သဓီု၊ ဨဗြဴ(၁၃)
တွဵုရးဍုၚ်မန်၊ ပွိုၚ်ဍုၚ်သဓီု ကေုာံ ပွိုၚ်ဍုၚ်ၜဳကလေၚ်ဂှ် ဂိတုဨဗြဴ စၟတ်တ္ၚဲ (၁၂) ဂှ် ဒပ်ကံၚ်ဇြဳပၞာန် လောန်ၜက်တိဍာ်တုဲ ဟိုတ်နူချဳဒရာၚ်ကၠုၚ်ဂှ်ရ ဒးဒုၚ်ဗတိုက်လဝ်တုဲ ဒးချိုတ်အာလဝ် (၆)တၠ ဒးလဝ်ဘဲဝပ် (၂ ) တၠရဂှ် ညးတာလျိုၚ် PDF ခရိုၚ်သဓီု ဟီုကဵု ဌာန်ပရိုၚ်သြၚ်လောန်တိုၚ်(မ်)ရ။
တ္ၚဲဂှ် အခိၚ်နူဂယး ၜိုတ် (၈) နာဍဳဂှ် ပွိုၚ်ဍုၚ်ၜဳကလေၚ်၊ ဒပ်ကံၚ်ဇြဳပၞာန် သွက်ဂွံဖျေံကၚ် ပ္ဍဲဗ္ဒာဲဘာလကျာ် ကွာန်အလူလေဝ်ဂှ် ဒပ်ပံၚ်ကောံ ဒပ်ပၞာန်ဗၠးၜးကောန်ဂကူကရေၚ် KNLA ကြတ်ဗတိုက်လဝ်ရ။
ဟိုတ်နူကြတ်ဗတိုက်လဝ်တုဲ ပရေၚ်ပန်ညးသ္ကအ် က္တဵုဒှ်လဝ် ဗ္ဒာဲကဝက်နာဍဳတုဲ လ္ပာ်ကံၚ်ဇြဳပၞာန် (၆) တၠ ဒးချိုတ်လဝ်တုဲ ဒးလဝ်ဘဲဝပ် (၂) တၠရဂှ် ဂွံတီကေတ်ရ။
ဒပ်ကံၚ်ဇြဳပၞာန် ဒးဂိလဝ် ပ္ဍဲပေါဲဗတိုက်ၜါလ္ပာ်ဂှ် စံၚ်ပလီုဏာ သ္ၚိဒၟံၚ်ညးဒေသ မၞုံကွာန်အလူလေဝ် (၃)မရဂှ် သ္ဂးလဝ်ရ။
မွဲအဆက်ဓဝ် ဂိတုဒဳဇြေမ်ဗာ စၟတ်တ္ၚဲ (၁၂) အခိၚ်နူဂယးဂှ်လေဝ် ပွိုၚ်ဍုၚ်သဓီု၊ အကြာကွာန်ပုၚ်နေဝ်တဝ် ကဵုကွာန်ညံၚ်ကုမ်ဂှ် ဒပ်ကံၚ်ဇြဳပၞာန် လောန်ၜက်ကၠုၚ်တိဍာ်တုဲ လုပ်စိုပ်ကၠုၚ်လဝ်ဂှ် ဒပ်ပံၚ်ကောံ KNLA တံၚ်ခတိုဟ်လဝ်မာၚ်ရ။
တဆက်တည်း ဒီဇင်ဘာ(၁၂)နေ့ မနက်ပိုင်းမှာလည်း သထုံမြို့နယ်၊ ပိန္နဲတောကျေးရွာနဲ့ညောင်ကုန်း ကျေးရွာ အကြားမှာ နယ်မြေကျော်ဝင်ရောက်လာတဲ့ စစ်ကောင်စီတပ်ကို KNLA ပူးပေါင်းတပ်က မိုင်းဆွဲတိုက်ခိုက်ခဲ့တာ ပါ။
ပ္ဍဲပေါဲဗတိုက်ဏံ လ္ပာ်ကံၚ်ဇဳုပၞာန် ၜိုန်ရပရေၚ်ဇီုကပိုက်ချိုတ်လဝ် နွံဒၟံၚ်ကီုလေဝ် ဃောဆက်ဂၠိုက်ဂၠာဲဒၟံၚ် တၚ်ဂၞၚ်သောဲသောဲဗြောဲဗြောဲ ပ္ဍဲဗလးမုက်တိရဂှ် ညးတာလျိုၚ် PDF ခရိုၚ်သဓီု ကိုဝ်အေမေန် ဟီုသ္ဂးလဝ်ရ။
ဟိုတ်နူပေါဲဗတိုက်သဓီု ကေုာံ ၜဳကလေၚ်တုဲ ညးဒေသဗ္ဒာဲ (၁၀၀၀) တၠ နူကွာန် (၅)ကွာန်တအ် ဒးဂြိပ်ဒဴပါဲဓလေတ်ဒၟံၚ် ပ္ဍဲဂြိုပ်ဒဵု ကေုာံဒၞာဲဌာန်ဗၠးဘဲတအ်ရဂှ် ညးဒေသတအ် ဟီုသ္ဂးလဝ်ရ။
အခိၚ်လၟုဟ်ဏံဂှ် ဒပ်ကံၚ်ဇြဳပၞာန် ဒးဒုၚ်ကြတ်ဗတိုက်လဝ်ဂှ် လုပ်ဖျေံလဝ်ဗ္ဒပ် ပ္ဍဲကွာန်တုဲ ဟိုတ်နူချဳဒရာၚ်ဒၟံၚ်ပၞာန်ဂှ်ရ အကာဲအရာပၞာန် သာကြံၚ်မ္ၚိုဟ်ကၠုၚ်ဒၟံၚ်ရဂှ် ဂွံတီကေတ် နူဂကောံဇြဟတ်ပရေၚ်ပၠန်ဂတး ဗလးမုက်တိရ။
ပရိုၚ်-သြၚ်လောန်တိုၚ်(မ်)
ဗီုရုပ် – CJ