ပလဝ်၊ အဝ်ဂေတ် (၁၂)
ပ္ဍဲသၞေဟ်ကၚ်စၟဳစၟတ် ဒၞာဲလုပ်တိတ်ဍုၚ်ပလဝ်၊ ရးဒေသဇၞော်တၞၚ်သြဳ မလလောၚ်တြးလဝ်ပရေၚ်အုပ်ဓုပ်ပၞာန်ဂှ် ဒပ်ကံၚ်ဇြဳပၞာန် ဂလိုၚ်ပ္တိုန်လဝ် ပရေၚ်ကၟာတ်ဒၞာစၟဳစၟတ်ရဂှ် ညးဒေသတအ် ဟီုကဵု ဌာန်ပရိုၚ်သြၚ်လောန်တိုၚ်(မ်)ရ။
သ္ပတံနူဂိတုအဝ်ဂေတ်မံက်တုဲ ပ္ဍဲသၞေဟ်ကၚ်စၟဳစၟတ် ဒၞာဲလုပ်တိတ်ဍုၚ်ဂှ် ကံၚ်ဇြဳပၞာန် သၠုၚ်ဂလိုၚ်ပ္တိုန်လဝ် ပရေၚ်ဂီုကၠီုတုဲ ဂၠိုက်ဂၠာဲစၟဳစၟတ်ဒၟံၚ် ညးဍုကွာန်အာတရဴတအ် ကၠောန်သ္ပဒၟံၚ်သောဲသောဲဗြောဲဗြောဲရ။
ပ္ဍဲပရေၚ်စၟဳစၟတ်ဒၟံၚ်ဗီုဏံ ကောန်ဒပ်ကံၚ်ဇြဳပၞာန်တအ် ပါဲနူဖုၚ် ပါကၠုၚ်ဒၟံၚ်နူညးအာတရဴတအ်ဂှ်တုဲ ကပေါတ်ကညောတ်ပါကၠုၚ် ကရောံညဘးဍုၚ်ကွာန်အာတရဴတအ်ဂှ်လေဝ် စၟဳစၟတ်တုဲ ဗၠေတ်ကဵုအခိုက်မ္ဂး သီုသီကေတ်ဒၟံၚ်ရဂှ် ညးဒေသမွဲတၠ ဟီုသ္ဂးလဝ်ရ။
သ္အာၚ်နူဂှ်ပၠန် ကောန်ဒပ်ကံၚ်ဇြဳပၞာန် စၟဳစၟတ်ဒၟံၚ် ကွဳစက်ပ္ဍိုက်နၚ်ဗၞိက် ကၠေတ်ဒၟံၚ်တုဲ ယဝ်ရသြန်ဍေံတအ်အာတ်မိက် ဟွံပါလေဝ် သီကေတ်ကပေါတ် သီုရပ်ကေတ်ဒၟံၚ်မၞိဟ်ရ။
ပ္ဍဲပွိုၚ်ဍုၚ်ပလဝ်ဂှ် သၞေဟ်ကၚ်စၟဳစၟတ်နာန်တောၚ်၊ သၞေဟ်ကၚ်စၟဳစၟတ် စၟတ် (၅)၊ သၞေဟ်ကၚ်စၟဳစၟတ်မဂျဳတဝ်တအ်ဂှ် ပရေၚ်စၟဳစၟတ် အကာဲအရာပရေံအိုတ် ဒှ်ဒၟံၚ်တုဲ သၞေဟ်ကၚ်အာတ်မိက်ဒၟံၚ်သြန် သ္ကာတ်မြဟ်အိုတ်လေဝ် ဒှ်ရဂှ် ညးအာတရဴတအ် ဟီုသ္ဂးလဝ်ရ။
ပ္ဍဲပွိုၚ်ဍုၚ်ပလဝ် ဒပ်ကံၚ်ဇြဳပၞာန်ပတေၚ်ဂြတ်လဝ်ပရေၚ်ဂီုကၠီုဂှ် အခိၚ်ဗ္တံလေဝ် ပန်ဖျေံဒၟံၚ်လွဟ်ဇၞော် ပ္ဍဲကွာန်ဂကောံဇြဟတ်ပၠန်ဂတးတအ် အုပ်ဓုပ်ထိၚ်ဒဝ်လဝ် အရိုဟ်ဟ်ဒဒှ်တ္ၚဲ အဆက်က်ကၠောန်သ္ပဒၟံၚ်ရ။
ပွိုၚ်ဍုၚ်ပလဝ် လလောၚ်တြးလဝ်ပရေၚ်အုပ်ဓုပ်ပၞာန်ဂှ် ဟိုတ်နူဂကောံဇြဟတ်ပၠန်ဂတးတအ် ပၠန်ဂတးဒၟံၚ်တုဲ ဒှ်ပွိုၚ်ဍုၚ် ကံၚ်ဇြဳပၞာန် လ္တူဍုၚ်ကဵု ပ္ဍဲအရာပ်လ္ၚဵုဂှ်ဟေၚ် ထိၚ်ဒဝ်လဝ်မာန် မွဲပွိုၚ်ဍုၚ်လေဝ်ဒှ်ရ။
ပရိုၚ် – သြၚ်လောန်တိုၚ်(မ်)
ဗီုရုပ် – CJ
sanlontai