ပလဝ်၊ အဝ်ဂေတ်(၁၉)
ရးဒေသတၞၚ်သြဳ၊ ပွိုၚ်ဍုပ်ပလဝ်၊ ဟိုတ်နူဒပ်ကံၚ်ဇြဳပၞာန် ဒးဒုၚ်ဖံက်ခတိုဟ်လဝ်မာၚ် ဒၞာဲတိတ်နူဍုၚ်ပလဂှ် ပန်ပှော်ဏာလဝ်ကြာန်န်တုဲ ကောန်အရာပ် (၂) တၠ ဒးလွဟ်မကမ်တုဲ ဂွံလဝ်ဘဲဝပ်ရဂှ် ဂွံတီကေတ် နူတံဒပ် (၁) ခရိုၚ်ဗိက် ကေုာံ ညးဒေသတအ်ရ။
ပ္ဍဲဂိတုအဝ်ဂေတ် စၟတ်တ္ၚဲ (၁၇) အခိၚ်ဗ္တံ (၇)နာဍဳဂှ် ဒပ်ကံၚ်ဇြဳပၞာန် ဇြဟတ်ဒပ် နွံဗ္ဒာဲ (၃၀)တၠ ဂေတ်ကၠုၚ်ကၚ် နကဵုကွဳစက်ပၞာန် (၂)ဖ္ဍိုက်ဂှ် ဒပ်ပံၚ်ကောံ ဒပ်စဵုဒၞာဒေသတအ် ဗတိုက်ဖံက်ခတိုဟ်လဝ်မာၚ်ရ။
ကြဴနူဒးဒုၚ်ဖံက်ခတိုဟ်မာၚ်တုဲ ဒပ်ကံၚ်ဇြဳပၞာန် ပန်ပှော်ဏာလဝ်လွဟ် ကြာန်န်ဒမာန်ဒမာန် လအ်ၜိုတ် ပွိုၚ်(၂၀) မိနေတ်ရ။
ဟိုတ်နူဒပ်ကံၚ်ဇြဳပၞာန် ပန်ပှ်ောဏာလဝ်ကြာန်န်တုဲ ဥူမဝ်တေန်ယှာ ဒၟံၚ်အရာပ် စၟတ် (၃) ဍုၚ်ပလဝ် ကေုာံ ညးဒေသ ညးဗြဴမွဲတၠ ဒးလဝ်ဘဲဝပ်မကမ်တုဲ သ္ၚိဒၟံၚ် ဟွံအောန်နူ (၁၀)မ ဒးလဝ်လွဟ်မကမ်တုဲ လီုလာ်အာလဝ် နွံရဂှ် ညးဒေသတအ် ဟီုလဴလဝ်ရ။
ညးတာလျိုၚ်ခရိုၚ်ဗိက် တံဒပ် (၁) မွဲတၠဂှ်မ္ဂး ပ္ဍဲပရေၚ်ဒဒှ်ဖံက်ခတိုဟ်လဝ်မာၚ်ဏံ ဒဒှ်ရလ္ပာ်ကံၚ်ဇြဳပၞာန် ဇီုကပိုက်ဒးချိုတ်လဝ်နွံဂှ် ၜိုန်ရဂွံမိၚ်လဝ်ကီုလေဝ် ဆက်လ္ၚတ်ဂၠိုက်ဂၠာဲဒၟံၚ် လၟိဟ်ချိုတ်တ်ပၠိုတ်တ်ဖိုဟ်ရဂှ် ဟီုကဵု ဌာန်ပရိုၚ်သြၚ်လောန်တိုၚ်(မ်)ရ။
ဍုၚ်ပလ မဒှ်ဒေသလလောၚ်တြးလဝ် ပရေၚ်အုပ်ဓုပ်ပၞာန်ဂှ် ဂကောံဇြဟတ်ပၠန်ဂတးတအ် ထိၚ်ဒဝ်လဝ်တိဍာ်ဗွဲမဂၠိုၚ်တုဲ ပ္ဍဲအရာပ်လ္တူဍုၚ်လ္ၚဵုဂှ်ဟေၚ် လ္ပာ်ကံၚ်ဇြဳပၞာန် အုပ်ဓုပ်ထိၚ်ဒဝ်လဝ်မာန်ရ။
ရးဒေသတၞၚ်သြဳဂှ် ပ္ဍဲဂိတုဂျူလာၚ်တုဲကၠုၚ်တေံ အကြာဒပ်ကံၚ်ဇြဳပၞာန်ကဵု ဂကောံဇြဟတ်ပၠန်ဂတးတအ် ပေါဲဗတိုက်ဆေၚ်မုက်ၜါလ္ပာ် က္တဵုဒှ်လဝ်ဗ္ဒာဲ (၇၀) ဝါရဂှ် ဂကောံသုတေသန ပ္ဍဲဒေသဂှ် လလောၚ်တြးလဝ်ရ။
ပရိုၚ် – သြၚ်လောန်တိုၚ်(မ်)
ဗီုရုပ် – Social Media
sanlontai