ဟဏဳ၊ ဨပရဴ (၁၂)
ပရူပရာ မသ္ကဵုဒှ်တဴဂျိ စပ်ကဵုစိုတ်တံပါလုပ်တုဲ ဟိုတ်နူသ္ကဵုဒှ်တဴ ပရေၚ်ဘပဠ ကုယေန်သၞာၚ်အခိုက်ကၞာ၊ သၟတ် ပ္ဍဲဍုၚ်တံဂှ်တုဲ ကမၠောန် Tik Tok မၞုံအပ္ဍဲဍုၚ် မဂေတ်ဂြိပ်ဒၟံၚ်အိုဿီုတံဂှ် စနူဂိတုမေတုဲ ဂၠိုက်ဂၠါဲစၟဳစၟတ်အာရောၚ် ဌာနဝန်ဇၞော်တၚ်နၚ်ပရိုၚ် ဍုၚ်ဝေဒ်နာမ် ဟီုဂးလဝ်ရ။
ပရူပရာ မပါလုပ် ပ္ဍဲအပလဳကေယှေန်ကြုက်ပိုၚ် Tik Tok တံဂှ်ဝွံ လ္တူနူကဵုသဵုယှေဝ်မဳဒဳယာ တၞဟ်ဟ်တံဂှ် ဒးထိၚ်ဒက်ဝါတ်ဂါတ်ဒၟံၚ်ရောၚ် လေကောန်ဒူဇြိုဝ် ညးစၞးဌာနဝန်ဇၞော် မဆေၚ်စပ်ဂှ် ဟီုရ။
သ္အာၚ်နူဂှ်ပၠန် ညးစၞးဂှ်ဂှ် “နကဵုပိုယ်တံ သွက်ဂွံထိၚ်ဒက် content တံဂှ်ဟီုတှ်ေ ဆၜိုတ်တးပါဲထောံသၟးဓဝ်ဟွံတုဲ နွံပၟိက်ကၠုၚ် ဒဵုကဵုဗၞတ်ဗ္ၜတ် မသာသ္ကာတ်မြဟ်တံဂှ်ယျ” သာ်ဝွံ ဆက်ဟီုဂးလဝ်ရ။
အတိုၚ်တၚ်နၚ် ကမ္ပဏဳသုတေသန Data Reportal တံဂှ်မ္ဂး မၞိဟ်မရပ်စပ်စကာ Tik Tok, ByteDance ပိုင် အပ္ဍဲဍုၚ်ဝေဒ်နာမ်ဂှ် နွံဒၟံၚ်စဵုကဵု (၅၀) မဳလျာန် ဂွံတီကေတ်ရ။
အတိုၚ်တၚ်နၚ် ကမ္ပဏဳ Tik Tok တံဂှ်မ္ဂး ပ္ဍဲကဵုစတုတ္ထ ပိသတ္တာဟ သၞာံ ၂၀၂၂ ဂှ် ပလီုထောံလဝ် ဗဳဒဳယောသ္ကုတ် (၁ ဒဿမ ၇) မဳလျာန်ပြၚ်ဂှ်လေဝ် ဂွံတီကေတ်ရ။
ပ္ဍဲကဵုဝေဒ်နာမ် မဒှ်ဍုၚ်အာယှဒိုဟ်အဂၞဲဂှ် သီပလီုကၠေံ Tik Tok မာန်ဟာသၟာန်ဂှ် ညးစၞးမေဿတာဒိုဝ်ဂှ် ကုပူဂဵုလဵုဟွံဟီု မဟွံဒ္ဂေတ်ဗက် စေဝ်ပၞောန်အပ္ဍဲဒေသတံဂှ် ဒုၚ်အာတဲဟွံသေၚ်ပုဟ် သာ်ဝွံ သှ်ကဵုလဝ်ရ။
ဌာနဝန်ဇၞော်တၚ်နၚ်ပရိုၚ်ဝေဒ်နာမ်ဂှ် Tik Tok ဝွံ ဟိုတ်နူဒှ်ဒၟံၚ်ပလာတ်ဝှမ် မဂေတ်ဂြိပ်ဒၟံၚ် နကဵုရုၚ်မၞုံဒၟံၚ်အပ္ဍဲဍုၚ်တံဂှ်ဟေၚ်ဂှ်ရ ဒှ်ကမ္ပဏဳ မဒးဒုၚ်စၟဳစၟတ်မွဲဓဝ်ရောၚ်ဂှ် ဟီုဂးလဝ်ရ။
Ref: REUTERS