မတ်မလီု – အဝ်ဂေတ် (၅)
အလဵုအသဳပရေၚ်ညဳသၟဟ်ကောန်ဂကူ၊ ဌာနဝန်ဇၞော်ပရေၚ်ပညာ သ္ပလဝ်စၟတ်သမ္တီ ဘာပ္ဍဲဗလးမုက်တိ အပံၚ်လၟိဟ် (၃၇၅)ဘာ နဒဒှ် ဘာပရေၚ်ပညာသ္ဇိုၚ် ဘာညးဍုၚ်ကွာန်ရဂှ် လလောၚ်တြးလဝ် ပ္ဍဲဂိတုအဝ်ဂေတ် စၟတ်တ္ၚဲ(၂)တုဲကၠုၚ်တေံရ။
ဘာပ္တိုန်လဝ်လိက်အာတ်မိက် အခေါၚ်သ္ပစၟတ်သမ္တီ ဌာနဝန်ဇၞော်ပရေၚ်ပညာတအ်ဂှ် စၟဳစၟတ်တုဲ ဘာဗလးမုက်တိ ဒုၚ်လဝ်ဝန် ကဵုလဝ်ကတိပါၚ် ဒ္ဂေတ်ဗက်မူဝါဒ သွက်ဂွံသ္ပစၟတ်သမ္တီ (၁၁)တၚ် အပံၚ်လၟိဟ် (၃၇၅) ဘာဂှ် သ္ပလဝ်စၟတ်သမ္တီ နဒဒှ်ဘာပရေၚ်ပညာညးဍုၚ်ကွာန် ကာလအကြာရ။
သ္အာၚ်နူဂှ်ပၠန် ဘာဗ္တောန်လ္တူအောန်လာၚ် ကေုာံ ဘာပရေၚ်ပညာညးဍုၚ်ကွာန် ပ္ဍဲဗလးမုက်တိ ဃောစၟဳစၟတ်ဒၟံၚ်တအ်ဂှ်လေဝ် သွက်ဂွံထပ်လလောၚ်တြးအာ ဒဒှ်ရသ္ပစၟတ်သမ္တီနွံရဂှ် ကဵုလဝ်သမ္တီရ။
အလဵုအသဳ NUG၊ ဌာနဝန်ဇၞော်ပရေၚ်ပညာ သွက်ကွးဘာဒးဒုၚ်ဆောံလေၚ်ဒၟံၚ်အခေါၚ်ဗ္တောန်ပညာ ကာလအကြာတအ် ဂွံကတ်ဗ္တောန်ကေတ်ပညာ ညံၚ်အဆက်ဟွံပိုတ်သ္ကုတ်မာန် ပံၚ်တောဲရေၚ်တၠုၚ်ဒၟံၚ်ကဵု ဘာပရေၚ်ပညာညးဍုၚ်ကွာန် ပ္ဍဲဗလးမုက်တိရဂှ် လလောၚ်တြးလဝ်ရ။
ဗီုလၟုဟ်ဏံ ဌာနဝန်ဇၞော်ပရေၚ်ပညာ NUG ဂှ် သွက်ကောန်ၚာ်သၟတ် ပ္ဍဲဒေသဒှ်ဒၟံၚ်ပေါဲဗတိုက်တအ် ဂွံကတ်ဗ္တောန်ကေတ်ပညာမာန် ၜိုန်ရကၠောန်ရေၚ်တၠုၚ်ဒၟံၚ်ကီုလေဝ် ဒပ်ကံၚ်ဇြဳပၞာန်သီအဝဵုတအ်ဂှ် ပါဲနူစံၚ်ပလီုဘာဗ္တောန်လိက်တုဲ သီုဂြာတ်ထောံဖျေံဗုမ် ကဵုက္ၜၚ်ကျာ ကၠောန်သ္ပဒၟံၚ်ရ။
ပရိုၚ် – သြၚ်လောန်တိုၚ်(မ်)
sanlontai