ကောန်တၠအဝဵုဟွောန်ဇြာန်ဂှ် ဨကရာဇ်ကမ္ဘောဒဳယာ ခါန်ကၞက်ကဵု နဒဒှ်သ္ကိုပ်ဝန်ဇၞော်

By sanlontai August 8, 2023

(FILES) Cambodia's Prime Minister Hun Sen (L) poses with his son Hun Manet (R) during a ceremony at a military base in Phnom Penh on October 13, 2009. Cambodian Prime Minister Hun Sen, one of the world's longest-serving leaders, said on July 26, 2023 he will resign and hand power to his son, after almost four decades of hardline rule. (Photo by TANG CHHIN Sothy / AFP)

ဖနွောန်ပေန် – အဝ်ဂေတ်(၈)

ဨကရာဇ်ကမ္ဘောဒဳယာ ခါန်ကၞက်လဝ်ဟွောန်မနေတ် နဒဒှ်က္ဍိုပ်သ္ကိုပ်ကၟိန်ဍုၚ်တၟိတုဲ ဌာနန္တရ ညးမဒှ်အပါညး အုပ်ဓုပ်လဝ် ဗ္ဒာဲ(၄)ဗွဝ်စှ်သၞာံဂှ် က္လိဂွံလဝ် ဗွဲမထေက်တန်ရဂှ် ဟီုသ္ဂးလဝ်ရ။

ကြဴနူဂွံဇၞးကေတ် ပေါဲရုဲမာဲကၠောန်ဗဒှ်လဝ် ပ္ဍဲဂိတုဂျူလာၚ် တုဲကၠုၚ်တေံ ပေၚ်ၚ်တုဲဂှ် တၠအဝဵုဟွောန်ဇြာန် ကေတ်ဇၞူဇူကၠုၚ် နူဌာနန္တရသ္ကိုပ်ဝန်ဇၞော်တုဲ ပြံၚ်စၠောံကဵုအာအဝဵု ကုကောန်ဗၠာဲညးဇၞော်အိုတ်ရောၚ်ဂှ် လလောၚ်တြးလဝ်ရ။

ပ္ဍဲပေါဲရုဲမာဲကမ္ဘောဒဳယာဂှ် ကၟာတ်ဒၞာလဝ် အခေါၚ်ဗော်ပြိုၚ်ပ္ကာန် လုပ်ပေါဲရုဲမာဲတုဲ ဗော်ဂွံအဝဵုမွဲဗော်ဓဝ် လုပ်ပြိုၚ် ဂွံဇၞးလဝ်မာဲရ။

“သွက်အာယုက်ပါလဳမာန် မရနုက်ကဵု (၇) ဝါဂှ် ခါန်ကၞက်ဏာ ဒံက်တာဟွောန်မနေတ် နဒဒှ်သ္ကိုပ်ဝန်ဇၞော်ရ” ဂှ် ဓမံက်ထ္ၜးလဝ် ပ္ဍဲတၚ်လလောၚ်တြး ကဆံၚ်ဝၚ်နန်ကမ္ဘောဒဳယာရ။

ဆ္ဂး သွက်ဂွံဒှ်ကၠုၚ်က္ဍိုပ်သ္ကိုပ်ကၟိန်ဍုၚ် ဗွဲမလုပ်သၞောဝ်ဂှ် ဟွောန်မနေတ် အာယုက် (၄၅)သၞာံ ကေုာံ ဂကောံအလဵုအသဳညး ဒးဆေၚ်မုက်ကဵု ပရေၚ်ပါ်မာဲသ္ဂုတ်သွာတ် ဆေၚ်စပ်ကဵု ပရေၚ်သ္ဂောံကေတ်အဝဵု ပ္ဍဲပါလဳမာန် မကၠောန်ဗဒှ် ပ္ဍဲဂိတုအဝ်ဂေတ် စၟတ်တ္ၚဲ (၂၂) ကၠုၚ်စိုပ်ဂတဏံရောၚ်ဂှ် ဂွံတီကေတ်ရ။

ပ္ဍဲအလဵုအသဳကၟိန်ဍုၚ်ကမ္ဘောဒဳယာတၟိဏံ ဝန်ဇၞော်အာယုက်ဍောတ်သွတ်တအ်ဟေၚ် သွက်ဂွံပါလုပ်ကၠုၚ်နွံဒၟံၚ်တုဲ ညးမဒှ်အပါတအ်ဂှ် သွက်ဂွံကေတ်ဇၞူ ဇူအာနူဌာနန္တရ တာလျိုၚ်မဆေၚ်စပ်တအ် နွံဒၟံၚ်ရဂှ် ညးလ္ၚတ်သ္ၚဳဂၠိပ်တအ် ဟီုသ္ဂးလဝ်ရ။

ပ္ဍဲပေါဲရုဲမာဲ ကၠောန်ဗဒှ်လဝ် ပ္ဍဲဂိတုဂျူလာၚ်ဂှ် ပရေၚ်ဗၠးၜး ကေုာံ ပရေၚ်ဓဝ်ဍာံဟၟဲပုဟ်ဂှ် ကၟိန်ဍုၚ်အမေရိကာန်၊ ကုလသမဂ္ဂ ကေုာံ ဥရောပသမဂ္ဂတအ် ဟီုပါ်ပါဲလဝ်တုဲ ဟွောန်ဇြာန်ဂှ် တးပါဲလဝ် တၚ်ပါ်ပါဲတအ်ဂှ်ရ။

ဟွောန်မနေတ် ညးယိုက်ဂၠေၚ်ကေတ်တာလျိုၚ် နဒဒှ်သ္ကိုပ်ဝန်ဇၞော်ကမ္ဘောဒဳယာဂှ် ဒှ်ညးကတ်လ္ၚတ်လဝ်ပညာ ပ္ဍဲအေၚ်္ဂလာန် ကေုာံ အမေရိကာန်ဂှ်ရ လ္တူနူညးမဒှ်အပါညးဟွောန်ဇြာန်ဂှ် သွက်ဂွံဓမံက်ရုပ်ရဴ ဂၠံၚ်တရဴပရေၚ်ဍုၚ်ကွာန်သၠဲလးနွံဒၟံၚ်ရဂှ်လေဝ် ညးလ္ၚတ်သ္ၚဳဂၠိပ်တအ် ပါ်ပါဲလဝ်ရ။

ဟွောန်ဇြာန်ကေတ်ဇၞူဇူလဝ် နူဌာနန္တရသ္ကိုပ်ဝန်ဇၞော်ဂှ် သ္ပတံနူသၞာံကၠုၚ်စိုပ်ဂတဏံမံက်တုဲ ကေတ်အာတာလျိုၚ် နဒဒှ်ဥက္ကဋ္ဌကၠတ်ထဝ်လ္တူကီု အခိၚ်သၟိၚ်ဨကရာဇ်တိတ်ဍုၚ်သ္အာၚ်မ္ဂး ဂွံအခေါၚ်ကေတ်တာလျိုၚ် နဒဒှ်သ္ကိုပ်သ္ကကၟိန်ဍုၚ် မွဲချိုန်ခနရောၚ်ဂှ် ဂွံတီကေတ်ရ။

Ref;CNA