မတ်မလီု – ဨဗြဴ(၁)
အလဵုအသဳပရေၚ်ညဳသၟဟ်ကောန်ဂကူ၊ နကဵုဌာနဝန်ဇၞော်ပရေၚ်စဵုဒၞာ ပ္ဍဲကဵုသြန်ဂအုမ်က္လိဂွံလဝ် နူကဵု Project DragonFly ဂှ် သုၚ်စောဲဒၟံၚ် ဒဝ်ဠာ (၁.၄) ပြကောဋိကိုတ် သွက်ဂွံစဵုဒၞာသၞကျာကီု သွက်ကဏ္ဍပရေၚ်ကလေၚ်ဗတိုက်ပၞာန်ကျာ ရန်လဝ် သွက်ဂွံသုၚ်စောဲ ဒဝ်ဠာ(၈) ပြကောဋိကိုတ်ရဂှ် ကဵုသမ္တီ လလောၚ်တြးကၠုၚ်ရ။
နူကဵု Fundraiser မွဲကဆံၚ် သွက် Project DragonFly ဂှ် က္လိဂွံလဝ် သြန်ဒဝ်ဠာ (၂.၂)ပြကောဋိကိုက်ရဂှ် ဟီုသ္ဂးလဝ်ရ။
နကဵု NUG ဇၟာပ်ပ်ညးပါလုပ်ကဵုလဝ်အရီုဗၚ်ဘိုၚ်ဗပေၚ်လဝ်ကဵုဇြဟတ် နကဵုကွတ်ပညာ၊ လညာတ်ညာဏ်၊ သြန် ပရေၚ်ပ္တိတ်လဝ်ဇြဟတ် ပ္ဍဲအစဳဇန်ပရေၚ်ဂၠာဲသြန်ဗွဝ် တၟအ်ညးအဲဂှ် သ္ပစၟတ်သမ္တီ ပ္တိုန်ဏာဂုဏ်စရာဲရဂှ် ဓမံက်ထ္ၜးလဝ် ပ္ဍဲတၚ်လလောၚ်တြးရ။
သြန်ဂအုမ် က္လိဂွံလဝ် နူ Project DragonFly ကေုာံ ပရေၚ်ချဳဒရာၚ်ပၞာန်အံၚ်ဇၞးကၠုၚ်လဝ်တအ်ဂှ် အတိုၚ်ပရေၚ်ဂီုကၠီု အခိၚ်ဗဗွဲမ္ဂး လလောၚ်တြးကဵုရောၚ်ဂှ်လေဝ် ကဵုလဝ်သမ္တီရ။
နကဵုဌာနဝန်ဇၞော်ပရေၚ်စဵုဒၞာ အလဵုအသဳ NUG ဂှ် သြန်ဂအုမ် က္လိဂွံလဝ် နူကိုန်စဳမာန် ဂၠာဲသြန်ဂအုမ် ပံၚ်တောဲရေၚ်တၠုၚ်လဝ် မွဲကရောံကဵု Fundraiser ကၟိန်ဍုၚ်နာနာတအ်ဂှ် နကဵုပရေၚ်ကေတ်လျိုၚ်၊ ပရေၚ်ဒုၚ်လျိုၚ်ပေၚ်ၚ် ဖန်ဇန်ဒၟံၚ် သၞောတ်စှ်ေစှ်ေတုဲ ပရေၚ်ဒးဒှ်အာသၟးသၟးဟၟဲ ဂွံဒုၚ်ကေတ်လဝ်တဲရဂှ်လေဝ် ဓမံက်ထ္ၜးလဝ် ပ္ဍဲတၚ်လလောၚ်တြးရ။
ညးဍုၚ်ကွာန်တအ်ကီု သီုကဵုဂကောံပၠန်ဂတးတအ် စပ်ကဵုကိစ္စ Project DragonFly တုဲ ပ္တိတ်ဒၟံၚ်တၚ်သၟာန် လ္တူ NUG မွဲခနမွဲခန နွံကၠုၚ်ဒၟံၚ်ရ။
ပရိုၚ်-သြၚ်လောန်တိုၚ်(မ်)
ဗီုရုပ် – MOD