သၞာဲဒဴဌာနပရေၚ်တဵုလွဳ ပွိုၚ်ဍုၚ်လံၚ်လုၚ်မွဲတၠ ဒးဒုၚ်ပန်တုဲ ချိုတ်အာ

လံၚ်လုၚ်၊ ဂျူလာၚ်(၂၃)

ရးဒေသဇၞော်တၞၚ်သြဳ၊ ခရိုၚ်ထဝါဲ၊ ပွိုၚ်ဍုၚ်လံၚ်လုၚ် ဒုသ္ကိုပ်က္ဍိုက်က္ဍိုပ် ဌာက္ဍိုက်က္ဍိုပ်ပရေၚ်တဵုလွဳ ပွိုၚ်ဍုၚ်လံၚ်လုၚ် ဥူတုၚ်ဥူဂှ် ပ္ဍဲဂိတုဂျူလာၚ် စၟတ်တ္ၚဲ (၂၁)အခိၚ်ဗ္တံဂှ် ဟိုတ်နူဒးဒုၚ်ပန်ကဵုလွဟ်တုဲ ချိုတ်အာရဂှ် ညးဒေသတအ် ဟီုကဵု ဌာန်ပရိုၚ်သြၚ်တိုၚ်(မ်)ရ။

ဥူတုၚ်ဥူ သၞာဲဒဴပရေၚ်တဵုလွဳ ဂွံအာယုက် ၅၃ သၞာံဂှ် ပ္ဍဲကဵုဝၚ်ရုၚ်ပရေၚ်တဵုလွဳ အခိၚ်နွံဒၟံၚ် မွဲကရောံကဵုဂကောံသ္ၚိကၟိန်ညး ဂကောံရပ်လွဟ်မွဲဂကောံ ရပ်ကော်ဏာတုဲဂှ် ပန်ဂစိုတ်လဝ် ပ္ဍဲလကြဴကၠအ်သ္ၚိဂှ် ကဵုလွဟ်ရ။

ဟိုတ်နူဒးဒုၚ်ပန်ကဵုလွဟ်တုဲ ဥူတုၚ်ဥူဒးလဝ်ဘဲဝပ်မကမ် ပ္ဍဲကၞေၚ်ထောၚ်ကၠိုဟ်အာတုဲ ပ္ဍဲဒၞာဲက္တဵုဒှ်ပရေၚ်ပရောရဂှ်ဟေၚ် ဒးချိုတ်လဝ်ရဂှ် ဂွံတီကေတ်ရ။

ဥူတုၚ်ဥူ ညးမဒှ်ဒုသ္ကိုပ်က္ဍိုက်က္ဍိုပ်ဌာပရေၚ်တဵုလွဳ ပွိုၚ်ဍုၚ်လံၚ်လုၚ်ဂှ် ဒပ်ပရေၚ်စဵုဒၞာညးဍုၚ်ကွာန်ပွိုၚ်ဍုၚ်လံၚ်လုၚ် LLPDF ပသောၚ်သ္အးလဝ်ရဂှ် ပ္ဍဲဂိတုဂျူလာၚ် စၟတ်တ္ၚဲ (၂၂) ဂှ် လလောၚ်တြးလဝ်ရ။

LLPDF ဂှ် ဥူတုၚ်ဥူဏံ ပါလုပ်ဒၟံၚ် ပ္ဍဲပရေၚ်စၟဳစၟတ်ညးဍုၚ်ကွာန်အာတရဴ၊ ကံက်ကေတ်ဒၟံၚ်သြန် မွဲကရောံကဵု ကံၚ်ဇြဳပၞာန်၊ ပျူသဝ်ထဳတအ် ပ္ဍဲလ္တူဂၠံၚ်ဇၞော်ကီု၊ ကဵုလဝ်သတိ သွက်ဂွံဒေါံဇူ ပရေၚ်ကံက်ကေတ်ဒၟံၚ်သြန် မွဲကရောံကဵုကံၚ်ဇြဳပၞာန် ပ္ဍဲသၞေဟ်ကၚ်ဒဵုဗလဲ မၞုံပ္ဍဲဂၠံၚ်ကွဳစက် ထဝါဲ – လဂုၚ်တုဲရဂှ် ဟီုသ္ဂးလဝ်ရ။

ဆ္ဂးဟိုတ်နူဥူတုၚ်ဥူ ဟွံဒေါံဇူကမၠောန်ပြဝဂှ်တုဲ ဆက်ကၠောန်ဒၟံၚ်ဂှ်ရ ပသောၚ်သ္အးလဝ်ရဂှ် ဓမံက်လဝ် ပ္ဍဲတၚ်လ​လောၚ်တြး ဒပ်စဵုဒၞာညးဍုၚ်ကွာန် ပွိုၚ်ဍုၚ်လံၚ်လုၚ် LLPDF ရ။

ရးဒေသတၞၚ်သြဳဂှ် ပ္ဍဲဂိတုဂျောန် တုဲကၠုၚ်ဏံ ဟိုတ်နူပဋိပက္ခရပ်လွဟ်တုဲ ကောန်အရာပ် (၂၃) တၠဒးဒုၚ်ဂစိုတ်လဝ်ရဂှ် ဂကောံသုတေသန ပ္ဍဲဒေသဂှ် လလောၚ်တြးလဝ်ရ။

ပရိုၚ်-သြၚ်လောန်တိုၚ်(မ်)

ဗီုရုပ်-LLPDF