ဒးပ္တိုန်သေန်သာ သွက်အခေါၚ်တက်ရုပ်ဒမျိုၚ်တံရောၚ်ဂှ် ကံၚ်ဇြဳပၞာန် စၞောန်ပ္ညုၚ်

လ္ဂုၚ်၊ ဂျူလာၚ် (၂၃)

ပပ္တံနူဂိတုအဝ်ဂါတ် စၟတ်တ္ၚဲ (၁) ကၠုၚ်စိုပ်ဏံတုဲ တက်ရုပ်ဒမျိုၚ်မ္ဂး ကၠာဂွိုအ်စတက်ဂှ် ဒးပ္တိုန်ထ္ၜးကဵု သတ်ဇာတ်ဗွဲခမၞောန် ကေုာံ လၟေၚ်ဇာတ်တံ ဇရေၚ်ဂကောံသေန်သာဗဳဒဳယောတံရောၚ်ဂှ် ပ္ဍဲဂိတုဂျူလာၚ် (၂၁) တေံ ဂကောံရုပ်ဒမျိုၚ် သၟဝ်တဲကံၚ်ဇြဳပၞာန်တံ လလောၚ်ပ္တိတ်လဝ်ပရိုၚ်ရ။

ကမၠောန်ပရေၚ်ကၠောန်ပ္တိတ်တံကဵု ညးကၠောန်ကမၠောန် ရုပ်ရမျာၚ်တံဂှ် ပ္ဍဲကဵုသတ်ဇာတ်ဇမၠိၚ် မတက်အာဂတဏံတံဂှ် ဒးအာတ်အခေါၚ်ရောၚ် သ္ဂးလဝ်ရ။

“ကၠာတေံဂှ် ရုပ်ဒမျိုၚ် ထ္ၜးပ္ဍဲရုၚ်တံရ ဒးပ္တိုန်သတ်ဇာတ်၊ လၟုဟ်ဂှ် ဒးပ္တိုန်သီုသတ်ဇာတ်ဂၠိၚ်ၚ်တံဏောၚ်၊ သတ်ဇာတ်ဂၠေံဂၠေံတံကဵု ဗဳဒဳယောတံဂှ် ဂွိုအ်ကဵုပ္တိုန်ဏီပုဟ်” သာ်ဝွံ ညးတာလျိုၚ် နူကဵုကမၠောန်ကၠောန်ပ္တိတ်ရုပ်ဒမျိုၚ်မွဲတၠ ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။

ပြဟ်ဟ်ဏံ ပ္ဍဲဍုၚ်ဗၟာဏံဂှ် တက်ကၠုၚ် သတ်ဇာတ်ဂၠိၚ်ၚ်တံ ဂၠိုၚ်ကၠုၚ်တုဲ သြန်လုပ်လေဝ် ခိုဟ်ကၠုၚ်ဂှ် ညးဟီုလဴထ္ၜးလဝ်ရ။

နကဵုညးမတက်ရုပ်ဒမျိုၚ်ဂမၠိုၚ် ကၠာဂွိုအ်စကမၠောန်ဂှ် ဒးအာတ်အခေါၚ် သွက်သတ်ဇာတ်တံဏောၚ်တုဲ ယဝ်ရဂကောံသေန်သာ စၞောန်ကၠုၚ် သွက်ဂွံပလေဝ်ပလေတ်မ္ဂး ဒးကလေၚ်ပလေဝ်ကဵုဏောၚ်ဂှ် ဂွံတီကေတ်ရ။

ဒစးဒုၚ်တုဲ ပ္တိုန်ထ္ၜးကဵုလဝ် ဂကောံသေန်သာတံဟွံမွဲမွဲသာ် တက်လဝ်ကၠာတုဲ သတ်ဇာတ်ဂၠိၚ်ၚ် မပ္တိုန်ကၠုၚ်တံဂှ် စၟဳတ်ကျောဝ်ဗဵုအာဟွံသေၚ်ပုဟ်ဂှ် ထ္မံက်ထ္ၜးလဝ် ပ္ဍဲကဵုတၚ်လလောၚ်တြး ဂကောံရုပ်ဒမျိုၚ်ဍုၚ်ဗၟာရ။

စပ်ကဵုအကာဲအရာဏံတုဲ နူကဵုသြၚ်လောန်တိုၚ်(မ်) ၜိုန်ရဆက်စၠောံလဝ် ဥူအေကျူ မဒှ်ကောန်ဂကောံရုပ်ဒမျိုၚ်ဍုၚ်ဗၟာဂှ်ကီုလေဝ် ဟွံဂွံလဝ်အဆက်ရ။

ပရိုၚ်−သြၚ်လောန်တိုၚ်(မ်)

ဗီု−မဳဒဳယျာတြးဝါဒကံၚ်ဇြဳပၞာန်