ယူကရုၚ်ကလိဂွံ အရီုဗၚ်ပရေၚ်ပၞာန် ၚုဟ်မးမၞုံ ဒဝ်ဠာအမေရိကာန် ၁ ဒဿမ ၆၈ ဗဳလျာန်

ကိယျေပ်၊ ဂျူလာၚ် (၁၅)

အပ္ဍဲသတ္တာဟဏံ အခိၚ်ကိယျေပ်တိုန်စိုပ် ကောံဓရီုကဆံၚ်လ္တူနေတိုဝ်ဂှ် ဍုၚ်သ္အာၚ် မဒှ်ဍုၚ်အဖဝ်မိတ်ဂမၠိုၚ် သွက်ဍုၚ်ယူကရုၚ်ဂှ် ဒဒှ်ရကလိဂွံလဝ် အရီုဗၚ်ပရေၚ်ပၞာန် (၁ ဒဿမ ၆၈) ဗဳလျာန်ဂှ် ဝန်ဇၞော်ကာစဵုဒၞါဂှ် ဟီုလဝ် ပ္ဍဲဂိတုဂျူလာၚ် (၁၃) တေံရ။

ပ္ဍဲကဵုပေါဲကောံဓရီုကဆံၚ်လ္တူ မကၠောန်ဗဒှ်လဝ် ပ္ဍဲကဵုဍုၚ်လေတ်တူနဳယျာ ပ္ဍဲတ္ၚဲအၚာကဵု တ္ၚဲဗုဒ္ဓဝါတေံတုဲဂှ် “ကောံဓရီုမၞုံ ဗေနဳရာသ်တံဝွံ ဒှ်ဖဵုဗွဲမလောန်ရောၚ်” သာ်ဝွံ ဝန်ဇၞော်ဂှ် ချူပ္တိုန်လဝ် လ္တူမုက်လိက်တွေတ်တာညးရ။

ယူကရုၚ်ဂှ် ဒဒှ်ရကလိဂွံအာ အရီုဗၚ်ပရေၚ်ပၞာန် နူကဵုအဖဝ်မိတ်ဍုၚ်သ္အာၚ်ဍေံ ယူရိုဝ် ၁ ဿမ ၅ ဗဳလျာန်ဏောၚ်ဂှ် ညးချူပ္တိုန်လဝ်ရ။

ပ္ဍဲကဵုမုက်လိက်တွေတ်တာ ဝန်ဇၞော်ကာစဵုဒၞါဂှ် ပ္ဍဲကဵုဗေနဳရာသ် ဒၞါဲသမ္မတယူကရုၚ် ဗလာဒဳမာ ဇြဳလာန်သကဳ ဆဵုဂဗလဝ်ကဵု က္ဍိုပ်သ္ကိုပ်ဍုၚ်သ္အာၚ်တံ အဆက်က်ဂှ် ထ္မံက်ထ္ၜးလဝ် သီုကဵုစရၚ် ဍုၚ်ထပှ်ဍုၚ် မကဵုအာ အရီုဗၚ်စပ်ကဵုပရေၚ်ပၞာန်တံဂှ်ရ။

ပ္ဍဲကဵုဍုၚ်တံဏံဂမၠိုၚ် ပ္ဍဲကဵု package ပရေၚ်ထံက်ပၚ် နူကဵုဂျာမနဳကဵုအာ (၇၀၀) ပြကောဋိကိုဋ် ယူရိုဝ်ဂှ် ကွဳစၚ်ခြပ်ပသဲ Leopard 1A5 ၂၅ မ ပါလုပ်ဂှ် ဂွံတီကေတ်ရ။ အရီုဗၚ်အထံၚ်အပၚ် နူကဵုပြၚ်သေတ်၊ ဗျိတိၚ်၊ နေဝ်တာလာန်၊ ကနေဒါ၊ နဝ်ဝေ ကေုာံ အဝ်သတြေလျ မဒှ်ဂကောံနေတိုဝ်ဟွံသေၚ်တံဂှ်လေဝ် ညးဟီုထိုၚ်သးလဝ်ကီုရ။

အနာဂတ်ယူကရုၚ် ရုယှာ မသၠိုၚ်လုပ်ၜက်ၜေတ်လဝ်ဂှ်ဝွံ စိုပ်မွဲအခိၚ်မ္ဂး ပါလုပ် ပ္ဍဲကဵုဂကောံမဟာမိတ်ပၞာန်ထေက်ဂှ် က္ဍိုပ်သ္ကိုပ်နေတိုဝ်တံ ဟီုဂးလဝ် ပ္ဍဲကဵုကောံဓရီုကဆံၚ်လ္တူ နေတိုဝ်ရ။

ညးတံဝွံ သ္ပလဝ်ကတိ ဒဒှ်ရကဵုအာယူကရုၚ် အရီုဗၚ်စပ်ကဵုပရေၚ်ပၞာန်တံကဵု အရီုဗၚ်အထံက်ပၚ်ဟွံပြၚ်လှာဲတံရောၚ် မဒှ်ရ။

Ref: CNA