မေန်လှ – အဝ်ဂေတ် (၅)
ရးဒေသဗဂေါ၊ ကွဳစက်ပ္ဍိုက်နၚ်ကောန်ဒပ်ကံၚ်ဇြဳပၞာန် ဖျေံလဝ်ဗဒိုပ် လ္တူဒဵုခါချေန် ဂၠံၚ်တတ်ကၠောံကရောၚ်ဒဵု သုၚ်ကာန်လာန်-မျိုအ်ချောၚ်(မြို့ချောင်း) ပွိုၚ်ဍုၚ်မေန်လှမွဲဖ္ဍိုက်ဂှ် တံဒပ်ခရိုၚ်သာယာဝတဳ ၃၈၀၂၊ ဒပ်လ္ပာ် – ၅ ဗတိုက်လဝ်ရဂှ် လလောၚ်တြးလဝ် ပရိုၚ်ရ။
ပ္ဍဲဂိတုအဝ်ဂေတ် စၟတ်တ္ၚဲ (၁၃) အခိၚ်ဒေါဝ်တ္ၚဲ (၁၁)နာဍဳဂှ် အခိၚ်ဒပ်ကံၚ်ဇြဳပၞာန် သၠာဲပြံၚ်ဒပ်တုဲ ဃောကလေၚ်စဴကၠုၚ်ဂှ် ဒပ်စဵုဒၞာညးဍုၚ်ကွာန်တအ် ဗတိုက်လဝ်ရ။
ဟိုတ်နူဗတိုက်ပန်ပှော်လဝ်တုဲ ထၟာဲကၠေၚ်ကွဳစက်ဖဝ် ကံၚ်ဇြဳပၞာန်ထောၚ်ကၠိုဟ်တုဲ ဒးချိုတ်လဝ်မွဲတၠ မၞိဟ်ဇီုကပိုက်ဒးလဝ်ဝပ် ဂၠိုၚ်ဒၟံၚ်ရဂှ် ဂွံတီကေတ်တုဲ ကလေၚ်ဗတိုက်လဝ် ဒပ်စဵုဒၞာညးဍုၚ်ကွာန်တအ် နကဵုဗုမ်ကၠဟ်ရဂှ် ဂွံတီကေတ်ရ။
ပ္ဍဲကရောၚ်ဒဵုဗဂေါ သ္ကုတ်ပွိုၚ်ဍုၚ်လေတ်ပတာန်၊ ပွိုၚ်ဍုၚ်မေန်လှ ကေုာံ ပွိုၚ်ဍုၚ်အုပ်ဖိုဝ် မဒှ်တိဍာ်ချဳဒရာၚ်ပၞာန် တံဒပ် ၃၈၀၂ ခရိုၚ်သာယာဝတဳဂှ် သ္ပတံနူ ဂိတုအဝ်ဂေတ် စၟတ်တ္ၚဲ (၆) တုဲကၠုၚ်တေံတုဲ တာဒၞာလဝ်အခေါၚ်ကွဳစက်အာကၠုၚ်ရ။
ပရိုၚ် – သြၚ်လောန်တိုၚ်(မ်)
ဗီုရုပ် – ဗီုတြေံ(CJ)
sanlontai