လဂုၚ် – ဒဳဇြေမ်ဗာ(၂၅)
ရးဇၞော်လဂုၚ် ပွိုၚ်ဍုၚ်တာမွဲ ပ္ဍဲပေါဲဂၠံၚ်နိဂြောဓ ပရေၚ်ဗုမ်ခတိုဟ်က္တဵုဒှ်လဝ်တုဲ မၞိဟ် (၂)တၠ ဇီုကပိုက်က္လိဂွံလဝ်ဝပ်ရဂှ် ညးဆဵုဂဗ နမတ်မွဲတၠ ဟီုကဵု ဌာန်ပရိုၚ်သြၚ်လောန်တိုၚ်(မ်)ရ။
ပ္ဍဲပရေၚ်ပရောဂှ် ပ္ဍဲဂိတုဒဳဇြေမ်ဗာ စၟတ်တ္ၚဲ(၂၃) အခိၚ်ဗ္တံ ၜိုတ် (၈)နာဍဳကဝက် တ္ၚဲဏံ က္တဵုဒှ်လဝ်တုဲ ပရေၚ်ဒးချိုတ်လဝ် ဟၟဲရောၚ်ဂှ် ဂွံတီကေတ်ရ။
“မၞိဟ်(၂)တၠ ဇီုကပိုက်ဒးလဝ်ရ။ ဒှ်အာပ္ဍဲမတ်ဟဂှ်ရ၊ ချိုတ်ဂှ်ဟွံချိုတ်ပုဟ်” ဂှ် ညးဆဵုဂဗ နမတ်မွဲတၠ ဟီုသ္ဂးလဝ်ရ။
ညးဇီုကပိုက်ဒးလဝ်ဝပ်ဂှ် ဒှ်ညးဒုၚ်ဒၟံၚ်ဒါန်တအ်ရောၚ် ၜိုန်ဟီုဂးဒၟံၚ်အိုတ်ကီုလေဝ် နကဵုအလဵုဌာန်ပရိုၚ်သြၚ်လောန်တိုၚ်(မ်) သ္ပဒ္တန်တၞဟ်ခြာ ဟွံဂွံလဝ်ရ။
စပ်ကဵု ပရေၚ်ဖံက်ခတိုဟ်ဏံတုဲ နူဂကောံလဵုကၠောန်သ္ပလဝ်ဟီုဂှ် လလောၚ်တြးပ္တိတ်ကၠုၚ်လဝ် ဟၟဲဏီကီု ပျူသဝ်ထဳ သၟဝ်တဲကံၚ်ဇြဳပၞာန် ကၠောန်သ္ပလဝ်ဒှ်မာန်ဏောၚ်ဂှ် ညးဒေသဂမၠိုၚ် ဟီုသ္ဂးလဝ်ရ။
အခိၚ်လၟုဟ်ဏံမ္ဂး ဂကောံရီုဗၚ်ပရေၚ်မၞိဟ်ဂမၠိုၚ် ပလံၚ်ဗစိုပ်လဝ် ညးက္လိဂွံလဝ်ဘဲဝပ်တအ် ပ္ဍဲရုၚ်ဂဥုဲဇၞော်လဂုၚ်ရဂှ် ဂွံတီကေတ်ရ။
ပရိုၚ် – သြၚ်လောန်တိုၚ်(မ်)
ဗီုဓာတ် – CJ