ဆက်မိတ်အာ အစဳဇန်သၠုၚ်ပ္တိုန်ကဏ္ဍသ္ၚိကၠအ် ပ္ဍဲကဵုဍုၚ်ဇၞော်အိုတ် ဍုၚ်ကြုက်ဏောၚ်

ပေကျေန် – အဝ်ဂေတ်(၁)

သွက်ဂွံသၠုၚ်ပ္တိုန် ကဏ္ဍသ္ၚိကၠအ် ဍုၚ်ကြုက်က္လေၚ် လက္ချဏ်ဗြေဝ်တိုန် နွံကၠုၚ်ဒၟံၚ်ညိည ပ္ဍဲဍုၚ်ဇၞော်တအ်ဂှ် အစဳဇန်ဖ္ဍိုက်ဗပေၚ်ကဵု တၚ်နွံပၟိက်ညးရာန်ဂှ် ပ္ဍဲသတ္တာအိုတ်ဏံ သွက်ဂွံဓမံက်အာရုပ်ရဴ နွံဒၟံၚ်ရဂှ် ဂွံတီကေတ်ရ။

မူဝါဒသ္ၚိကၠံဂှ် သွက်ဂွံပြုပြေၚ်ပြံၚ်သၠာဲ ဗွဲမဂတာပ်အခိၚ် ကေုာံ သွက်ဂွံကၠောန်ရေၚ်တၠုၚ် ညံၚ်ဂွံခိုဟ်အိုတ် ကြဴနူက္ဍိုပ်သ္ကိုပ်ကဆံၚ်လ္တူတအ် ကဵုလဝ်ကတိပါၚ် ပ္ဍဲကောံဓရီုပဝ်လေတ်ဗျူရိုဝ် ကၠောန်ဗဒှ်လဝ် ပ္ဍဲဂိတုဂျူလာၚ်တုဲဂှ် မံက်တိတ်ကၠုၚ် ဗီုလၟုဟ်ဏံတုဲ ဝန်ဇၞော်သ္ၚိကၠအ်လေဝ် ကဵုလဝ်ကတိပါၚ် သွက်ဂွံဓမံက်ရုပ်ရဴ ညံၚ်ဂွံစိုပ်တရဴရ။

ကြဴနူကောံဓရီုပဝ်လေတ်ဗျူရိုဝ်ကရေဇြဳတုဲ စၟဳပတှ်ေလဝ် သွက်ညးဖျေံမူဝါဒတအ် ဂွံထ္ၜးလဂါံဇိုၚ် ပရေၚ်တိကၠအ်ညိၚ်ဝတ်ဂှ် ပ္ဍဲဗွဝ်ဖျာရဂှ် ဂွံတီကေတ်ရ။

အခိၚ်ပြဟ်ဟ်လၟုဟ်ဏံ ကဏ္ဍသ္ၚိကၠအ်ဍုၚ်ကြုက်ဂှ် ပ္ဍဲကဵုဂြိုဟ်အကြေပ်ဂြတ်ဗဟဵုဂှ် ဂွံဆဵုကေတ်လဝ် ကုမ္ပဏဳသ္ၚိကၠအ် ခတှ်ဂၠးကဝ်ဂၠိုၚ်အိုတ် China Evergrande Group ကေုာံ ဗီုပြၚ်ခတှ်တုဲဒှ် ကုမ္ပဏဳရပ်ဂိုၚ်လဝ်မသြန် ပ္ဍဲသၞာံတုဲကၠုၚ်ညိညဏံ ဗွဲမဂၠိုၚ်ရ။

ချပ်ဇန်ပၠုပ် အကာဲအရာသ္ၚိကၠအ်ဍုၚ်ဇၞော်တုဲ ညံၚ်ဂွံဓမံက်အာရုပ်ရဴ အတိုၚ်ကတိကဝတ်ညးဖျေံမူဝါဒတအ်ဂှ် ဌာနမဆေၚ်စပ်တအ် ပံၚ်တောဲရေၚ်တၠုၚ်အာရောၚ်ဂှ် ဌာနဝန်ဇၞော်ပရေၚ်သ္ၚိကၠအ်ဍုၚ်ဇၞော်ပေန်ကျေန် ဟီုသ္ဂးလဝ် ပ္ဍဲဂိတုဂျူလာၚ် စၟတ်တ္ၚဲ (၂၉)ရ။

ဍုၚ်ဇၞော်သ္ကုတ်သၠုၚ်ကျာ ယှေန်ကျာန်ဂှ်လေဝ် တၚ်လလောၚ်တြးတုပ်ဗီုဂှ် လလောၚ်တြးလဝ်ပ္ဍဲဂိတုဂျူလာၚ် စၟတ်တ္ၚဲ(၃၀)တုဲ ဌာနဝန်ဇၞော်သ္ၚိကၠအ်ကွောန်ကျိုဝ်လေဝ် ကဵုလဝ်ကတိသွက်ဂွံကၠောန်ရေၚ်တၠုၚ်အတိုၚ်စဳမာန်မူဝါဒမဆေၚ်စပ်တအ် ၜိုတ်သၟဟ်အစောံမာန်ရဂှ် ဓမံက်ထ္ၜးလဝ်ပ္ဍဲလိက်ပရိုၚ်ဗွဲမလုပ်သၞောဝ်ရ။

Ref,Reuters