လံၚ်လုၚ်၊ အဝ်ဂါတ် (၉)
ဂကောံဒပ်ဒမၠုက်လ္တူဍုၚ်ထဝါဲတံ ဗ္တိုက်လဝ် ဒပ်ကံၚ်ဇြဳပၞာန် မကၠုၚ်စၟဳတ်ပေါဲထ္ၜးဆန္ဒ စၟတ်သမ္တီဒ္စါံပန်မ ပေၚ် ၃၅ သၞာံ ပ္ဍဲကဵုဂိတုအဝ်ဂါတ် (၈) ပ္ဍဲဍုၚ်လံၚ်လုၚ်၊ ရးဒေသဇၞော်တၞၚ်သဳဂှ် ဂွံတီကေတ်ရ။
ပ္ဍဲကဵုတ္ၚဲဂှ် အခိၚ်နူဂယး ၇ နာဍဳကဝိုက်ဂှ် ပ္ဍဲကဵုဂၠံၚ်ပန်သွာၚ်ညံၚ်ပေန်ကျဳ မၞုံဗ္ဒါဲရုၚ်ဌာနက္ဍိုက်ပ်ဗြဲကျာ လ္တူဍုၚ်လံၚ်လုၚ်ဂှ် ဂကောံဒပ်ပံၚ်ကောံ ဂကောံဒပ်ဒမၠုက်လ္တူဍုၚ်ထဝါဲ၊ ပကဖထဝါဲ ကေုာံ ဒပ်စြေက် DDT (၃) ဂကောံတံ ချူလဝ်ဒ္စါံပန်မ လ္တူဂၠံၚ်တုဲ စံၚ်လဝ်သၠာကာတြေံတြေံတံဂှ်ရ။
ကွဳစက်ကာဒပ်ကံၚ်ဇြဳပၞာန် (၂) ဖ္ဍိုက် မဂေတ်ကၠုၚ်ကၚ် လ္တူဍုၚ်လံၚ်လုၚ်ဂှ် ဂကောံဒပ်ပံၚ်ကောံစဵုဒၞါဒေသတံ မၚ်တုဲ ပန်ပှော်ဗ္တိုဟ်လဝ်မာၚ်ရ။
ဟိုတ်နူလၟေၚ်ဒဒှ်ပန်ပှော်ဗ္တိုက်မာၚ်ဂှ်တုဲ ပရေၚ်ပန်ပှော်ၜါလ္ပာ် က္တဵုဒှ်လဝ် လလအ်ပွိုၚ် (၅) မိနေတ်တုဲ လ္ပာ်ကံၚ်ဇြဳပၞာန်တံ ဇီုကပိုက်ချိုတ်တံ နွံမာန်ကီုလေဝ် အကာဲအရာဗလးတိဗွဲလစှ်ေ ဂှ် ဆက်ဂၠိုက်ဂၠါဲဒၟံၚ်ရောၚ် သ္ဂးရ။
လၟေၚ်ဒဒှ်ပရေၚ်ပန်ပှော်ဏံဂှ်ဝွံ ဂကောံဒပ်ပံၚ်ကောံစဵုဒၞါဒေသတံသၟး ကၠောန်ၜိုတ်ဒၟံၚ်တုဲ မိမညးဍုၚ်ကွာန်တံကီု၊ ဂကောံဗကပ်ဗဗေၚ်တံကီု ပါလုပ်ဆက်စပ်လဝ်ဟွံမွဲဂှ် ဂကောံဒပ်ဒမၠုက်လ္တူဍုၚ်ထဝါဲ ပ္တိတ်လဝ် တၚ်လလောၚ်တြးရ။
လ္တူလၟေၚ်ဒဒှ် ဒးဒုၚ်ဗ္တိုက်ဏံဂှ် ပၞာန်အရီု လ္ပာ်ဒပ်ကံၚ်ဇြဳပၞာန်တံ ထပ်စိုပ်ကၠုၚ်တုဲ မ္ၚးနူကၟာတ်လဒဵုစၟဳတ် ကုညးဍုၚ်ကွာန်အာကၠုၚ်တံဂှ် သီုကဵုကၠောန်လဝ် ပရေၚ်ပန်ပှော်ကြာန်န်တံရောၚ်ဂှ် ဂွံတီကေတ် အတိုၚ်ဂလာန် ညးဒေသတံရ။
ပရိုၚ်−သြၚ်လောန်တိုၚ်(မ်)
ဗီု−LLPDF
sanlontai