ဂျူလာၚ် – ဂျူလာၚ်(၂၆)
ကွဳပၟတ်ဖ္ဍိုက်ဗၞိက်မွဲဖ္ဍိုက် နူမျေတ်ၚေဝ် ရးအၚ်ဝ သွက်ဂွံတိတ်ကၠုၚ်တရဴ ယွာတာဂျဳ ရးလဂုၚ်ဂှ် ကလိတ်စှ်ေနူဂၠံၚ်တုဲ ဗကပ်စှ်ေလဝ် အကြာသၞေဟ်ကွဳပၟတ်ပလုက်ကဵု သၞေဟ်ကွဳပၟတ်သေအ်ကိုၚ်(စဉ့်ကိုင်ဘူတာ)ရဂှ် ဓမံက်လဝ် ပ္ဍဲမဳဒဳယာတြးဝါဒကံၚ်ဇြဳပၞာန်ရ။
ပရေၚ်ဒဒှ်ဂှ် ပ္ဍဲဂိတုဂျူလာၚ် စၟတ်တ္ၚဲ(၂၃) အခိၚ်ဗ္တံ ကွဳပၟတ်လ္ပာ်စှ်ေ စၟတ် (၉၂၄) နူသၞေဟ်ကွဳပၟတ်မျေတ်ၚေဝ် တိတ်ကၠုၚ် သၞေဟ်ကွဳပၟတ်ယွာတာဂျဳဂှ် ဗကပ်အာလဝ် ပ္ဍဲမိုၚ်တိုၚ် (၃၇၂/၂-၂၇၁/၂၄) ရ။
စပ်ကဵုပရေၚ်ကွဳပၟတ်ဗကပ်လဝ်ဂှ်တုဲ အခိၚ်ဗၠာဲသၟိၚ်ကွဳပၟတ် သၟဝ်တဲကံၚ်ဇြဳပၞာန် စၟဳစၟတ်လဝ်ဂှ် မိုၚ်တိုၚ်စၟတ် (၃၁၇/နူ ၁ စဵုကဵု၃) ဂတှ်ေဆက်ဂၠံၚ်ကွဳပၟတ် (၈)စုံ သီုမူလဳဆက်ဂၠံၚ်ကွဳပၟတ် (၃၂)မ ဒးပလှ်ပ္တိတ်လဝ်ရဂှ်ဟီုသ္ဂးလဝ်ရ။
စပ်ကဵုအကာဲအရာဏံတုဲ လ္ပာ်ကံၚ်ဇြဳပၞာန် ဟွံဂွံလလောၚ်တြးပ္တိတ်လဝ် ၚုဟ်မးဒးလီုလာ်ဆောံလေၚ်လဝ် သောဲသောဲဗြောဲဗြောဲဏီကီု နကဵုသြၚ်လောန်တိုၚ်(မ်) ၜိုန်ရဆက်စၠောံသၟာန်လဝ် ညးတာလျိုၚ်ကွဳပၟတ်တအ်ကီုလေဝ် ကလေၚ်ဟီုသှ်ကဵုလဝ်ဟၟဲရ။
ပရိုၚ်-သြၚ်လောန်တိုၚ်(မ်)
ဗီုရုပ် – မဳဒဳယာတြးဝါဒကံၚ်ဇြဳပၞာန်
sanlontai