“နဲကဲဂၠံၚ်ဍာန်ဟၟဲမွဲသာ် ယဝ်လုပ်ပေါဲဗတိုက်တှ်ေ အကာဲအရာပ္ဍဲဍုၚ် သွက်ဂွံပရေံအာရ နွံဏောၚ်။ ဂကောံပိုဲပိဂကောံ ညံၚ်ဂွံဆဵုဂဗသဳကၠဳ ကေံရပ်လဝ်ဂၠံၚ်တရဴ ပရေၚ်ဍုၚ်ကွာန်ဂှ် ညံၚ်ဟွံဂွံဂၠာဲသွဟ် ကဵုပရေၚ်ပၞာန်ရ”

ညးစၞး ဗော် “ဝ”UWSP၊ ဗော် NDAA ကေုာံ ဗော်တဴတက်ဍုၚ်သေံ SSPP မဒှ်ဂကောံရပ်လွဟ်ကောန်ဍုၚ်အရၚ်သၟဝ်ကျာ ဟွံဂွံထ္ပက်လဝ်စၟတ်တဲ ဒေါံပန်ပှော်တအ်ဂှ် ပ္ဍဲဂိတုဂျူလာၚ် စၟတ်တ္ၚဲ (၂၀) ကဵု (၂၁) တုဲကၠုၚ်ဏံ ဆဵုဂဗသဳကၠဳလဝ်ကဵု ဂကောံသဳကၠဳပရေၚ်ၜိုဟ်လလံ ကံၚ်ဇြဳပၞာန် (NSPNC) ပ္ဍဲနေပျဳဒဝ်ရ။ အတိုၚ်တၚ်သဳကၠဳပ္ညဳပ္ညပ်ဂွံလဝ် ပွိုၚ်ၜါတ္ၚဲဂှ် သွက်ဂွံထပ်ဆဵုဂဗအာ တၚ်လစွံစိုတ်ၜါလ္ပာ်တုဲ တၚ်တုပ်စိုတ်ကၞောတ်အထောဋ်တအ်ဂှ် ထ္ပက်လဝ်စၟတ်တဲ သ္ပလဝ်ဒ္တန်တုဲ ဒဒှ်ရသၠာဲဂတးလဝ် လ္ပာ်ကံၚ်ဇြဳပၞာန် လလောၚ်တြးလဝ်ရ။

ဟိုတ်ဂှ်ရ ပရေၚ်သဳကၠဳကံၚ်ဇြဳပၞာန်ကဵု ဂကောံသၟဝ်ကျာပိဂကောံ ပွိုၚ်ပိတ္ၚဲကီု၊ တၚ်လဵု ထ္ပက်လဝ်စၟတ်တဲတုပ်လဝ်စိုတ် သီုၜါလ္ပာ်ရောကီု။ စပ်ကဵုအကာဲအရာဂမၠိုၚ်ဏံတုဲ ဆက်စၠောံသၟာန်လဝ်ကဵု ညးမၞုံအခေါၚ်ဟီုဂး ဗော်တဴတက်ဍုၚ်သေံ (SSPP) သ္ကိုပ်ဗိုလ်ဇၞော် သိုၚ်သုရ။

၁။ ကၠာအိုတ်ဏံ ပ္ဍဲပေါဲသဳကၠဳကံၚ်ဇြဳပၞာန်ကဵု ဂကောံသၟဝ်ကျာပိဂကောံ ပွိုၚ်ပိတ္ၚဲဂှ် မုဒှ်သဳကၠဳလဝ်ရော။ စပ်ကဵုအကာဲအရာဏံတုဲ ဟီုထ္ၜးကဵုညိ။

ပိုဲတၟေၚ်ၚ်တၟဟ်ဟ်ဂှ် ဟွံပါလုပ် ကွေံကွေံပုဟ်။ ဂကောံပိုဲပိဂကောံကဵု ဂကောံပ္ညဳပ္ညပ်ဒပ်ပၞာန်တအ် တုဲဒှ်အာ မရနုက်ကဵုအလန်ပဉ္စမတုဲယျ။ တုဲကၠုၚ်ပန်အလန်တေံဂှ် တၚ်သဳကၠဳပ္ညဳပ္ညပ်လဝ်ဂှ် ဍေံတအ်ကလေၚ်ပကောံပကေဝ်လဝ်တုဲတှ်ေ မွဲလ္ပာ်ကဵုမွဲလ္ပာ်ကလေၚ်ပ္ညဳတုဲ ကလေၚ်ထ္ပက်လဝ်စၟတ်တဲလေဝ် နွံ။ တုဲမွဲပၠန်ဂှ် သဳကၠဳမာန်ဒၟံၚ်ဏီဂှ်တှ်ေ ပေါဲကောံဓရီုသဳကၠဳပရေၚ်ၜိုဟ်လလံဂှ် ပရေၚ်ပရောဒှ်ဒၟံၚ် သီုအလုံမွဲဍုၚ် ကၠောန်ဟွံမာန်ဏီဂှ်ရ ပြဟ်မံၚ်ညိဏီဏောၚ်။ ကိစ္စဍေံတအ်မိက်ဂွံကၠောန်ကောံဓရီုသဳကၠဳပရေၚ်ၜိုဟ်လလံဂှ် ရန်တၟံလဝ်ဗီုရော။ ပိုဲပ္တိတ်လဝ် တၚ်သၟာန်ရ။ ဍေံတအ်လေဝ် သောၚ်ကလးကဵုရ။ သောၚ်ကလးကဵုဟီုဂှ် ဇၟာပ်ပ်ဂကောံ စပ်ကဵုပရေၚ်ၜိုဟ်လလံတုဲတှ်ေ ဂကောံထ္ပက်လဝ်စၟတ်တဲ NCA ကီု၊ ဂကောံဟွံဂွံထ္ပက်လဝ်စၟတ်တဲကီု ဂကောံတုပ်လဝ်စိုတ် ထ္ပက်လဝ်စၟတ်တဲသီုဖအိုတ်ဂှ် ကလေၚ်စန်ပကောံတုဲ တိုန်စိုပ် ပ္ဍဲကောံဓရီုသဳကၠဳတုဲ စကာကဵုထ္ပက်စၟတ်တဲရ ဍေံတအ်ဂှ်။ စကာကဵုထ္ပက်စၟတ်တဲဗီုဏံတုဲ အလဵုအသဳလဵုတိုန်န် ဍေံတအ်ဂှ် နဒဒှ်ကံၚ်ဇြဳပရေၚ်အုပ်ဓုပ်ဖန်ဖက် အလဵုအသဳဂတဏံ အလဵုအသဳလဵုဒှ်ဒှ်ရ။

ဆက်တုဲ ညံၚ်ဂွံကၠောန်အာကမၠောန်မာန်ဂးတုဲ ကလေၚ်ထ္ပက်စၟတ်တဲ ပ္ဍဲပေါဲကောံဓရီုသဳကၠဳဂှ်တုဲမှ အလဵုအသဳဂတဏံလေဝ်။ ညံၚ်ဂွံပ္တိုန်ထ္ၜးကဵုမာန် တၚ်ရန်တၟံဍေံတအ် အဓိကရ။ သဳကၠဳလဝ်နွံရ။ ပြဟ်ဟ်ဏံ ပိုဲဂှ် စပ်ကဵုကိစ္စဏံတုဲ ပါလုပ်သဳကၠဳလဝ် ဟၟဲပုဟ်။ အကာဲအရာဂွံကၠောန်မာန် ဟၟဲဏီလေဝ်ဒှ်ရ။ သဳကၠဳပ္တိုန်ထ္ၜးလဝ်ဂှ်တှ်ေ သဳကၠဳလဝ် တၚ်လ္ပာ်ဍေံတအ်မိက်ဂွံဒှ်ဂှ်ရ။ ပိုဲလေဝ် နဒဒှ်ညးစၞး ၜိုန်ရကၠိုဟ်ဒၟံၚ်ကီုလေဝ် ညးလုပ်ဂကောံကဝ်မတဳဗဟဵု နွံဒၟံၚ်လကြဴတေံညံၚ်ဂွံကၠိုဟ်ဂှ် ဒးကေတ်ဒၟံၚ်အခိၚ်ဏီ။ ပြဟ်ဟ်ဏံ ယဝ်ရကၠောန်ဗဒှ်ဏောၚ်တှ်ေ ပိုဲ တိုန်စိုပ်ဟွံမာန်ဏီပုဟ် သဳကၠဳလဝ်ရ။

၂။ တၚ်တုပ်စိုတ် ဂွံနၚ်လဝ် နူပရေၚ်သဳကၠဳၜါလ္ပာ်ဂှ် ထ္ပက်လဝ်စၟတ်တဲရဂှ် ကံၚ်ဇြဳပၞာန် လလောၚ်တြးလဝ် ဂွံဆဵုကေတ်ရ။ မုတုပ်လဝ်စိုတ် ထ္ပက်လဝ်စၟတ်တဲ မုနွံရော။

ဗီုပြၚ်လဵု တုပ်လဝ်စိုတ်ရောဟီုတှ်ေ တၟိတၟိဂှ်ဟၟဲပုဟ်။ ပိုဲတအ်ဂှ် ကလေၚ်ပကောံလဝ် တၚ်သဳကၠဳလဝ် ၜါလ္ပာ်လောန်ကၠုၚ်ပန်အလန်တုဲကၠုၚ်တေံတုဲ ကလေၚ်ထ္ပက်လဝ်စၟတ်တဲလေဝ် နွံရ။ တၟေၚ်ၚ်တၟဟ်ဟ်ဟၟဲပုဟ်။ ကၠောန်ပေါဲကောံဓရီုသဳကၠဳဂှ် ဗီုလဵုညာတ်ကေတ်ရောရ။ ဍေံတအ်မိက်ဂွံကၠောန်ဂှ် ဗီုလဵုရော ထံက်ဂလာန်ဟာ၊ ဟွံထံက်ဂလာန်ဟာဂှ် ဗီုဂှ်ရ ပိုဲကၠိုဟ်လဝ်ရ။ စပ်ကဵုကိစ္စထံက်ဂလာန်၊ ဟွံထံက်ဂလာန်ဂှ်တှ်ေ နကဵုညးစၞးသၟးဏောၚ်ဟီုတှ်ေ ဟွံဂွံသဳကၠဳလဝ်ကဵု လစွံစိုတ်ဂကောံ ပေၚ်ၚ်ဏီဂှ်ရ စပ်ကဵုကိစ္စဏံတုဲ ဟီုဟွံမာန်ဏီပုဟ်။ ပြဟ်ဟ်ဏံ ယဝ်ကၠောန်ကောံဓရီုသဳကၠဳဏောၚ်တှ်ေ ပိုဲတိုန်စိုပ်ဟွံမာန်ဏီပုဟ်။ ညံၚ်ဂွံပါလုပ်တိုန်စိုပ်မာန်ဂှ် ဂကောံပိုဲ ဟွံဒှ်ဒၟံၚ်ဒတုဲဏီပုဟ်။ ပရေၚ်သဳကၠဳပိုဲ ကလေၚ်ပကောံပကေဝ်တုဲဂှ်မွဲတၚ် သွက်ဂွံကၠောန်ဗဒှ်ကောံဓရီုသဳကၠဳ ၜါတၚ်ဏံရ။ တၟေၚ်ၚ်တၟဟ်ဟ်ဂှ် ဟၟဲဏီပုဟ်။

၃။ ပ္ဍဲပရေၚ်ဆဵုဂဗသဳကၠဳကဵုကံၚ်ဇြဳပၞာန်ဂှ် သွက်ပရေၚ်ဖောအ်ဗြေဝ်ဒေသရော မုဒှ်သဳကၠဳလဝ် နွံရော။ လစွံစိုတ်ကံၚ်ဇြဳပၞာန် ဗီုလဵုနွံရော။

သွက်ပရေၚ်ဖောအ်ဗြေဝ်ဒေသ ပိုဲသဳကၠဳလဝ်ဂှ်တှ်ေ အရာဍေံတအ်ကၠောန်မာန်၊ ရီုကဵုမာန်ဂှ် ဗီုဏံနွံရ။ ပရေၚ်ဖောအ်ဗြေဝ်ဒေသဂှ်တှ်ေ ပိုဲပ္ညဳပ္ညပ်အာတ်မိက်လဝ် နွံ။ ဍေံတအ်ကဵုသွဟ်ဟွံမာန်လေဝ် နွံရ။ ဍေံတအ်ကလေၚ်ဟီုသှ်ကဵုမာန်လေဝ် နွံ။ တၟေၚ်ၚ်တၟဟ်ဟ်ဂှ် ဟၟဲပုဟ်။ ပ္ဍဲကိစ္စအကြေပ်ဂြတ် ဒှ်ဒၟံၚ် ပ္ဍဲဍုၚ်လေဝ် ကိစ္စပရေၚ်ဖောအ်ဗြေဝ်ဒေသ လ္ပာ်ဍေံတအ် အခက်ခုဲနွံဒၟံၚ်ရ။ အရာလ္ၚဵုဂှ်တှ်ေ ဍေံတအ်ရီုကဵုဟွံမာန်၊ ယဝ်ရဟီုကဵု ဂၠံၚ်ဒဒန်တအ်ဏောၚ်တှ်ေ အာတ်မိက်လဝ် ကတ္တရာတအ် မုတအ် နွံရ။ ပြဟ်ဟ်ဏံ ဍေံတအ်လေဝ် ကြေပ်ဂြတ် နွံဒၟံၚ်ရ။ အရာလ္ၚဵုဂှ် ရီုကဵုဟွံမာန်လေဝ် နွံ။ အရာသှ်ေနူဂှ်တှ်ေ သောဲသောဲဗြောဲဗြောဲလေဝ် နွံရ။

၄။ အလန်လကြဴအိုတ်ဏံ ဆဵုဂဗသဳကၠဳလဝ်ကဵုကံၚ်ဇြဳပၞာန်စဵုကဵု (၅)ဝါတုဲယျဟီုတှ်ေ တၚ်တုပ်စိုတ်ဗီုလဵု ဂွံလဝ်တုဲယျ ဂွံဟီုမာန်ရော။ သောၚ်ထ္ၜးကဵုမွဲဝါညိ။

အကာဲအရာဗီုလဵုနွံဒၟံၚ်ရောဟီုဂှ် ပိုဲဂှ် လ္တူနူကဵုပရေၚ်ဗတိုက်ဒၟံၚ် ရံၚ်ကေတ်ညးသ္ကအ်တုဲ လ္တူနူသောၚ်ကလးဒၟံၚ်ဂှ် ပိုဲဆဵုဂဗသဳကၠဳပ္ညဳပ္ညပ်တုဲ ယဝ်ရေၚ်တၠုၚ်ဏောၚ်တှ်ေ ခိုဟ်ဏောၚ်။ ပ္ဍဲအရေၚ်မွဲဂှ်တှ်ေ ဂၠံၚ်တရဴဒးသောၚ်ကလးဂှ် ဒတူလာၚ် လတူတၚ်လစွံစိုတ် လ္ပာ်ခိုဟ်တုဲဏောၚ်တှ်ေ။ တုဲပၠန် ပ္ဍဲကဵုပိုဲကတိကဝတ်ထ္ပက်လဝ်စၟတ်တဲ ပရေၚ်ၜိုဟ်လလံကဵု ပရေၚ်တိဍာ်ညိၚ်ဝတ်ၜိုဟ်လလံ ပရေၚ်စသုၚ်မံၚ်စံၚ်ဗိုက်လတက်ညးဒေသတအ်၊ ပရေၚ်ပညာ၊ ပရေၚ်ထတ်ယိုတ် ကၠောန်သ္ပမာန်ဏောၚ်။ ဟွံမိက်ဒှ်ပေါဲဗတိုက်တုဲ ဆဵုဂဗသဳကၠဳဒၟံၚ် ပရေၚ်ၜိုဟ်လလံအရိုဟ်ဟ်တ္ၚဲရ။ သောၚ်ကလးဂှ်တှ်ေ ခိုဟ်ဒၟံၚ်ရ။ ဂွံဒှ်အာၜိုဟ်ဟ်သြိုဟ်ဟ်။ နဲကဲဂၠံၚ်ဍာန်ဟၟဲမွဲသာ် ယဝ်လုပ်ပေါဲဗတိုက်တှ်ေ အကာဲအရာပ္ဍဲဍုၚ် သွက်ဂွံပရေံအာရ နွံဏောၚ်။ ဂကောံပိုဲပိဂကောံ ညံၚ်ဂွံဆဵုဂဗသဳကၠဳ ကေံရပ်လဝ်ဂၠံၚ်တရဴ ပရေၚ်ဍုၚ်ကွာန်ဂှ် ညံၚ်ဟွံဂွံဂၠာဲသွဟ် ကဵုပရေၚ်ပၞာန်ရ။