သွက်ကောန်ဍုၚ် မိက်ဂွံဖျေံသ္ဇိုၚ် ပ္ဍဲကဵုဍုၚ်ဍောတ်တ်ကဵု ဍုၚ်အဇာလဒေါဝ်တံဂှ် အလဵုအသဳကြုက် ဖအောန်ဖျေံကဵု တၚ်သၞောတ်ဗ္ၜတ်ဂမၠိုၚ်

ဗေကျေန်၊ အဝ်ဂါတ် (၄)

သွက်ကောန်ဍုၚ် မရန်တၟံလဝ် သွက်ဂွံဖျေံသ္ဇိုၚ်မံၚ်အာမွဲအာယုက် အပ္ဍဲပွိုၚ်ဍုၚ်ဍောတ်တ်၊ ပွိုၚ်ဍုၚ်အဇာဒေါဝ် မၞုံအပ္ဍဲဍုၚ်တံဂှ် နကဵုအလဵုအသဳကြုက် ဖအောန်ဖျေံကဵုလဝ် တၚ်သၞောတ်ဗ္ၜတ်တံတုဲ ဒဒှ်မဆုဲပြံၚ် ပ္ဍဲဍုၚ်ဇၞော် ညံၚ်ရဴဗေကျေန်တံဂှ် တာဒၞါလဝ်ရ။

ဒဒှ်မဆုဲပြံၚ် ပ္ဍဲကဵုဍုၚ်လၟိဟ်မၞိဟ်ဒၟံၚ် အောန်နူကဵု ၃ ပြကောဋိကိုဋ်တံဂှ်ကဵု ဍုၚ်လၟိဟ်မၞိဟ်နွံ စဵုကဵု ၅ ပြကောဋိကိုဋ်တံဂှ် ဒဒှ်ရဖအောန်ဖျေံအာကဵုတၚ်သၞောတ်ဗ္ၜတ်တံ ပေၚ်ၚ်ဏောၚ်ဂှ် ထ္မံက်ထ္ၜးလဝ် ပ္ဍဲလိက်ပရိုၚ် လၟေၚ်တ္ၚဲဗေကျေန်ရ။

ဖအောန်ဖျေံကဵုလဝ်သာ်ဏံဂှ်ဝွံ ပါလုပ်ဒၟံၚ် ပ္ဍဲကဵုကိုန်စဳမာန်ဍုၚ်ကြုက် မရနုက်ကဵု ၁၄ ဂှ်ရောၚ် မဒှ်ရ။

လ္တူစရၚ်ဂြောဝ်ဂတာ မကော်ဂး Hukou (ဟူခိုဝ်) မပါ်လဝ် ဍုၚ်ဇၞော်ကွာန်ရးတုဲ သ္ဂုတ်သွာတ်ကဵု အခေါၚ်သ္ဂောံဂွံပရေၚ်ပညာ၊ ပရေၚ်ဂီုကၠီုမှာဇန်တံဂှ်လေဝ် ကၠောန်သ္ပကဵုလဝ် ပရေၚ်ဖအောန်ဖျေံကဵုတံရ။

သၟဝ်သၞောတ် Hukou ဏံဂှ် မၞိဟ်ဂၠိုၚ်ကဵုပြကောဋိကိုဋ် ကၠောန်ကလောန်မံၚ်တန်တဴဒၟံၚ် အပ္ဍဲကဵုဍုၚ် ဍုၚ်ကြုက်တံဂှ်ဝွံ သွက်သ္ဂောံဂွံပရေၚ်ရေၚ်တၠုၚ် တုပ်ပ်ကဵုညးမသ္ပဒတဴဒၟံၚ်အပ္ဍဲဍုၚ်တံဏံလၟိုန်ဂှ် က္ဍဟွံစိုပ်ဒှ်ဒၟံၚ်ရ။

နူကဵုသၞောတ်စရၚ်ဂြောဝ်ဂတာဏံ ပရူပရာသ္ကဵုက္တဵုဒှ်ကၠုၚ်မွဲပၠန်ဂှ် နကဵုကောန်ၚာ်သၟတ်တံ ပ္ဍဲကဵုပွိုၚ်ဍုၚ် ဒၞါဲမစိုပ်ဒၟံၚ်တံဂှ် သွက်ဂွံတိုန်ဘာဂှ် ဒှ်ဟွံမာန်တုဲ ဟိုတ်နူဒးကလေၚ်တိုန်ဒၟံၚ်ဘာ ပ္ဍဲကဵုဍုၚ် မဒှ်ဇာတိညးတံပၠန်ဂှ်ရ သ္ကဵုက္တဵုဒှ်လဝ် မိမကောန်ၚာ်တံကဵု ကောန်ၚာ်တံ ပြးဆာဲပၠန်ရ။

တၚ်လလောၚ်တြးတ္ၚဲဗြဴဗ္တိတ် မလလောၚ်ပ္တိတ်လဝ် ပွမဖအောန်ဖျေံကဵုတံပါလုပ်ဂှ်ဝွံ သ္ကဵုစိုပ်တဴတရဴ အလုံဗ္ၜတ်ဍုၚ်မွဲရောၚ် မဒှ်ရ။

ပ္ဍဲကဵုတၚ်လလောၚ်တြး လိက်ပရိုၚ်လၟေၚ်တ္ၚဲဗေကျေန်ဂှ် နကဵုအလဵုအသဳကြုက် သွက်တၚ်စၟဳညးဍုၚ်ကွာန် ဂွံဖျေံသ္ဇိုၚ် ပ္ဍဲကဵုဍုၚ်တၞဟ်ဟ်တံဂှ် စၟတ်အာ နဒဒှ်ပဝ်လသဳ ကဵုစၟတ်ဏောၚ်ဂှ်လေဝ် သ္ဂးလဝ်ရ။

ဍုၚ်ဇၞော်အိုတ် ဍုၚ်ကြုက်ဂမၠိုၚ်ဝွံ ဒှ်သိုက်လောဲအိုတ်တုဲ ဘာတဲခိုဟ် ရုၚ်ဂဥုဲတဲခိုဟ်တံလေဝ် နွံတုဲ အခေါၚ်အရာကမၠောန်ကၟိတ် ခိုဟ်အိုတ်တံလေဝ် ကလိဂွံမာန်ဒၟံၚ်အိုတ်ရ။

Ref: Reuters