ကံၚ်ဇြဳပၞာန် ဗ္တိုက်ထောံမခတိုဟ် ကုကာန်ပက်လက် နကဵုက္ၜၚ်ကျာ

ကာန်ပက်လက်၊ ဂျူလာၚ် (၁၉)

ဒပ်ကံၚ်ဇြဳပၞာန် ဗ္တိုက်ဂြာတ်လဝ်မခတိုဟ် ကွာန်မသာတွဳ ဗ္ဒါဲဒၞါဲပေါဲဗ္တိုက်က္တဵုဒှ်ဒၟံၚ် နူကဵုပွိုၚ်ဍုၚ်ကာန်ပက်လက်၊ တွဵုရးချေၚ်တံ နကဵုက္ၜၚ်ကျာဂှ် CDF ကာန်ပက်လက် လလောၚ်ပ္တိတ်လဝ်ပရိုၚ်ရ။

ပ္ဍဲဂိတုဂျူလာၚ် (၁၈) ၜိုတ်အခိၚ်နူဂယး (၁၁) နာဍဳဂှ် ဒပ်ကံၚ်ဇြဳပၞာန် ဟိုတ်နူဗ္တိုက်ဂြာတ်လဝ်မခတိုဟ် ကုကွာန်မသာတွဳဂှ်ရ သ္ၚိညးဍုၚ်ကွာန်ပိုၚ်တံကဵု ဘာကျာ်တံ ဇီုကပိုက်လီုလာ်အာလဝ်ရ။

ဟိုတ်နူပရေၚ်ဗ္တိုက်ဂြာတ်ဗုမ် ဒပ်ကံၚ်ဇြဳပၞာန်တံဂှ်တုဲ သ္ၚိမၞိဟ်ဒၟံၚ် ကေုာံ ဘာကျာ်တံ ဇီုကပိုက်လီုလာ်အာကီုလေဝ် ညးဍုၚ်ကွာန်တံ ဇီုကပိုက်ဒးဟွံမွဲပုဟ်ဂှ် သ္ဂးလဝ်ရ။

ပ္ဍဲကဵုဍုၚ်ကာန်ပက်လက်ဂှ် ဟိုတ်နူကံၚ်ဇြဳပၞာန်ကဵု ဂကောံဇြဟတ်ပၠန်ဂတးဒေသတံ ပေါဲဗ္တိုက်သ္ကာတ်မြဟ်ဒၟံၚ်ဂှ်ရ ညးဍုၚ်ကွာန်ပါဲဒဴဘဲပၞာန်တံ ဒးဂြိပ်ဒဴပါဲဒလေတ်ဒၟံၚ် ဒၞါဲဗၠးဘဲတံရောၚ်ဂှ် ဂွံတီကေတ်ရ။

စပ်ကဵုအကာဲအရာပေါဗ္တိုက်ဗလးတိလၟုဟ်တုဲ နူကဵုသြၚ်လောန်တိုၚ်(မ်) ၜိုန်ရဂ္စါန်ဆက်စၠောံလဝ် ဂကောံ CDF ကာန်ပက်လက်ကီုလေဝ် ဟွံဂွံအဆက်ဏီဖိုဟ်ရ။

ကြဴနူဒပ်ပၞာန်သီအဝဵု ဍုၚ်ဗၟာတုဲဂှ် တွဵုရးချေၚ်ဝွံ ဒှ်ဒေသ ဇြဟတ်ပၞာန်ပၠန်ဂတးခိုဟ်မွဲတုဲ သီုကဵုဒှ်ဒေသ လ္ပာ်ကံၚ်ဇြဳပၞာန်တံ ဒးဒုၚ်ထ္ပက်ပၞာန် သ္ကာတ်မြဟ်အိုတ်မွဲရ။

ပရိုၚ်−သြၚ်လောန်တိုၚ်(မ်)

ဗီု− Khonu Battalion