နေပျဳတဝ် – ဒဳဇြေမ်ဗာ(၂၈)
ကြဴနူ ဒပ်ပၞာန်သီအဝဵုတုဲ သမ္မတဥူဝေန်မျေတ် ကေုာံ ဒဝ်အံၚ်သာန်သုကျဳ မဒှ်ညးကဵုကသပ်ကၟိန်ဍုၚ် ဒးဒုၚ်စောဲလဝ် ဂဗုတ်အဂတိတအ်ဂှ် ပ္ဍဲအခိၚ်ချိၚ်ဖာပ်ရုၚ် ကၠုၚ်စိုပ်ဂတဏံ ဖျေံအာအသံပၟိၚ်လအိတ်ရောၚ်ဂှ် ညးစုက်လုက်ကဵု ရုၚ်သၞောဝ်ဓဝ်ဂမၠိုၚ် ဟီုကဵု ဌာန်ပရိုၚ်သြၚ်လောန်တိုၚ်(မ်)ရ။
စပ်ကဵုကိစ္စရာန်လဝ်က္ၜၚ်ကျာသၞေၚ်ဝဲ သွက်ဂွံကၠောန် ပရေၚ်ရီုဗၚ်ဟံၚ်ပြာ် နကဵုသြန်ဂအုံ ဗော်ဒုၚ်ကာစဳမာန်ဖန်ဇန် ဆေၚ်ရာကဵု အန္တရာယ်သဘာဝကောန်ဂကူ ပ္ဍဲလက်ထက်အလဵုအသဳ NLD ဂှ်တုဲ ကံၚ်ဇြဳုပၞာန်စောဲလဝ်ဂဗုတ် နကဵုသၞောဝ်ဥပဒေ ဗတိုက်သရိုဟ်ပရေၚ်ဗက်စအဂတိ ၝောံပိုဒ် ၅၅ ရ။
ပ္ဍဲကဵုဂဗုတ်ဂမၠိုၚ်ဂှ် သ္ပအဓိကကဵု ဥူဝေန်မျေတ် ကေုာံဒဝ်အံၚ်သာန်သုကျဳ စောဲလဝ်ဂဗုတ်တုဲ ညးတအ်ဂှ် စပ်ကဵုကိစ္စစောတ်စောဲလဝ်ဂှ်တုဲ ရေၚ်တၠုၚ်လဝ် အတိုၚ်လၟေၚ်နဲကဲ အခိုက်အလိုက်ဂှ်ရ ဒုဟ်ဒဏ်ဟၟဲပုဟ်ဂှ် တိတ်ဟီုသ္ဂးလဝ်ရ။
စပ်ကဵုတၚ်စောတ်စောဲကံၚ်ဇြဳပၞာန်တုဲ ပ္ဍဲအခိၚ်ချိၚ်ဖာပ်ရုၚ်တ္ၚဲဏံဂှ် နူသီုၜါလ္ပာ် ကဵုလဝ် တၚ်ခၠေဝ်သှ်လအိတ်တုဲ ပ္ဍဲဂိတုဒဳဇြေမ်ဗာ စၟတ်တ္ၚဲ (၃၀) ကၠုၚ်စိုပ်ဏံမ္ဂး ဖျေံအာအသံပၟိၚ်ဏောၚ်ဂှ် ရုၚ်သၞောဝ်ဓဝ်ထံၚ်စာတ်နေပျဳတဝ် ဖျေံကၠုၚ်လဝ်သ္ဂုတ်သွာတ်ရဂှ် ဂွံတီကေတ်ရ။
ပ္ဍဲဂိတုဒဳဇြေမ်ဗာ စၟတ်တ္ၚဲ (၂၁) တုဲကၠုၚ်တေံဂှ် ပ္ဍဲကံၚ်ဇြဳပရေၚ်ဂီုကၠီု ကုလသမဂ္ဂ သွက်ဂွံဗလးပ္တိတ်ကဵု ကောန်ထံၚ်ပရေၚ်ဍုၚ်ကွာန် မပါလုပ် သီုဒဝ်အံၚ်သာန်သုကျဳ မဒှ်ညးမကဵုက္သပ်ကၟိန်ဍုၚ် ကေုာံသွက်ဂွံဒေါံအာ နူပရေၚ်ဗတိုက်ပ္ကီုပရာပ် ဗွဲမပြဟ်ဂှ် ကဵုလဝ်သမ္တီ ကုကံၚ်ဇြဳပၞာန်ရ။
ပရိုၚ် – သြၚ်လောန်တိုၚ်(မ်)