မတ်မလီု -ဂျူလာၚ်(၂၇)
ပ္ဍဲဂိတုဂျောန်ပွိုၚ်မွဲဂိတုဂှ် ပ္ဍဲဒေသပၞာန် စၟတ် (၁) ပသောၚ်သ္အးလဝ် လ္ပာ်ကံၚ်ဇြဳပၞာန် (၄၀၀)ပြၚ် မာန်လဝ်တုဲ သီဂွံလဝ် လွဟ်လက်နက်မကမ် ဗွဲမဂၠိုၚ်ရဂှ် ဌာနဝန်ဇၞော်ပရေၚ်စဵုဒၞာ အလဵုအသဳပရေၚ်ညဳသၟဟ်ကောန်ဂကူ လလောၚ်တြးလဝ်ပရိုၚ်ရ။
ပ္ဍဲရးသေတ်ဂါၚ်၊ ရးမဂွေ၊ ရးအၚ်ဝ ကေုာံ တွဵုရးသေံသၟဝ်ကျာ မဒှ်ဒေသပၞာန် စၟတ်(၁)ဂှ် ပ္ဍဲဂိတုဂျောန် အကြာဂကောံပၞာန်ကဵု ဒပ်ပၠန်ဂတးတအ် ပေါဲဗတိုက်ဆေၚ်မုက်က္တဵုဒှ်လဝ် (၃၇၄)ဝါရဂှ် ဟီုသ္ဂးလဝ်ရ။
ပ္ဍဲပေါဲဗတိုက်ဂှ် လ္ပာ်ဒပ်ပၞာန် (၄၁၇)တၠ ဒးချိုတ်လဝ်တုဲ (၅၂၇)တၠ ဇီုကပိုက်ဒးလဝ်ဘဲဝပ်တုဲ သီဂွံလဝ် နူကံၚ်ဇြဳပၞာန် လွဟ်လက်နက်ဂကူစုၚ် (၄၈)ဒကိုအ် ကေုာံ Drone (၂၅) ဖ္ဍိုက် သီုမကမ်ဗွဲမဂၠိုၚ်ရဂှ် ဟီုသ္ဂးလဝ်ရ။
လ္ပာ်ဒပ်ပံၚ်ကောံ ဒပ်ပၞာန်စဵုဒၞာညးဍုၚ်ကွာန်တအ်ဂှ် သ္ဂံၚ် (၄၇)တၠ ဒးပူဇဴသၠးလဝ်လမျီု သွက်ပရေၚ်ပၠန်ဂတးတုဲ (၁၄၃)တၠ ဇီုကပိုက်ဒးလဝ်ဘဲဝပ်ရဂှ် ဂွံတီကေတ်ရ။
ပေါဲဗတိုက်တအ်ဂှ် ဒပ်ပံၚ်ကောံ PDF၊ ပ.က.ဖ ကေုာံ EROs မၞုံသၟဝ်ပရေၚ်ကောပ်ကာဲ ဒေသပၞာန် စၟတ်(၁)တအ် ဗတိုက်လဝ်ရ။
ပရိုၚ် – သြၚ်လောန်တိုၚ်(မ်)
ဗီုရုပ် – MOD
sanlontai