မနဳလာ၊ ဨပရဴ (၆)
ပ္ဍဲကဵုဗလးၜဳသြၚ်သ္ၚောဲ ဗၟံက်ဍုၚ်ဖဳလေတ်ဖေန်ဂှ် ပ္ဍဲဂိတုဨပရဴ (၄) တေံ ဒဒှ်တိချဳ ဇြဟတ်မၞုံ (၆ ဒဿမ ၆) မဂ္ဂနဳကျုတ် က္တဵုဒှ်လဝ်တုဲ နူကဵုအေဂျေန်ဇြဳစပ်ကဵုကသဳတိ ကဆံၚ်ကၟိန်ဍုၚ်ဂှ် ဒးလလောၚ်ပ္တိတ်လဝ် တၚ်ကဵုသတိသူနာမဳရ။
ဒဒှ်တိချဳဇြဟတ်သ္ကာတ်ဂှ်ဝွံ ချဳဇတဝ်အာလဝ် ပ္ဍဲဗၟံက်ဗဳဂါ ၁၂၀ ကဳလောမဳတာ၊ ဒမျိုဟ် ၄၅ ကဳလောမဳတာဂှ်တုဲ အခိၚ်တိစချဳဂှ် ဇြဟတ်သ္ကာတ် နွံၜိုတ် ၆ ဒဿမ ၃ မဂ္ဂနဳကျုတ်ညိကီုဂှ် ဌာနကသဳတိဗဟဵုယူရောပ် လလောၚ်ပ္တိတ်လဝ် တၞဟ်ခြာရ။
အေန်သတဳကျုဖဳလေတ်ဖေန် စပ်ကဵုဒဵုပၟတ် ကေုာံ ကသဳတိတံဂှ် ကဵုလဝ်သမ္တီ ကုမၞိဟ်မသ္ပဒတဴဒၟံၚ် ပ္ဍဲဇိုၚ်ၜဳ မၞုံခရိုၚ်ဒေသန္တရတံ သွက်ဂွံဆုဲပြံၚ် ဒၞါဲလ္ပာ်အပ္ဍဲကုန်သ္ၚောဲသ္ၚောဲတံဂှ်တုဲ သွက်ဍာ်ဒဳလပှ်ကျာတံဂှ်လေဝ် လလောၚ်ပ္တိတ်လဝ် တၚ်ကဵုသတိတံကီုရ။
သမၠုၚ်လပှ်ဍာ်ဒဳ မလလောၚ်ပ္တိတ်လဝ် တၚ်ကဵုသတိဂှ်ဝွံ ဒှ်ဗၞတ်ဗ္ၜတ်သၠုၚ်ၚ် သွက်ကလိုဟ်ၜဳ ကေုာံ ခလံက်ဂၚ် ဟွံမွဲကဵုပၞော်ၜဳတိတ်တံရောၚ်ဂှ် သ္ဂးလဝ်ရ။
“ညအ်ဂှ် ဒှ်ဒၟံၚ်ပ္ဍဲၜဳဇၞော်တေံဏောၚ်။ သမၠုၚ်ဍာ်ၜဳ ဒှ်ပလာပ်ပထုဲညိညမာန်ဏောၚ် သွက်ဂွံစွံသတိဂှ် ပိုယ်တံ မိက်ဂွံကဵုကသပ်ရ” ဂှ် အေဂျေန်ဇြဳကသဳတိ ဍုၚ်ဖဳလေတ်ဖေန် ဟီုလဝ်ဂှ် ဂွံတီကေတ်ရ။
“နကဵုညးဍုၚ်ကွာန်တံ သွက်ဂွံစွံသတိ ကုလပှ်ဍာ် ဓမ္မတာဟွံသေၚ်တံဂှ် ကဵုကသပ်ရ။ သွက်ဂွံမံၚ် ဒၞါဲမသ္ၚောဲနူကဵုပြၚ်ၜဳဂှ်လေဝ် မိက်ဂွံကဵုကသပ်ရ” သာ်ဝွံ ဟီုဂးလဝ်တုဲ ပရေၚ်ချိုတ်ဂျိုၚ် လီုလာ်တံ ဟွံမွဲဏီပုဟ်ဂှ် အေဂျေန်ဇြဳဂှ် ဆက်ဟီုဂးလဝ်ရ။
Ref: CNA