ဗ္ဒိုပ်ကံၚ်ဇြဳပၞာန် လ္တူက္ဍဟ်ဒဵုမူဂျာထုက်ဂှ် ဗ္တိုက်လဝ် နကဵုက္ၜၚ်ကျာမသက္ကုမၞိဟ်ဒဳတဲဍောတ်

ကျာ်ပိ၊ ဂျူလာၚ် (၃၀)

ဗ္ဒိုပ်ကံၚ်ဇြဳပၞာန် မၞုံလ္တူက္ဍဟ်ဒဵု မူဂျာထုက် ပယျဵုသေံ−ဗၟာ ပွိုၚ်ဍုၚ်ကျာ်ပိ၊ တွဵုရးကရေၚ်ဂှ် နူကဵု Ye A F နဒဒှ်ပရေၚ်ပြုပြေၚ်ပၞာန်ဂဂဵုတးတုဲ အာစိုပ်ဗ္တိုက်လဝ် နကဵုက္ၜၚ်ကျာမသက္ကုမၞိဟ်ဒဳတဲဍောတ် စဵုကဵု (၃) ဝါရောၚ် လလောၚ်ပ္တိတ်လဝ်ပရိုၚ်ရ။

တုဲကၠုၚ် ပ္ဍဲဂိတုဂျူလာၚ် (၂၈) တေံ အာစိုပ်ဗ္တိုက်လဝ်တုဲ ထောံလဝ်မခတိုဟ် (၆) မတုဲ ဂကောံဇြဟတ်မဟာမိတ်ပၠန်ဂတး ဖျေံသ္ဇိုၚ်ရးတၞၚ်သဳကဵု တွဵုရးဍုၚ်မန်တံ ပံၚ်တောဲရေၚ်တၠုၚ်လဝ် ပရေၚ်ပြုပြေၚ်ပၞာန်ဂဂဵုတးဂှ်ရ။

ပွမထ္မံက်ပေါဲဗ္တိုက်ဏံဂှ်ဝွံ ဒဒှ်ရထ္မံက်လဝ်ရုပ်ရဴ တၚ်ရန်တၟံပရေၚ်ပၞာန် မနွံပၟိက် သွက်ပရေၚ်ထ္မံက်ရုပ်ရဴ လၟေၚ်ကမၠောန်မဟာဗျူဟာ ဒေသပၞာန်သၠုၚ်ကျာစြေက် (၃) မွဲရောၚ်ဂှ် သ္ဂးလဝ်ရ။

နကဵုဂကောံဇြဟတ်ပၠန်ဂတးတံ သွက်ဂွံဒက်ပ္တန်ကၟိန်ဍုၚ်ဖေဝ်ဒရာဍာံဇေတ်မာန်ဂှ် ပံၚ်တောဲကဵု ကောန်ဍုၚ်အရၚ်ဘဝတုပ်တံတုဲ ထ္မံက်အာပေါဲဗ္တိုက်ရောၚ်ဂှ် ထ္မံက်ထ္ၜးလဝ် ပ္ဍဲတၚ်လလောၚ်တြးဂှ်ရ။

စပ်ကဵုဗ္တိုက်လဝ် ကုန်ဗ္ဒိုပ်ကံၚ်ဇြဳပၞာန်ဂှ်တုဲ ပရေၚ်ဇီုကပိုက်ချိုတ်ဂျိုၚ် ဗွဲလစှ်ေ ဂှ် လလောၚ်ပ္တိတ်လဝ် ဗွဲမလုပ်သၞောဝ် ဟွံမွဲဏီတုဲ ဂၠိုက်ဂၠါဲစၟဳတ်ဒၟံၚ်ဖိုဟ်ရောၚ်ဂှ် ကဵုလဝ်သမ္တီရ။

ပရိုၚ်−သြၚ်လောန်တိုၚ်(မ်)

ဗီု−CJ