ပ္ဍဲဂိတုအဝ်ဂါတ်ကြပ်အိုတ်ဏံ စအာ ပရေၚ်ဗလးပ္တိတ်ဍာ်ပရေံပရေံ ဖူကူယှဳမာဏောၚ်

တိုဝ်ဂျိုဝ်၊ အဝ်ဂါတ် (၈)

ဍုၚ်ဂျပါန် ပ္ဍဲကဵုဂိတုအဝ်ဂါတ်ကြပ်အိုတ်ဏံ စဗလးပ္တိတ်အာ ဍာ်ဓာတ်ရေဒဳယိုဝ်မလရုက္တဵု  နူကဵုပ္ဍဲရုၚ်စက်ကဵုဇြဟတ်ဓာတ် နျူကလဳယျာ ဖူကူယှဳမာ မလီုလာ်အာလဝ် ဟိုတ်နူသူနာမဳ ပ္ဍဲကဵုၜဳမှာသၟိတ်တေံဂှ် စဳဇန်ဒၟံၚ်ယျဂှ် ပ္ဍဲဂိတုအဝ်ဂါတ် (၇) တေံ လိက်ပရိုၚ်လၟေၚ်တ္ၚဲဍုၚ်ဂျပါန် အသာဟိယှေန်ဗောန် ထ္မံက်ထ္ၜးလဝ်ရ။

သ္ကိုပ်ဝန်ဇၞော် ဖူမဳယိုဝ်ကဳယှဳဒါဂှ် ပ္ဍဲကဵုသတ္တာဟကၠုၚ်စိုပ်ဏံ ဆဵုဂဗအာကဵု သမ္မတအမေရိကာန် ဂျဵုဗိုၚ်ဒေန်၊ သမ္မတကိုဝ်ရဳယျာသၠုၚ်ကျာ ယောန်သက်ယောတံ ပ္ဍဲကဵုအမေရိကာန်ဏောၚ်မဒှ်တုဲ ခြာဟွံလအ်ဏံ ဒဒှ်ရလလောၚ်ပ္တိတ်အာ ကိစ္စပရူပရာဏံ နွံဂှ်ကီု၊ ပွမဗလးပ္တိတ်ဍာ်ပရေံပရေံဏံ ဒဒှ်ရဘဲဥပါဒ်ဟွံမွဲဂှ်လေဝ် သောၚ်ကလးလဴထ္ၜးအာကဵု က္ဍိုပ်သ္ကိုပ်တံဏောၚ်ဂှ် ဂွံတီကေတ်ရ။

တ္ၚဲဗလးပ္တိတ်ဍာ်ဂှ် ဒဒှ်ရဟွံဂွံသ္ဂုတ်သွာတ်ချိုတ်တ်ပၠိုတ်တ်ဏီဂှ် ညးမၞုံအခေါၚ်ဟီုဂးကဆံၚ်လ္တူအလဵုအသဳ ဟဳရိုဝ်ကာဇြူ မက်သူနဝ် ဟီုဂးလဝ်ကဵု အ္စာပရိုၚ်တံရ။

အေဂျေန်ဇြဳဇြဟတ်ဓာတ်အနုလက်ကၠိုက် ဂျပါန်တံကဵု ဍုၚ်သ္အာၚ်တံဂှ် ၜိုန်ရဟီုဂးဒၟံၚ် ဘဲအန္တရာယ်ဟွံမွဲ ဗၠးဘဲတံကီုလေဝ် ဍုၚ်ဗ္ဒါဲဗ္ဒါဲတံဂှ် ဂွိၚ်တဴဒၟံၚ် ဖေက်ဒှ်ကၠုၚ်ဘဲဥပါဒ် ပ္ဍဲကဵုစၞစစၞသုၚ်တံအိုတ်ရ။ သွက်ဂွံဗလးပ္တိတ်ဍာ်ပရေံပရေံသာ်ဏံဂှ် ပ္ဍဲဂိတုတုဲကၠုၚ်တေံ နူကဵုဂကောံဂျပါန်ထိၚ်ပ္ညဳနျူကလဳယျာတံ ကဵုလဝ်အခေါၚ် ကုအဝ်ပရေတာရုၚ်စက် Tokyo Electric Power (9501.T) တံရ။

ပ္ဍဲကဵုဖူကူယှဳမာ မၞုံဒိုဟ်ဨသာန်တိုဝ်ကျိုဝ်ဂှ် ပ္ဍဲဂိတုသေပ်တေမ်ဗာဏံ သွက်ဂွံစကမၠောန်တမ္ၚာဂှ် စဳဇန်လဝ်တုဲ ကၠာရာသဳတမ္ၚာဂွိုအ်စဏံ အလဵုအသဳ ဒဒှ်ရရန်တၟံလဝ် သွက်ဂွံစဗလးပ္တိတ်ဍာ်ဂှ် လိက်ပရိုၚ်ဂှ် ထ္မံက်ထ္ၜးလဝ်ရ။

Ref; Reuters