မနဳလာ – ဒဳဇြေန်ဗာ (၂၃)
ပ္ဍဲကြဴနူကြုက်ကၠောန်သ္ပကၠုၚ် ပရေၚ်ချဳဒရာၚ် သီကေတ်တိဍာ်တုဲဂှ် ပ္ဍဲတဂၠံၚ်တရဴဍာ် က္တဵဒှ်ဒၟံၚ် ပရေၚ်ကယျာန်ဓဝါတ်ဂှ် ဟိုတ်နူ ဒပ်မၚ်မွဲဍုၚ် ဒးဒုၚ်ဘပဠလဝ်ဂးတုဲ ဖိလေတ်ပိုၚ် ဂလိုၚ်ပတိုန်အာ ဇြဟတ်ညးတအ် ပ္ဍဲက္ၜဳကြုက်သၠုၚ်ကျာရောၚ်ဂှ် ဂွံတီကေတ်ရ။
ပ္ဍဲက္ၜဳကြုက်သၠုၚ်ကျာ ပ္ဍဲဂအုံတ္ကအ် သပရေတ်တလဳ မဒှ်တ္ကအ်အဓိကဂှ် ဒပ်ပၞာန်ကြုက် ကလေၚ်သီကေတ်ဒၟံၚ် တိဍာ်ဗွဲမဂၠိုၚ်ဂၠေၚ်ရဂှ် ကြဴနူကဵုမဳဒဳယာဂမၠိုၚ် ဓမံက်ထ္ၜးပ္တိုန်တုဲ ပ္ဍဲအကြာမွဲၜါတ္ၚဲဂှ် ပရိုၚ်သၠဲပတိတ်ဇြဟတ်ပၞာန်ဂှ် မံက်တိတ်ကၠုၚ်ရ။
“ပရေၚ်လောန်ၜက်လုပ် ပ္ဍဲက္ၜဳဖိလေတ်ပိုၚ်ပလိုတ် ဟွံသေၚ်တှ်ေ ပရေၚ်ကလေၚ်ဖျေံဒၞာဲ အစဳဇန်ဂှ် ဒှ်ပရေၚ်ဘပဠဒၟံၚ် ပရေၚ်ဂီုကၠီုပိုဲရ” ဂှ် ဌာနဝန်ဇၞော်ပရေၚ်စဵုဒၞာ ဖိလေတ်ပိုၚ် ဟီုသ္ဂးလဝ်ရ။
မၚ်ရံၚ်ဒၟံၚ် ပရေၚ်ချဳဒရာၚ်ကြုက် ဗ္ဒာဲကရပ်တ္တအ်ပါဂါဇြာတုဲ ပ္ဍဲက္ၜဳဖိလေတ်ပိုၚ်ပလိုတ်ဂှ် သွက်ပရေၚ်ဂီုကၠီုကၟိန်ဍုၚ် ဇြဟတ် ဂွံခိုဟ်တိုန်ကၠုၚ်ဂှ် ဌာနပရေၚ်စဵုဒၞာ ကဵုကၠုၚ်လဝ်တၚ်စၞောန် ကုဒပ်ရပ်လွဟ်ဂမၠိုၚ်တအ်ရ။
က္ၜဳကြုက်သၠုၚ်ကျာ မပေၚ်ကၟိုဟ်ဒၟံၚ် နသယံဇာတဂှ် ကြုက်ပ္တိတ်ကေတ်ဒၟံၚ် ကရပ်သီုဖအိုတ်တုဲ ပရေၚ်ကူသာန်ဗၞိက် ဇၟာပ်သၞာံ သြန်ဒဝ်ဠာ အပံၚ်ထရဳလဳယျာန် ဗွဲမဂၠိုၚ် တတ်အာကၠုၚ်ဒၟံၚ်ရဂှ် ဂွံတီကေတ်လဝ်ရ။
ပ္ဍဲကဵုသၞာံတုဲကၠုၚ်ဂမၠိုၚ်ဂှ်လေဝ် သွက်ဂွံသိုၚ်ခၞံ စမြိုၚ်ဆေၚ်စပ်ကဵုပၞာန် ကေုာံသၞေဟ်က္ၜၚ်ကျာတအ်တုဲ ကြုက်ခၞံဗဒှ်လဝ် တ္ကအ်ပတောံဂမၠိုၚ်ဏီရ။
သၞာဲဒဴအမေရိကာန်ဂမၠိုၚ် နိဿဲကဵုဗီုဓာတ် နူဂြိုဟ်ပတောံတုဲ ပ္ဍဲဇိုၚ်ဂကောံဗွဝ်တ္ကအ်အဓိကတအ်ဂှ် ဗီုပြၚ်ဒက်ပ္တန်တိကုန်တၟိဂမၠိုၚ် မံက်တိုန်ကၠုၚ်ဒၟံၚ်ရဂှ် Bloomberg မဳဒဳယာ ဓမံက်ထ္ၜးလဝ်ရ။
ဌာနဝန်ဇၞော်ပရေၚ်ဍုၚ်သ္အာၚ်ကြုက်ဂှ်မ္ဂး လိက်ဒုၚ်စဳရေၚ်ဏံဂှ် ဟၟဲကဵုတမ်ရိုဟ်သက်က်ရ ဂးတုဲ ဟီုဂးတးပါဲကၠုၚ်လဝ်ရ။
ဖိလေတ်ပိုၚ်ဂှ် စောတ်စောဲဒၟံၚ် ဒဒှ်ရ ဒပ်မၚ်ပြၚ်က္ၜဳ ကေုာံဒပ်ဍာ်ညးဍုၚ်ကွာန်ကြုက်တအ်ဂှ် ပလာပ်ပထုဲဗတိုက်ဒၟံၚ် ဂၠုၚ်ရပ်ကကီု သီုဂၠုၚ်တၞဟ်သ္အာၚ် ပ္ဍဲဒေသဂှ် ဂၠိုၚ်ၚ်ကဵုဝါရ။
ပ္ဍဲဂိတုနဝ်ဝေမ်ဗာ တုဲကၠုၚ်ဏံဂှ် က္ၜၚ်မၚ်မွဲပြၚ်က္ၜဳကြုက် မွဲဖ္ဍိုက်ဂှ် ကလေၚ်သီထိၚ်ဒဝ်လဝ် ကမ်လှောဝ်ကြုက်လီုလာ်ဒၟံၚ် ပ္ဍဲက္ၜၚ်ဒပ်ဍာ်ဖိလေတ်ပိုၚ်တုဲဂှ် ပတိုန်လဝ်ပရေၚ်ဒစဵုဒစး ပ္ဍဲပရေၚ်ကလုတ်တမာန် ပ္ဍဲမနဳလာ မွဲတန်ရ။
ပ္ဍဲပရေၚ်ပ္ညဳပ္ညပ် ဍုက်ကေဝ်တုဲဂှ် ပြံၚ်စၠောံကဵုလဝ် ကပေါတ်လီုလာ်ရဂှ် ရုၚ်ကလုတ်ကြုက်မၞုံ ပ္ဍဲမနဳလာဂှ် ဟီုသ္ဂးလဝ်တုဲ ဟီုတးပါဲလဝ် ပရေၚ်သုၚ်စောဲကၠုၚ် ဇြဟတ်ဂှ်ရ။
သမ္မတဖိလေတ်ပိုၚ် ဖာဒဳနာန်မာကိုစ်ဂှ် နဒဒှ်ဒစဵုဒစးကဵုသမ္မတတြေံ ရိုဝ်ဒရဳဂိုဝ် ဒူတာတေတုဲ ဟွံကဵုအခေါၚ်အရာ ဖျေံသ္ဇိုၚ်ဆေၚ်ရာကဵု ကဵုပယျဵုဒၞက်ဍာ်ကြုက်ရဂှ် ဟဟီုသ္ဂးလဝ် ဗွဲမပိုတ်သ္ကုတ်ရ။
Ref: Alarabiya