ္ဍဲဂိတုဒဳဇြေမ်ဗာ (၁၅) ဇိုၚ်သဝ်တ္ၚဲ (၆) နာဍဳပြၚ်ဂှ် ပ္ဍဲလ္တူက္ၜၚ်ချေဝ်ရဳ ဖ္ဍိုက်မၞိဟ်အာတရဴ မဒေါအ်လဝ် ပ္ဍဲသၞေဟ်က္ၜၚ် ပါန်သဵုတာန်ဂှ် က္တဵုဒှ်လဝ် ပရေၚ်ဗ္တိုဟ်ထ္ကးဂှ် ဂွံတီကေတ်ရ။
ပ္ဍဲကဵုညးမကလိဂွံဝပ်တံဂှ် ၜိုတ် (၅) တၠ ဘဲဝပ်ဇီုကပိုက် သ္ကာတ်မြဟ်လဝ်ဂှ်ရ ပလံၚ်ဗစိုပ်ကဵုလဝ် ရုၚ်ဂဥုဲဇၞော်လ္ဂုၚ်ဂှ် ဂွံတီကေတ်ရ။
အခိၚ်လၟုဟ်ဂှ် ဒပ်ကံၚ်ဇြဳပၞာန်တံဝွံ ဖျေံလဝ်ကၚ် လ္ပာ်ပါန်သဵုတာန် ကေုာံ ဒလတံတုဲ စၟဳစၟတ်ဒၟံၚ်တံ နွံဂှ် ညးဒေသတံ ဟီုရ။
စပ်ကဵုပရေၚ်ဗ္တိုဟ်ထ္ကးဏံ က္တဵုဒှ်လဝ်တုဲ ဂကောံလဵု ကၠောန်သ္ပလဝ်ရောဟီုဂှ် လလောၚ်တြးလဝ် ဟွံမွဲဏီရ။
ပရိုၚ်−သြၚ်လောန်တိုၚ်(မ်)
ဗီုဓာတ် − CJ